“എനിക്ക് പേടി ഒന്നുമില്ല… ഞാൻ വരാം ”അവൻ പറഞ്ഞു… ഞങ്ങൾ അപ്പോൾ തന്നെ അവിടെ നിന്ന് ഇറങ്ങി… ആലപ്പുഴയിൽ പറവൂർ അവിടെ ആയിട്ടാണ് അവളുടെ വീട്.. ഒരു കോളനി ആണ് അതിന്റെ ഏറ്റവും അറ്റാതായിട്ടാണ് അവളുടെ വീട്.. ഞങ്ങൾ ആ വീടിന്റെ ഫ്രണ്ടിൽ വണ്ടി നിർത്തി… പരിചയമില്ലാത്ത ആളുകൾ ആയതുകൊണ്ട് ആകും… അടുത്തുള്ളവർ ഒക്കെ ഞങ്ങളെ ശ്രെദ്ധിക്കുന്നുണ്ടായിരുന്നു… വിവേക് ഡോർ ബെൽ അടിച്ചു.. അപ്പോൾ തന്നെ ഐഷ വാതിൽ തുറന്നു…
“ആഹ് ഇയ്യാളും ഉണ്ടായിരുന്നോ… വരുമെന്ന് എനിക്ക് അറിയാമായിരുന്നു… ഇവനും ഉണ്ടാകുമെന്ന് ഞാൻ കരുതിയില്ല… ആഹ് അവിടെ തന്നെ നിക്കുവാണോ അകത്തേക്ക് കയറി ഇരിക്ക് ” പുറത്ത് നിക്കുന്നത് ശെരിയാകില്ല എന്ന് മനസിലാക്കി ഞാൻ വീടിന് അകത്തേക്ക് കയറി… വിവേകും കയറി… ഐഷ ഡോർ അടച്ചു… ഞാൻ വീടൊന്ന് നോക്കി നല്ല വൃത്തിയുള്ള വീട്… ഞങ്ങൾ അവിടെ സോഫയിൽ ഇരുന്നു…
“ഞാൻ വെള്ളം എടുത്തോണ്ട് വരാം ” അവൾ പറഞ്ഞിട്ട് അകത്തേക്ക് പോകാൻ തുടങ്ങി…
“വെള്ളം ഒന്നും വേണ്ട… കുറച്ചു കാര്യം പറയാനാണ് വന്നത്… അത് പറഞ്ഞിട്ട് ഞങ്ങൾ അങ്ങ് പോകും ” ഞാൻ പറഞ്ഞു…
“ആഹ് നല്ല ചൂടിൽ ആണല്ലോ… അവിടെ ഇരിക്കൂന്നേ.. ഞാൻ വെള്ളം ആയിട്ട് വരാം ” ഞാൻ പറഞ്ഞത് ഗൗനിക്കാതെ അവൾ പറഞ്ഞിട്ട് അകത്തേക്ക് പോയി… ഞാൻ എന്റെ ദേഷ്യം അടക്കി പിടിച്ചു… അവൾ വെള്ളവുമായി വന്നു… ഞാൻ കുടിച്ചില്ല അവൻ കുടിച്ചു… അവന്റെ മുഖത്ത് ചെറിയാ പേടി ഉണ്ടായിരുന്നു… അത് കൊണ്ട് ആണെന്ന് തോന്നുന്നു ഐഷയുടെ മുഖത്ത് വല്ലാത്ത ചിരിയുമുണ്ടായിരുന്നു… വെള്ളം അവിടെ വെച്ചിട്ട് അവിടെ ഇരുന്നു…
“ആഹ് ഇനി പറ.. എന്താ കാര്യം ” അവൾ കാലിന്റെ മേലിൽ കാൽ കയറ്റി വെച്ച് ചോദിച്ചു…
“എന്താ നിന്റെ ഉദ്ദേശം ” ഞാൻ അവളോട് ചോദിച്ചു…
“എന്റെ ഉദ്ദേശം ഞാൻ പറഞ്ഞല്ലോ.. എന്റെ ജീവിതം നശിപ്പിച്ചവളാണ് അവൾ അവളുടെ ജീവൻ എനിക്ക് വേണം ” അവൾ ഒരു ചിരിയോടെ പറഞ്ഞു…
“ടി നിന്നെ ” എന്ന് പറഞ്ഞു ഞാൻ അവളെ അടിക്കാനായി കൈ വീശിയതും വിവേക് എന്റെ കയ്യിൽ പിടിച്ചു…
“ഹ ഹ ഹ, കൂട്ടുകാരാന് നല്ലബുദ്ധി പറഞ്ഞു കൊടുക്ക്.. ഞാൻ ഒന്ന് വിളിച്ചാൽ നിങ്ങളുടെ പൊടി പോലും ബാക്കി കിട്ടില്ല… ഇത് മാർട്ടിന്റെ ഏരിയ ആണ്… പറവൂർ മാർട്ടിന്റെ ഏരിയ ” ഐഷ അഭിമാനത്തോടെ പറഞ്ഞു… അത്
