”ഈ മനുഷ്യൻ ഒറ്റൊരുത്തനാ ഇവനെ കേട് വരുത്തിയെ ”
”അവൻ നടക്കട്ടെ ഡി..നമ്മൾ ആരും കാണാത്തതൊന്നും അല്ലാലോ..”
”അങ്ങനെ പറഞ്ഞു കൊടുക്കപ്പാ ”
”വേണേൽ ഞാനും ഊരാം അവൻ ഒരു കമ്പനിക് ”
”അയ്യടാ ഇനി അതിന്റെ ഒരു കൊറവേ ഉള്ളു ”
”അമ്മ അങ്ങനെ പുച്ചിക്കണ്ട കം ഓൺ പപ്പാ..”
”അപ്പനും മോനും എന്താച്ചാ ചെയ്യ്..
ഡാ….. നിനക്കു ക്സാമിന് പോണ്ടെ ”
”പടച്ചോനേ പറഞ്ഞപോലെ ഇന്നലെ എക്സാം ”
”പോയി കുളിച്ച പോവാൻ നോക്ക് ”
”ഞാൻ അതിന് ഒന്നും പഠിച്ചിട്ടില്ല ”
”ഇല്ലെങ്കിലും കൊഴപ്പം ഇല്ല പോയി അറ്റന്റ് ചെയ്യ് ”
എന്റെ വെപ്രാളം കണ്ട് അപ്പൻ പറഞ്ഞു
ഞാൻ അമ്മയുടെ കയ്യിൽ നിന്ന് ചായ വാങ്ങി ഒറ്റവലിക് കുടിച്ചു വേഗം കുളിക്കാൻ കയറി
അതികം പാട്ടൊന്നും പാടാതെ കുളിച്ചൊരുങ്ങി ഹാൾ ടിക്കറ്റും ഒരു പേനയും എടുത്ത് വേഗം ഇറങ്ങി
”ഡാ.. നിനക്കു ഫുഡ് വേണ്ടേ..”
അമ്മ പുറകിൽ നിന്ന് കൂവി
”ഓഹ്‌ ന്റെ അമ്മെ നല്ലൊരു കാര്യത്തിന് പോകുമ്പോ ഇങ്ങനെ പുറകിലെന്ന് വിളിക്കലെ ”
”ഓഹ്‌ പിന്നെ പറയുന്നത് കേട്ട തോന്നും ഒരു മാസമായി കുട്ടി ഭയങ്കര പ്രീപ്രഷൻ ആണെന്ന്.ഇന്ന് ഏതാ പേപ്പർ എന്ന് അറിയുമോ നിനക്കു ”
”അതൊക്കെ ഞാൻ അടുത്തുള്ളവന്റെ നോക്കി അഡ്ജസ്റ്റ് ചെയ്തോളാം
പിന്നെ പേപ്പറിലൊന്നും കാര്യമില്ല.ചോദ്യപേപ്പറിൽ ഉണ്ടാകും അത് ”
”ഓഹ്‌ ഇങ്ങനെയും ഒരു വാഴ ”
ഞാൻ വേഗം ബൈക്ക് എടുത്ത് കോളേജിലെക് പാഞ്ഞു.
ശോ പരിചയം ഉള്ള ആരെയും കാണുന്നില്ലാലോ
കൊറേ പുതിയ ടീച്ചേർസ് ഓക്കേ വന്നിട്ടുണ്ടല്ലോ പഴയ ആ മേഴ്‌സി തള്ള ഓക്കേ പോയോ ആവോ
ഞാൻ ചുമ്മാ കോളേജിലുടെയെല്ലാം ഒന്ന് ചുറ്റിക്കറങ്ങി കാന്റീനിൽ പോയി ഇരുന്നു.ആരേലും ഓക്കേ വായനോക്കാം എന്നുള്ള ഒരു ഐഡിയ ഇൽ പോയി ഇരുന്നതാ അവടെ ഒന്നും ഒരു പൂച്ച കുട്ടിപോലും ഇല്ല
”ഇതെന്താ രാജേട്ടാ കാന്റീൻ എല്ലാം കാലി ആണല്ലോ ആരും വരുന്നില്ലേ ഇങ്ങോട്ട് ”
