വൈകുന്നേരം വരെ ഞാൻ അമ്മക്കും അനിയന്റെ മക്കളുടെയും കൂടെ ചിലവിട്ടു
രാത്രി 8:30 ആയപ്പോൾ അനിയൻ വന്നു
ചേച്ചി ഞാൻ ഒന്ന് ഫ്രഷ് ആയി വരാം അപ്പോഴേക്കും ചേച്ചി ഡ്രസ്സ് മാറിക്കൊള്ളൂ
ഞാൻ റൂമിൽ പോയി സാരി മാറ്റി വന്നു
ഏകദേശം 9 മണിയോടെ ഞങ്ങൾ മെഡിക്കൽ ഷോപ്പിന് മുൻപിൽ എത്തി
ചേച്ചി വണ്ടിയിൽ ഇരുന്നോ !
മോൾക്ക് ഒരു മരുന്നും വാങ്ങാനുണ്ട് ഞാൻ അവൻ ഉണ്ടോ എന്ന് നോക്കിട്ടുവരാം
ഞാൻ മൊബൈലിൽ നോക്കി ഇരിക്കുമ്പോൾ അവൻ തിരിച്ചു വന്നു
നല്ല തിരക്ക് ആണ് ചേച്ചി ഞാൻ പ്രിസ്ക്രിപ്ഷൻ മണിക്കുട്ടന്റെ കയ്യിൽ കൊടുത്തു
ഫ്രീ ആയാൽ മരുന്നും കൊണ്ട് കാറിന്റെ അവിടേക്ക് വാരാൻ പറഞ്ഞിട്ടുണ്ട്
ചേച്ചിയുടെ കാര്യം ഒന്നും പറഞ്ഞിട്ടില്ല ഒരു സർപ്രൈസ് ആവട്ടെ എന്ന് വച്ചു
ആഹാ അത് നന്നായി
ഒരു അര മണിക്കൂറിന് ശേഷം ആണ് അവൻ വന്നത്
അനിയൻ പുറത്തിറങ്ങി മരുന്ന് വാങ്ങി ഞാൻ അപ്പോഴും കാറിൽ തന്നെ ഇരുന്നു
പൈസ കൊടുത്തപ്പോൾ അവൻ വാങ്ങാൻ സമ്മതിക്കുന്നില്ല എന്ന് കണ്ടു
അനിയൻ അവന്റെ കയ്യ് പിടിച്ചു കാറിൽ കയറ്റി പോക്കറ്റിൽ പൈസയും വച്ചുകൊടുത്തു
വാ മനു വന്ന് വണ്ടിയിൽ കയറ് നമ്മുക്ക് ഓരോ ചായ കുടിക്കാം
അനിയൻ വന്നു വണ്ടിയിൽ കയറി അവന് ഡോർ തുറന്നു കൊടുത്തു
ഉള്ളിൽ കയറിയപ്പോഴാണ് അവൻ എന്നെ കാണുന്നത്
ചേച്ചി ഉണ്ട് എന്നൊന്നും ചേട്ടൻ പറഞ്ഞില്ലാലോ ?
ആഹാ…… അപ്പൊ ഞാൻ വന്നതായോ കുഴപ്പം
അല്ല ചേച്ചി ഉണ്ടെങ്കിൽ ഞാൻ നേരത്തെ ഇറങ്ങുമായിരുന്നു
അത് ശരി അപ്പോ ഞാൻ ആരായി
ചേച്ചിയെ കിട്ടിയപ്പോൾ നിനക്ക് എന്നെ വേണ്ട അല്ലേ ?
അയ്യോ അങ്ങനെ അല്ല ചേട്ടാ
ഞാൻ മുതാളിയോട് പറഞ്ഞിട്ട് നേരത്തെ ഇറങ്ങാം എന്നാ പറഞ്ഞത്
മനുകുട്ടാ കുഴപ്പം ഒന്നും ഇല്ല.
അവൻ നിന്നെ വെറുതെ പിരികേറ്റുന്നതാ മോൻ വിട്ടുകള
സുധി നീ വണ്ടിയെടുക്ക്
ശരി ചേച്ചി !
