“രാവിലെ….”
“മുടക്കം വരാതെ നോക്കണം ഞാനൊന്ന് പുറത്ത് പോയിട്ട് വരാം .. ആ വക്കീലിനെ ഒന്ന് കാണണം…”
“ആഹ്…”
ഇൻഷുറൻസ് കിട്ടുമെന്ന് വക്കീൽ വിളിച്ചു പറഞ്ഞിരുന്നു .. മൂന്ന് പേരുടെ ജീവന്റെ പണം അത് എത്ര തന്നെ ആയാലും വാങ്ങാൻ കൈ വിറക്കും … പാവം അത് വാങ്ങുന്ന അച്ഛന്റെ അവസ്‌ഥ ഓർക്കാൻ കൂടി കഴിയുന്നില്ല…. ഒന്ന് ആലോചിക്കുമ്പോ ആ പൈസ കിട്ടിയാൽ വയസ്സാം കാലത്ത് അച്ഛനെ പണിക്ക് വിടാതെ ഇരിക്കാം…. ഓരോന്ന് ആലോചിച്ചു പാർവ്വതി അവിടെ തന്നെ കിടന്നുറങ്ങി… രാവിലെ എണീറ്റപ്പോ കാലിനൊരു ശക്തി കിട്ടിയത് പോലെ അവൾക്ക് തോന്നി നടക്കുമ്പോഴും മറ്റും എന്തോ പ്രത്യേകത അവൾക്ക് അനുഭവപ്പെട്ടു….
“ഇന്നലെ എന്ത് പണിയാണ് കാണിച്ചത്….”
അച്ഛന്റെ വാക്കുകൾ കേട്ട് അവൾ മുറ്റത്തേക്ക് ഇറങ്ങി ചെന്നു..
“നല്ല ഉറക്കം ഒന്നും അറിഞ്ഞില്ല….”
“ഞാൻ വന്നു നോക്കുമ്പോൾ കണ്ടു…. പിന്നെ വിളിക്കാനും നിന്നില്ല….”
“എന്തായി പോയ കാര്യം…??
“വക്കീലിനെ കണ്ടു … അടുത്ത മാസം പൈസ കിട്ടും ആദ്യത്തെ വക്കീൽ പറഞ്ഞ തുകയേക്കാൾ ഒരുപാട് കുറവാണ് ഇയാൾ പറഞ്ഞത് .. കമ്മീഷൻ ആവും അവരുടെ…. “
“ചോദിച്ചില്ലേ അവരോട്….??
“എന്തിനാ മോളെ നമ്മുടെ ചോരക്ക് പകരം ആവുമോ എത്ര കിട്ടിയാലും… കിട്ടുന്നത് എന്തായലും നമുക്ക് ജീവിക്കാൻ ഉള്ളത് ഉണ്ടാവും….”
“വേണ്ട തർക്കിക്കാൻ നിക്കണ്ട അത് എത്ര തന്നെ ആയാലും എന്നോട് പറയരുത്… അച്ഛൻ പണിക്കും പോകരുത്….”
അയാൾ തിരിഞ്ഞു നിന്ന് കണ്ണ് തുടക്കുന്നത് അവൾ കണ്ടു…
“നടത്തത്തിൽ എല്ലാം ഒരു മാറ്റം ഉണ്ടല്ലോ മോൾക്ക്….”
