മോന്റെ ഓർമ തിരിച്ചു കിട്ടാൻ വേണ്ടി പാവം ഉഷേച്ചി ഓരോ ദിവസവും ഉരുകി ഉരുകി പ്രാർത്ഥിക്കുകയാണ് ഓരോ ദൈവങ്ങളോടും
: എന്റെ അമ്മായി പെണ്ണ് പറഞ്ഞാൽ ഞാൻ വേണ്ടെന്ന് പറയുമോ… ഇന്ന് രാത്രി കഴിക്കാൻ നേരത്ത് പറയാം.
: ആഹാ… അപ്പൊ അമ്മായിയും മോനും ഒന്നായി ഞാൻ പുറത്തും അല്ലെ… അങ്ങനെ ഷിൽനയെ ഇടിച്ച് നിരത്തിയിട്ട് ഇവിടെ ആരും ആളാവണ്ട..
അമ്മ വിട്ടോ.. എനിക്ക് എന്റെ ഏട്ടനോട് കുറച്ച് ജീവിത പ്രശ്നങ്ങൾ ചർച്ച ചെയ്യാൻ ഉണ്ട്.
: എന്റെ മോള് എല്ലാം ചർച്ചിക്ക്… എന്നിട്ട് രാത്രി വന്ന് അമ്മയോട് പറഞ്ഞാൽ മതി കേട്ടോ…
ഇതും പറഞ്ഞ് അമ്മായി മുറിക്ക് വെളിയിൽ പോയി. ഷിൽന ഉടനെ ആകാംഷയോടെ ഓരോന്നായി ചോദിച്ചു തുടങ്ങി. കാര്യങ്ങൾ എല്ലാം ഞാൻ അവളോട് വിശദമായി വിവരിച്ചു.
: പ്രദീപേട്ടന്റെ ഏർപ്പാട് പ്രകാരം എത്തിയവർ പറഞ്ഞ ജോലി ഭംഗിയായി ചെയ്തു. മംഗലാപുരം ബോർഡറിൽ ഉള്ള ആളൊഴിഞ്ഞ വീട്ടിൽ വച്ച് ദിലീപ് മനസ് തുറന്നു. തന്റെ കുടുംബം സുരക്ഷിതമായിരിക്കണം എന്ന ഒറ്റ ഡിമാന്റിൽ ദിലീപ് അവന് അറിയുന്ന കാര്യങ്ങൾ മുഴുവൻ തത്ത പറയുന്നതുപോലെ പറഞ്ഞു. ലീനയോട് ഇതുവരെ പറയാതെ അവൻ ഒളിച്ചുവച്ച സത്യം കേട്ട് ഞാനും ഒന്ന് ഞെട്ടി.
: എന്ത് സത്യം..
: അത് ഉറപ്പിക്കാൻ ആയിട്ടില്ല. അതിന്റെ പൂർണ വിവരങ്ങൾ ദുബായിൽ നിന്നും കിട്ടണം. അതിന് ശേഷം പറയാം.
: അത് അവിടെ നിക്കട്ടെ… ഏട്ടൻ ബാക്കി പറ. ഇവനെ ഇനി ജീവിക്കാൻ വിടാണോ അതോ….
: ദിലീപിനെ കൊല്ലാനുള്ള തെറ്റൊന്നും അവൻ ചെയ്തിട്ടില്ല. അവന്റെ ആദ്യത്തെ ദൗത്യം ആയിരുന്നു ലീന. ഞാൻ കാരണം ആ ശ്രമം പരാജയപ്പെട്ടത്തിൽ പിന്നെ ദിലീപ് ഈ പണിക്ക് നിന്നിട്ടില്ല എന്ന് അവന്റെ വാക്കുകളിൽ നിന്നും മനസിലായി. ദുബായിൽ വച്ച് നമുക്കുണ്ടായ ഉണ്ടായ അപകടത്തിന്റെ വിവരങ്ങൾ ഭായി വിളിച്ച് പറഞ്ഞപ്പോൾ ആണ് ദിലീപ് അറിഞ്ഞത്. പഴയ അമൽ ഇപ്പോൾ ഇല്ലെന്നും ലീനയെ വീണ്ടും പ്രേമം നടിച്ച് വലയിൽ ആക്കണം എന്നുമായിരുന്നു ദിലീപിന് കിട്ടിയ നിർദ്ദേശം. തനിക്ക് അവളെ ഇനിയും ചതിക്കാൻ പറ്റില്ല എന്ന് പറഞ്ഞപ്പോൾ ഭീഷണിയുടെ സ്വരത്തിൽ ശ്യാമും ഭായിയും ദിലീപിനെ വിളിച്ച് നിരന്തരം ഭയപ്പെടുത്തലുകൾ നടത്തിയപ്പോൾ ആണ് ദിലീപ് വീണ്ടും ലീനയെ വിളിക്കുന്നതും അവളുമായി അടുക്കാൻ ശ്രമിക്കുന്നതും.
: അപ്പൊ ലീനേച്ചിക്ക് ദിലീപിനെ ശരിക്കും ഇഷ്ടമാണോ..
:എന്റെ മുത്തേ… നീ മുഴുവൻ കേൾക്ക്.
വീണ്ടും ദിലീപ് തന്നെ വിളിച്ചപ്പോൾ, അവന്റെ സംസാരത്തിൽ എന്തോ പന്തികേട് ഉണ്ട് എന്ന് തോന്നിയതുകൊണ്ടാണ് ലീന എന്നെ കാണുവാനായി അന്നൊരു ദിവസം വന്നത്. ഞാൻ പറഞ്ഞത് പ്രകാരമാണ് ലീന ദിലീപുമായി അടുപ്പം നടിച്ചതും നേരിട്ട് കാണുവാനായി ഇന്ന് കോട്ട വരെ എത്തിയതും.
: ഏട്ടാ ഒരു സംശയം… ഈ ദിലീപിന് എങ്ങനാ ഭായിയുമായി കണക്ഷൻ
: അതാണ് എനിക്കും അറിയേണ്ടിയിരുന്നത്. സത്യത്തിൽ ഇവനെ അവർ കെണിയിൽ പെടുത്തിയത് ആണ്. മലയാളി പെണ്ണ് വേണമെങ്കിൽ മഹറൂഫിനെ വിളിച്ചാൽ മതിയെന്ന് തന്റെ സുഹൃത്ത് പറഞ്ഞതുപ്രകാരം ആണ് ദിലീപ്
