“എണീക്കപ്പുവെട്ടാ “
“സമയം എത്രയായി “
“ 6 മണി “
“നിനക്കെന്താ അമ്മു ഇത്ര രാവിലെ കുറച്ച് നേരം കൂടി കിടന്നോട്ടെ ഞാൻ “
“എണീക്കപ്പുവേട്ട … അമ്പലത്തിൽ പോകാനാ”
“ നാളെ പോകാം “
“നാളെ അല്ല ഇന്ന് .. ഏക്ക് ഇല്ലേൽ തലേക്കുടി വെള്ളം ഒഴിക്കൂട്ടൊ”
അപ്പു കണ്ണുതുറന്ന് നോക്കുമ്പോൾ
കുളിച്ച് തോർത്ത് തലയിൽ ചുറ്റി ധാവണിയുടുത്ത്‌
അതിന്ടെ തുമ്പ് അരയിൽ കുത്തി നിൽക്കുന്ന അമ്മുവിനെയാണ്
അവളവനെ പിടിച്ചെഴുനേല്പിച് കുളിക്കാൻ പറഞ്ഞു വിട്ടു
അവൻ തിരിച്ചു വന്നപ്പോൾ അമ്മു ഒരു ഷർട്ടും മുണ്ടും അവന് എടുത്തുകൊടുത്തു
“ ദാ ഇതിട്ടോ “
അവൻ അത് ഇട്ടു , ഷർട്ടിന്റെ ബട്ടൺ ഇടുമ്പോൾ അവൾ അവന്ടെ മുടി ചീകി കൊടുത്തു .
അവസാനം അവനും ,അമ്മുവും , കുഞ്ചുവും ,2 കുട്ടികളും അമ്പലത്തിലേക് ഇറങ്ങി
പുലർകാലെ സൂര്യ കിരണങ്ങൾ വീണ് തുടങ്ങിയിരിക്കുന്നു പച്ചപ്പിൽ മുഴുവൻ മഞ്ഞുതുള്ളികൾ പടർന്ന് കിടക്കുന്നു അവർ ആ നെൽ പാടത്തിന് നടുവിലൂടെ നടന്ന്‌ നീങ്ങുന്നു
കിളികളുടെയും , പക്ഷികളുടെയും , അണ്ണാൻടെയും ശബ്ദം ആ പ്രഭാതത്തിന്റെ മാറ്റ് കൂട്ടി ,
മഞ്ഞിന്റെ തണുപ്പും മരങ്ങൾക്കും മലകൾക്കും ഇടയിലൂടെ അരിച്ചു വരുന്ന സൂര്യ കിരങ്ങളുടെ ചൂടും കൊണ്ട് അവരങ്ങനെ നടന്നു .
അമ്മു , അവളെപ്പോഴും അപ്പുവിന്റെ മനസ്സിന് സന്തോഷം ഉണ്ടാക്കുന്ന പെണ്ണാണ്
ഈ പ്രഭാതത്തിൽ ഈ പ്രകൃതി ഭംഗിയേക്കാൾ സൗന്ദര്യം അവൽക്കാണെന്ന് തോന്നിയ നിമിഷം
അമ്മു തിരിഞ്ഞു നോക്കിയപ്പോൾ അപ്പു അവളെ തന്നെ നോക്കിക്കൊണ്ട് നടക്കുന്നു
തിരിഞ്ഞു നോക്കി എന്താ എന്ന അർഥത്തിൽ അവൾ തല അനക്കി .
അവൻ അവളുടെ അടുത്ത് ചെന്ന് അവളുടെ ചെവിയിലായി പതിയെ പറഞ്ഞു
“ എനിക് നിന്നെ തന്നെ നോക്കി ഇരിക്കണം “
അമ്മു ചിരിച്ചുകൊണ്ട് അവന്റെ ഇടത്തുകയിൽ വിരലുകൾ കോർത്ത് അവനോട് ചേർന്നവൽ നടന്നു .
