“ഇനി ഉള്ള രാത്രികളിൽ എനിക്ക് ആസ്വദിക്കാൻ, എന്നേക്കാൾ കുരുത്തം കെട്ട എന്റെ പിള്ളേരെ പെറ്റു വളർത്താൻ, ജീവിതകാലം മുഴുക്കെ എന്നെ സഹിക്കാൻ നീ റെഡി ആണെങ്കി നമ്മുടെ കാര്യം ഞാൻ ഡാഡിയോട് പറയട്ടെ?” സിമ്പിൾ പ്രൊപോസൽ…
കിളി അല്ല വേറെ എന്തൊക്കെയോ ആണ് പറന്നു പോയത്…തലയ്ക്കു മീതെ ഫാൻ കറങ്ങുന്നത് തൊട്ടു സിരകളിൽ രക്തം ഒഴുകുന്ന വരെ അറിയാൻ പറ്റുന്നുണ്ട്… ഹാർട്ട്‌ ബീറ്റ് കൂടി…
മിക്കവാറും സാദനം ഇപ്പൊ പൊട്ടി തെറിച്ചു പോവും..ഒന്നും പറയാൻ പറ്റാതെ ഇതൊന്നും വിശ്വസിക്കാൻ പറ്റാതെ എബിന്റെ മുഖത്തു നോക്കി വണ്ടർ അടിച്ചു നിൽക്കുവാണ് ഞാൻ.
പെട്ടെന്ന് ആണ് വാതിലിൽ ഒരു മുട്ട് കേട്ടത്.. മിണ്ടരുത് എന്ന് എബിൻ ആംഗ്യം കാട്ടി അലമാരയുടെ ഇടയിലേക്ക് കേറി നിന്നു… ഞാൻ ചെന്ന് വാതിൽ തുറന്നു.. അമ്മ ആയിരുന്നു
“നീ ഇതിൽ എന്ത് ചെയ്യുവാ”
“ഞാൻ.. ഞാൻ ഫോൺ ചെയ്യുവായിരുന്നു”
“അതിനു ഈ വാതിൽ എന്തിനാ അടച്ചിട്ടു വച്ചേക്കുന്നെ”
“പിള്ളേർ ഓടി കേറി സൗണ്ട് ഉണ്ടാക്കും അത് കൊണ്ടാ” ഭക്ഷണം കഴിക്കാൻ വായോ എന്ന് പറഞ്ഞു അമ്മ പോയി ഞാൻ വാതിൽ അടച്ചു കുട്ടി ഇട്ടു ജനലിന്റെ അരികിലേക്ക് നടന്നു..
“നീ ഒന്നും പറഞ്ഞില്ല ഞാൻ എന്ത് പറയാൻ ആണ്… ഒരുമാതിരി ലോട്ടറി അടിച്ച അവസ്ഥ ആയി പോയി… ഇഷ്ടം ആണെന്ന് പറയണം എന്ന് ഉണ്ട്.. വായിൽ നിന്നും വരേണ്ടേ.. ഞാൻ മിണ്ടാതെ നിൽക്കുന്ന കണ്ടിട്ട് ആവണം അവൻ നീ ആലോചിക്ക എന്ന് പറഞ്ഞു നടന്നതും ഞാൻ കയ്യിൽ കേറി പിടിച്ചു കഴുത്തിലെക്കു ചാടിയതും ഒരുമിച്ചു ആയിരുന്നു..എന്റെ ചാടലിന്റെ ഗുണം കൊണ്ട് അവൻ പിന്നോട്ട് നീങ്ങി പോയി..ചിരിച്ചു കൊണ്ട് എന്നെ ചുറ്റി പിടിച്ചു..
