ഞാന്‍ സത്യം പറയുന്നതാണെന്ന് എങ്ങനെ വിശ്വസിപ്പിക്കും … റോജിക്കും ബാവക്കും എല്ലാ ഫ്രണ്ട്സിനും എന്നെ അറിയാമെങ്കിലും കടലിനക്കരെ കിടക്കുന്ന ചാറ്റിലൂടെ മാത്രം അറിയാവുന്ന അവളെ എങ്ങനെ വിശ്വസിപ്പിക്കും … എല്ലാ ചെറുപ്പക്കാരെയും പോലെ ഞാനുമോരാള്‍ … ഉറങ്ങാന്‍ കിടക്കുമ്പോഴും ആ കണ്ണുകള്‍ ആയിരുന്നു മനസില്‍ … കൂടെകൂടെയത് കാണാന്‍ കൊതിച്ചു മനം ..
പിറ്റേന്ന് ഉച്ച വരെ ഓഫീസില്‍ തിരക്കായിരുന്നു .. ഊണ് കഴിഞ്ഞു മൊബൈലില്‍ വെറുതെ മെസ്സേജും നോക്കി ഒരു ഗെയിമും കളിച്ചിരിക്കുമ്പോഴാണ് അനുപമയുടെ മെസ്സേജ് വീണ്ടും
” ഹായ് ..’
” ഹായ് അനുപമ .. “
” എന്തെടുക്കുവാ ?’
” വെറുതെ ഗെയിം കളിക്കുന്നു ..”
‘ കഥ തീര്‍ന്നില്ലേ ? പിന്നെന്താ മെയില്‍ അയക്കാത്തെ?’?’
” ഇനിയൊന്നു വായിച്ചു എഡിറ്റ്‌ ചെയ്‌താല്‍ മതി ..അതിനൊരു മൂഡില്ല..അനുപമാ.”. “
” കാള്‍ മീ അനു .. എന്തിനാ ഇങ്ങനെ നീട്ടി വലിച്ചു വിളിക്കുന്നെ ?’
” ഹ്മ്മം ….അനു” സന്തോഷം തോന്നി .. അടുപ്പം ഉള്ളത് കൊണ്ടല്ലേ … ബാവയും റോജിയുമൊക്കെ വിളിക്കുന്നത് പോലെ അനുവെന്നു എന്നോടും വിളിക്കാന്‍ പറഞ്ഞത് ..
” “ഹ്മം .. എഡിറ്റ്‌ ചെയ്തിട്ട് മെയില്‍ ചെയ്യ് …എന്നിട്ട് വേണ്ടേ എന്‍റെ തുടങ്ങാന്‍ ..”
” എഴുതാം … അനു…”
ഞാന്‍ നോക്കും … ഓണ്‍ലൈനില്‍ കാണണം ..”
ഞാനെങ്ങനെ തന്നെ വര്‍ണിക്കും? പിന്നെ അന്ന് നടന്ന സംഭവങ്ങള്‍ ചെറുതായി അറിയാമെന്നല്ലാതെ …”
