എന്നെ കണ്ടപ്പോള്‍ ചന്ദ്രേട്ടന്‍ എന്നോട് പറഞ്ഞു…ഹരി ഞങ്ങള്‍ നിന്റെ കാര്യം സംസാരിച്ചുകൊണ്ട് ഇരിക്കുകയായിരുന്നു. ഇരുപത്തി മൂന്ന് വയസ്സായിട്ടും ബി.കോം പാസ്സായിട്ടും നിനക്കൊരു ജോലി ശരിയായില്ലല്ലോ എന്നാ നിന്റെ അമ്മയുടെ സങ്കടം. അതുകൊണ്ട് ഞാന്‍ എന്റെ മരുമകന്‍ ബാബുവിനോട് പറഞ്ഞ് നിനക്ക് പെരുമ്പാവൂരില്‍ ഒരു ജോലി ശരിയാക്കിയിട്ടുണ്ട്. അവനു തടിമില്ലും, ഫര്‍ണ്ണീച്ചര്‍ കടയും പിന്നെ ക്വാറി ബിസിനസ്സ് ഒക്കെ ഉണ്ടല്ലോ. തല്‍ക്കാലം നിനക്ക് അവന്റെ ഫര്‍ണ്ണിച്ചര്‍ കടയിലായിരിക്കും ജോലി. ശമ്പളം മാസം പതിനായിരം രുപാ തരാം എന്ന് അവന്‍ സമ്മതിച്ചിട്ടുണ്ട്. പിന്നെ അവന്‍ ഏതോ റബ്ബര്‍ എസ്‌റ്റേറ്റിലെ മരം മുറിക്ക് കൊട്ടേഷന്‍ കൊടുത്തിട്ടുണ്ട്. മരം മുറി തുടങ്ങിയാല്‍ പിന്നെ രണ്ട് മൂന്ന് മാസം അവന്‍ എസ്‌റ്റേറ്റില്‍ തന്നെയായിരിക്കും. അപ്പോള്‍ വീട്ടില്‍ എന്റെ മോളും കൊച്ചുമോളും മാത്രമേയുണ്ടാകു. അതുകൊണ്ട് നിന്റെ ഭക്ഷണവും താമസവും ഒക്കെ ഇനി എന്റെ മരുമകന്റെ വിട്ടീല്‍. ഹരി എന്തു പറയുന്നു.
എനിക്ക് സമ്മതം ചന്ദ്രേട്ടാ പക്ഷെ അമ്മ ഇവിടെ ഒറ്റക്കാണെന്ന ഒരു വിഷമം മാത്രമേ എനിക്കുള്ളു.
അതൊന്നും നീ പേടിക്കണ്ടാ ഹരി……അതിനു ഞങ്ങളൊക്കെ ഇവിടെയില്ലെ.
ഞാന്‍ അമ്മയെ ഒന്ന് നോക്കിയിട്ട് ചന്ദ്രേട്ടനോട് പറഞ്ഞു ആരുമില്ലെങ്കിലും ചന്ദ്രേട്ടന്‍ ഉണ്ടാകുമെന്ന് എനിക്ക് ഉറപ്പാ. ആ ഒരു ഉറപ്പിലാ ഞാന്‍ പെരുമ്പാവൂര്‍ക്ക് പോകാമെന്ന് സമ്മതിച്ചത്.
എന്നാല്‍ തല്‍ക്കാലം ഇതിരിക്കട്ടെ ഹരി എന്ന് പറഞ്ഞ് എന്റെ കൈയ്യില്‍ അയ്യായിരം രുപാ തന്നിട്ട് നീ ഇപ്പോള്‍ തന്നെ ടൗണില്‍ പോയി ഷര്‍ട്ടോ, പാന്റോ എന്താ എന്നു വെച്ചാല്‍ വാങ്ങിക്കോ എന്ന് പറഞ്ഞു.
അപ്പോള്‍ അമ്മ എന്നോട് കണ്ണുകൊണ്ട് അകത്തേക്ക് വരാന്‍ പറഞ്ഞു. ഞാന്‍ ചെന്നപ്പോള്‍ അമ്മ പറഞ്ഞു…
അയാള്‍ പറഞ്ഞത് നീ കേട്ടല്ലോ. ഇപ്പോള്‍ തന്നെ പോയി നിനക്ക് എന്താ വേണ്ടത് എന്നുവെച്ചാല്‍ വാങ്ങിക്കോ. പിന്നെ നീ എപ്പോഴും പറയാറില്ലേ നിനക്ക് മഹാറാണിയിലെ പൊറോട്ടയും ജിഞ്ചര്‍ ചിക്കനും ഭയങ്കര ഇഷ്ടമാണെന്ന്. നീ അതും കഴിച്ച് ഒരു സെക്കന്റ് ഷോയും കണ്ടിട്ട് വന്നാല്‍ മതി.
അപ്പോള്‍ ഇയാള്‍…
അയാള്‍ പലിശ വാങ്ങാന്‍ വന്നതാ. കഴിഞ്ഞയാഴ്ച വന്നപ്പോള്‍ ഞാന്‍ ഈ ആഴ്ച തരാം എന്നാ പറഞ്ഞത്. അയാള്‍ ഏതായാലും ഇത്രയിടം വന്നില്ലേ. ഇനി പലിശ കൊടുക്കാതെ എങ്ങിനെയാ അയാളെ മടക്കി അയക്കുക. അതുകൊണ്ട് ഇന്ന് തന്നെ പലിശ കൊടുക്കാമെന്ന് വെച്ചു. പലിശ കൊടുത്താല്‍ അയാള്‍ പൊയ്‌ക്കോളും.
അയാളുടെ കള്ളകളികള്‍ അറിയാവുന്ന ഞാന്‍ അതൊന്നും പ്രകടിപ്പിക്കാതെ അമ്മേ അയാള്‍ക്കുള്ള പലിശ എനിക്ക് തന്നതില്‍ നിന്നും എടുത്ത് കൊടുത്താലോ..
അത് വേണ്ട മോനെ. അയാള്‍ക്ക് വേണ്ട പലിശ അമ്മ തന്നെ കൊടുക്കുന്നതാ അതിന്റെ ഒരു ശരി. എന്നാല്‍ മോന്‍ പോയിട്ട് വാ.
മകനാണെങ്കിലും അയാളുടെ സ്വഭാവം എനിക്കറിയാമെന്ന് അമ്മ ഒന്ന് അറിഞ്ഞിരിക്കണമല്ലോ എന്ന് വിചാരിച്ച് ഞാന്‍ പറഞ്ഞു..
അല്ലെങ്കിലും അയാള്‍ സ്ര്തീകളുടെ കൈയ്യില്‍ നിന്നും പലിശ കാശായി വാങ്ങാറില്ലല്ലോ. അയാള്‍ക്ക് എന്താണോ ഇഷ്ടം അത് കൊടുത്താല്‍ അത് അയാള്‍ പലിശയായി കണക്കാക്കുമല്ലേ. പലിശ കൊടുക്കാന്‍ അമ്മക്ക് അത്രക്ക് ഇഷ്ടമാണെങ്കില്‍ പിന്നെ എനിക്കൊന്നും പറയാനില്ല.
കടം വാങ്ങിച്ചു പോയില്ലേ ഹരി.
The Author
