തുടങ്ങുവാൻ തീരുമാനമായി. എനിക്കും കുറച്ച് സ്ഥലവും ഒരു വീടുമുണ്ടായിരുന്നു പക്ഷേ ഞാൻ അമ്മാവന്റെ വീട്ടിൽ ആയതുകൊണ്ട് വീടിനെല്ലാം ചെറിയ കേടുപാടുകൾ സംഭവിച്ചായിരുന്നു. എന്റെ സ്ഥലത്തിന്റെ ആധാരം കാർഷിക ബാങ്കിൽ പണയം വെച്ച് പണം കണ്ടെത്തുകയും അതിൽനിന്ന് എന്റെ കട തുടങ്ങുകയും ചെയ്തു. അങ്ങനെ ഒരു 20 വയസ്സായപ്പോഴേക്കും സ്വന്തമായി സ്ഥാപനo നടത്തിക്കൊണ്ടു പോകാനുള്ള ധൈര്യവും ലഭിച്ചു.
അങ്ങനെ കടയും കച്ചവടങ്ങളുമായി മുന്നോട്ടു പോകുമ്പോഴാണ് ഞാൻ എന്റെ നായികയെ കണ്ടുമുട്ടുന്നത് പേര് സിനിമോൾ അവൾ ആ സമയം നേഴ്സിങ് പഠനം നടത്തിക്കൊണ്ടിരിക്കുകയായിരുന്നു. അവിടെയുള്ള ഒരു ബസ് സ്റ്റോപ്പിൽ നിന്നാണ് അവൾ ഡെയിലി പഠനത്തിന് പോയിക്കൊണ്ടിരുന്നത്. അങ്ങനെ ഞാൻ അവിളെ ശ്രദ്ധിക്കാൻ തുടങ്ങി. പിന്നെ പരസ്പരം നോട്ടങ്ങളായി പതുക്കെ പതുക്കെ കടയിലേക്ക് വരാൻ തുടങ്ങി. പിന്നെ സ്ഥിരമായി വരാൻ തുടങ്ങി. അന്ന് ഒരു ദിവസം ഞാൻ അവൾക്കൊരു പേപ്പറിൽ എന്റെ ഫോൺ നമ്പർ എഴുതി കൊടുത്തു. എനിക്കൊരു കാര്യം പറയാനുണ്ട് ഒന്ന് വിളിക്കാൻ പറഞ്ഞു. അവൾ വിളിച്ചു ഞാൻ എന്റെ മനസ്സ് തുറന്നു. പക്ഷേ അവൾ ആദ്യം സമ്മതിച്ചില്ല രണ്ട് ജാതിയാണ് നമ്മൾ ചേരില്ല എന്ന് ഒരുപാട് കാരണങ്ങൾ പറഞ്ഞു. അവസാനം ഞാൻ അവളെ കൊണ്ട് സമ്മതിപ്പിച്ചു. അങ്ങനെ എന്റെ പ്രണയത്തിന് തുടക്കമായി.. ആ പ്രണയമാണ് കുറേ വർഷങ്ങൾക്കുശേഷം ഇപ്പോൾ വിവാഹമായി നടന്നത്.
ഇനി അവളും അവളുടെ വീടിനെക്കുറിച്ച്
അവളുടെ അപ്പൻ ഒരു കൂലിപ്പണിക്കാരനായിരുന്നു.. മഹാ കുടിയനും പണി എടുത്തു കിട്ടുന്ന കാശിനു അടിച്ചു വന്ന വീട്ടിൽ വഴക്കുണ്ടാക്കുകയാണ് എന്നും പതിവ്.
അമ്മ അടുത്തുള്ള പറമ്പുകളിൽ കൂലിപ്പണിക്ക് പോകുന്നു. പിന്നെ അവർ നാലു പെൺമക്കളാണ്.
മൂത്ത മകൾ ഷീന ഒരു കന്യാസ്ത്രീയാണ്. കെട്ടിച്ചുവിടാൻ കാശ് ഇല്ലാത്തതുകൊണ്ട് മഠത്തിൽ ചേർന്നതാണ് പറയുന്നു.
രണ്ടാമത്തെ മകൾ ജീന അവൾ ഒരു ഓട്ടോറിക്ഷക്കാരന്റെ കൂടെ ഒളിച്ചോടി പോയി ഇപ്പോൾ അടുത്ത് തന്നെ വാടകയ്ക്ക് താമസിക്കുന്നു. ഇപ്പോൾ അവൻ ഓട്ടോറിക്ഷ ഓടിക്കൽ നിർത്തി നാഷണൽ പെർമിറ്റ് ലോറിയിൽ ഡ്രൈവർ ആയി പോകുന്നു അതാണ് അവളെ അവിടെ അടുത്ത് താമസിപ്പിക്കാൻ കാരണം. അവർക്ക് ഒരു മകനുണ്ട് 2 ൽ പഠിക്കുന്നു.
