നീതുവിന്റെ പൂങ്കാവനം 1

വിഷമമായൊ.എടി നീ വെഷമിക്കാതെ നമുക്കു വഴിയുണ്ടാക്കാം.’
‘പിന്നെ വിഷമം വരത്തില്ലെ.ഇച്ചായന്‍ പോയ അന്നു മുതലു ഞാന്‍ ഓരോ ദിവസോം എണ്ണിയെണ്ണി കാത്തിരിക്കുവാ ഇന്നു വരും നാളെ വരും എന്നു പറഞ്ഞോണ്ടു അറിയൊ.എന്നിട്ടാ എന്നോടു ഇനി ഒരു വര്‍ഷം കൂടി കഴിയട്ടേന്നു’ ഞാന്‍..’
‘വിടു വിടു ആ വിഷയം വിടു ഞാന്‍ നിന്റെ ടെന്‍ഷനൊന്നു കൊറക്കാന്‍ നോക്കിയതാ അതിപ്പൊ കുരുവായല്ലൊ.’
അപ്പോഴേക്കും പ്ലാറ്റ്‌ഫോമില്‍ ട്രെയിന്‍ വരുന്നതിന്റെ അനൗണ്‍സ്‌മെന്റ് വന്നു. ജോമോനേയും കളിപ്പിച്ചു കൊണ്ടിരുന്ന ജോര്‍ജ്ജ് ഇതു കേട്ടു നീതുവിനോടു വിളിച്ചു പറഞ്ഞു
‘ടീ മോളെ മതി ഇനി വണ്ടീകേറീട്ടു സംസാരിക്കാമെന്നവനോടു പറ.’
‘യ്യോ ഇച്ചായാ വണ്ടി വരുന്നെന്നു പപ്പാ വിളിച്ചു പറയുന്നു ഞാന്‍ പിന്നെ വിളിക്കാം’
‘ആ ഞാന്‍ കേട്ടെടി അനൗണ്‍സ്‌മെന്റ് ഒക്കെ ന്നാ പിന്നെ വിളിക്കാം’
ജോര്‍ജ്ജ് അപ്പോഴേക്കും ലഗ്ഗേജോരോന്നെടുത്തു തങ്ങളുടെ കമ്പാര്‍ട്ടുമെന്റ് വരുന്നതിനടുത്തേക്കു കൊണ്ടു വെച്ചു.അല്‍പസമയത്തിനുള്ളില്‍ ട്രെയിന്‍ വന്നു നിന്നു.നീതുവിന്റെ നെഞ്ചു പടപടാന്നു മിടിക്കാന്‍ തുടങ്ങി.വന്നു നിന്ന വണ്ടിയുടെ ഫസ്റ്റ്ക്ലാസ് ഏസി കൂപ്പെയിലേക്കു ജോര്‍ജ്ജ് രണ്ടു കയ്യിലും ലഗ്ഗേജുമായിനീതുവിനേയും കൊണ്ട് കയറി.നീതു കുഞ്ഞിനേയും കൊണ്ടു ട്രെയിനുള്ളിലെ ഇതുവരെ പരിചയമില്ലാത്ത ഒരു പുതിയ കാഴ്ചകളിലൂടെ അന്തംവിട്ടു പപ്പായുടെ പുറകെതങ്ങളുടെ കൂപ്പെ നോക്കി നടന്നു.ആകെയൊരു ഇരുണ്ട അന്തരീക്ഷം ഏസിയായതു കൊണ്ടു എല്ലായിടവും കര്‍ട്ടനിട്ടു മൂടിയിട്ടുണ്ടു.കൂപ്പെ കണ്ടു പിടിച്ച് വാതില്‍ തുറന്നു അകത്ത് കേറിയപ്പൊ നീതു അന്തംവിട്ടു പോയി.
‘മോളെ നീയിരിക്കു ഞാന്‍ പോയി ബാക്കിയുള്ള ലെഗ്ഗേജും കൂടി എടുത്തോണ്ടു വരാം.’
അവള്‍ മൂളിയെങ്കിലും ജോര്‍ജ്‌ജെന്താണു പറഞ്ഞതെന്നു പോലും അവള്‍ കേട്ടില്ല.അവളാകെ വണ്ടറടിച്ചു നിക്കുവായിരുന്നു.മടക്കി വെച്ചാല്‍ ബെഡ്ഡ് ആക്കാന്‍ പറ്റുന്ന രണ്ടു സീറ്റുള്ള ഒരു കൊച്ചു റൂം ആയിരുന്നു അതു.ട്രെയിനില്‍ ഇങ്ങനെ ഒരു സെറ്റപ്പ് ഉണ്ടെന്നുള്ളതു സിനിമയില്‍ കണ്ടിട്ടുണ്ട് നേരില്‍ കാണുന്നതു ആദ്യമായാണു.നല്ല തണുപ്പുണ്ട് ഏസിയായതു കൊണ്ട് ജനല്‍ തുറക്കാന്‍ പറ്റില്ല ഗ്ലാസ്സ് ഒരു കര്‍ട്ടന്‍ കൊണ്ട് മറച്ചു വെച്ചിരിക്കുന്നു.നീതു കുഞ്ഞിനെ സീറ്റില്‍ കിടത്തിയപ്പോഴേക്കും ജോര്‍ജ്ജ് ബാക്കിയുള്ള ലെഗ്ഗേജൊക്കെ കൂപ്പയില്‍ എത്തിച്ചിരുന്നു.അവള്‍ ജോര്‍ജ്ജിനെ സാധനങ്ങളൊക്കെ അടുക്കി വെക്കാന്‍ സഹായിച്ചു.എല്ലാം ഒതുക്കി വെച്ച് നീതു ജന്നലിന്റെ അടുത്തിരുന്നു പുറത്തേക്കു നോക്കിയിരുന്നു അപ്പോഴേക്കും വണ്ടി വിട്ടിരുന്നു.
ഇതു കണ്ട ജോര്‍ജ്ജ് അടുത്ത സീറ്റില്‍ ഇരുന്നു കൊണ്ട് പറഞ്ഞു.