“രണ്ട് പെൺകുട്ടികളാണ്.രണ്ടു പേരേയും കെട്ടിച്ചു.ഒരാൾ ഭർത്താവിനൊപ്പം ലണ്ടനിലാണ്.അവൾ നഴ്‌സാണ്.മറ്റേയാൾ ഹസ്സിനൊപ്പം യുഎസിലാണ്.അവൾ എൻജിനീയറാണ്.”
“അപ്പോൾ ഇവിടെയാരാ ചന്ദ്രേട്ടൻറെ കൂടെ ?”
“ആരുമില്ല.ഒറ്റക്ക്.”-ഒരു നിമിഷത്തെ മൗനത്തിന് ശേഷമാണ് അയാളത് പറഞ്ഞത്.പിന്നെ അവളെ നോക്കി ചിരിച്ചു കൊണ്ട് പറഞ്ഞു :
“ഈ ചന്ദ്രേട്ടാ എന്ന വിളി എനിക്കിഷ്ടമായി.എൻറെ ഭാര്യ എന്നെ അങ്ങനെയാണ് വിളിച്ചുകൊണ്ടിരുന്നത്.”
അവൾ ചിരിച്ചു.
കാർ ഡിസൂസ ബിൽഡിങ്ങിന് മുൻപിലെത്തി.സെക്യൂരിറ്റി വന്ന് ഗേറ്റ് തുറന്നു.അയാൾ കാർ പാർക്കിങ് ഏരിയയിൽ നിർത്തി.രണ്ടുപേരും കാറിൽ നിന്നിറങ്ങി.
“എത്രാമത്തെ ഫ്ലോറിലാണ് ഫ്ലാറ്റ് ?”-ആ കൂറ്റൻ എടുപ്പിലേക്ക് നോക്കി അവൾ ചോദിച്ചു.
“പതിനൊന്നാമത്തെ ഫ്ലോറിൽ..”
അയാൾ അവളെ ലിഫ്റ്റിലേക്ക് നയിച്ചു.ലിഫ്റ്റിൽ കയറിയപ്പോൾ പതിനൊന്ന് എന്നെഴുതിയ ബട്ടൺ അമർത്തിയത് അവളാണ്.
“എന്തുകൊണ്ടാണ് ആ പാട്ട് ഇത്ര ഇഷ്ടം ?”-അവൾ അയാളെ അർഥം വെച്ച് നോക്കി കൊണ്ട് ചോദിച്ചു.
“ആ പാട്ടിൽ സെക്സ് ഉള്ളതുകൊണ്ട്.സെക്സ് ഇഷ്ടപ്പെടാത്ത ആരാ ഉള്ളത് ?”
“ആരും തന്നെയുണ്ടാവില്ല.എന്നാൽ എല്ലാവർക്കും അത് മതിവരുവോളം അനുഭവയോഗ്യമാവണമെന്നില്ല “-അവൾ അയാളുടെ മുഖത്ത് നോക്കാതെ പറഞ്ഞു.
“കുട്ടി പറഞ്ഞത് വളരെ ശരിയാണ്.”-അയാൾ ചിരിയോടെ പറഞ്ഞു.
ലിഫ്റ്റ് പതിനൊന്നാം നിലയിലെത്തി.അവർ ഇറങ്ങി.ഇടനാഴിയുടെ അങ്ങേ അറ്റത്തായിരുന്നു അയാളുടെ ഫ്ലാറ്റ്.
ഫ്ലാറ്റ് തുറന്ന് അയാൾ അകത്തേക്ക് കയറി.
“കയറി വരൂ മോളേ…”-അയാൾ സ്നേഹത്തോടെ പറഞ്ഞു.നിറഞ്ഞ മനസ്സോടെ അവൾ ആ ഫ്ലാറ്റിനകത്ത് പ്രവേശിച്ചു.
“ആഹാരമൊക്കെ സ്വയം പാകം ചെയ്യലാണോ ?അതോ സെർവൻസ് ഉണ്ടോ ?”-സോഫയിലേക്കിരുന്ന് കൊണ്ട് അവൾ ചോദിച്ചു.
“പാചകമൊക്കെ ഞാൻ തന്നെ.പിന്നെ ക്ളീനിങ് നടത്താൻ ഒന്നരാടം ഞാനൊരു സ്ത്രീയെ ഏർപ്പാടാക്കിയിട്ടുണ്ട്.നല്ലൊരു പെണ്ണാണ്.അവൾ വരുമ്പോൾ ഈ ഫ്ലാറ്റിനൊരു ജീവൻ വെക്കും.അവൾ തമിഴത്തിയാണ് കേട്ടോ.മേഘ.അതാണ് പേര്.”-അയാൾ ഫ്രിഡ്ജിൽ നിന്നും ജ്യൂസ് എടുത്ത് കൊണ്ടുവന്നു.
“അവൾ വരുമ്പോൾ ഫ്ലാറ്റിന് ജീവൻ വെക്കുമെങ്കിൽ അവൾ വെറുമൊരു വേലക്കാരിയായിരിക്കില്ല.”-ജ്യൂസ് സ്വാദോടെ കഴിച്ചുകൊണ്ട് പഞ്ചാരച്ചിരിയോടെ അവൾ പറഞ്ഞു.
ഇത് കേട്ട് അയാൾ കുലുങ്ങി ചിരിച്ചു.
