“എന്റെ ഫോണിൽ നിന്നുമല്ലെ മിസ്സായത് അപ്പോൾ എന്റെ ക്ലാസ്സിലെ ആരെങ്കിലുമാകാൻ ആണ് ചാൻസ്”
“മ്മം നിനക്ക് ആരെയെങ്കിലും സംശയമുണ്ടോ?”
“അങ്ങനെ സംശയിക്കാൻ മാത്രം ആരെയും എനിക്ക് തോന്നുന്നില്ല. പക്ഷെ ഞാൻ അവനിൽ എത്തും ഉടനെ തന്നെ”
“എങ്ങനെ?”
“ഈ ഫോൺ വിളിച്ച എല്ലാവരെയും ഒന്ന് നേരിട്ട് കാണണം. അവരുടെ സ്ക്രീൻഷോട്ട് എടുത്ത സ്ക്രീൻ നേരിട്ട് കാണാമല്ലോ? പിന്നെ എന്റെ ക്ലാസ്സിൽ ഞാൻ പറഞ്ഞ ഗുണങ്ങൻ ഉള്ള ആളുകളുടെ ഒരു ലിസ്റ്റ് ഉണ്ടാക്കണം.”
“അപ്പോൾ യഥാർത്ഥ അന്വേഷണം ഇനിയാനല്ലേ തുടങ്ങുന്നത്.”
“അതെ…!” സേതു രാമയ്യർ സി ബി ഐ യെപോലെ പുറകിൽ കൈ കെട്ടിയാണ് ഞാൻ അത് പറഞ്ഞത്.
“അപ്പോൾ ഇനി ഇത് നോക്കണോ?” ലാപ് നോക്കി അവൾ ചോദിച്ചു.
“നോക്കിക്കോ എന്തെങ്കിലും ക്ലൂ കിട്ടിയാലോ? എന്നിട്ട് വൈകിട്ട് കോളേജ് വിടുന്ന സമയത്ത് നമുക്ക് കോളേജിൽ പോകാം!”
“മ്മ് ശരി…!” അങ്ങനെ ഐഷു വീണ്ടും ലാപ്പിൽ കുത്താൻ തുടങ്ങി.
ഞാൻ ഫോൺ എടുത്ത് പേപ്പർ ബോർഡിൽ അടയാളപ്പെടുത്തിയ പേജ് ഫോട്ടോ എടുത്തു. ‘എന്റെ ഒരു ദിവസത്തെ ഫുൾ അധ്വാനമാണ്’ എന്റെ ആത്മഗതമാണ് കേട്ടോ!
പിന്നെ പതിയെ അവളുടെ ബെഡിൾ കേറി കിടന്നു. ചുമ്മ അവളുടെ വാട്സ്ആപ്പ് എടുത്തു എന്നിട്ട് എനിക്ക് തന്നെ ഒരു ഹായ് വിട്ടു.
എന്റെ ഫോണിൽ മെസ്സേജ് നോട്ടിഫിക്കേഷൻ വന്നപ്പോൾ അവൾ അതിൽ നോക്കി.
“എന്തോന്നടെ ഇത്….!” ഐഷു ചോദിച്ചു.
“ചുമ്മ…!” ഞാൻ കണ്ണിറുക്കി കാണിച്ചു.
അതിന് ഒന്ന് ചിരിച്ചു അവൾ വീണ്ടും ലാപ്പിലേക്ക് തിരിഞ്ഞു.
ഞാൻ പിന്നെ ഗൂഗിൾ ഫോട്ടോസ് എടുത്ത് ഇപ്പോൾ എടുത്ത ഫോട്ടോ നോക്കി അതിലെ ഒരോ കാര്യങ്ങളും വീണ്ടും വായിച്ചു നോക്കി, എന്തെങ്കിലും മിസ്സ്‌ ആയി പോയെങ്കിലോ?
പിന്നെ ഐഷുവിന്റെ ദുരന്തം സെൽഫീസ് കാണാമെന്ന് വെച്ചു. ഐഷു അങ്ങനെ സെൽഫി എടുക്കാറില്ലെങ്കിലും അവളുടെ കൂട്ടുകാരികൾ അവളുടെ ഫോണിനാണ് ക്ലാരിറ്റി കൂടുതൽ എന്ന് പറഞ്ഞു ഫോൺ വാങ്ങിച്ച് എടുക്കും. ഫോൺ അവളുടെ ആയത്കൊണ്ടാണെന്നു തോനുന്നു. അവളെയും പിടിച്ചു നടുക്ക് നിർത്തും.
അങ്ങനെ അടുത്ത ഫോട്ടോ സ്ലൈഡ് ചെയ്തപ്പോൾ വന്ന് നിന്നത് സുന്ദരമായി ചിരിച്ചു കൊണ്ട് നിൽക്കുന്ന മമ്മിയാണ് കൂടെ നാമുമ്മുണ്ട്! ഇന്ന് രാവിലെ ഞാൻ എടുത്ത ഫോട്ടോയാണ്.
ഞാൻ രാവിലെ സോപ്പിടാൻ പറഞ്ഞതാണെങ്കിലും ഇതിൽ മമ്മിക്ക് വലിയ പ്രായമൊന്നും തോന്നിക്കുന്നില്ല കേട്ടോ ഒരു കൊച്ചു സുന്ദരിയാണ് എന്റെ മമ്മി. അത്രക്ക് ഇല്ലെങ്കിലും ഞാനും കൊള്ളാം.
അല്ല ഇത് ഞാൻ എന്റെ ഫോണിൽ എടുത്തതാണല്ലോ ഇതെങ്ങനെ ഇവളുടെ ഫോണിൽ. ഞാൻ ആർക്കും സെന്റ് ചെറുത്തില്ലല്ലോ?
ഞാൻ ഫോണും കൊണ്ട് ഐഷുവിനു മുന്നിൽ എത്തി.
“ചെക്കൻ ഗ്ലാമർ ആയിട്ടുണ്ടല്ലോ? മമ്മിയും കൊള്ളാം…! ഇന്നെടുത്തതാണ്ണല്ലേ?”
“ഡി അതല്ല ഇത് എന്റെ ഫോണിൽ എടുത്തതാണ് അതെങ്ങനെ നിന്റെ ഫോണിൽ?” ഐഷു ഒരു നിമിഷം ആലോചിച്ച ശേഷം പറഞ്ഞു.
“ഓഹ് അതോ അത് നീ ഗൂഗിൾ ഫോട്ടോസിൽ cloud synchronisation ഓണാക്കി ഇട്ടേക്കുന്നത് കൊണ്ട് എടുക്കുന്ന ഫോട്ടോ അപ്പോഴേ cloud സെർവറിൽ സേവ് ആകും. പിന്നെ നിന്റെ മെയിൽ അല്ലേ എന്റേതിലും ലോഗിൻ ചെയ്തിരിക്കുന്നത്. അത് കൊണ്ട് ഇതിലും അത് വരും!”
