“അതിനെന്തിനാ ചൂടാകുന്നത് സമയമാകുന്നതല്ലേ ഉള്ളു”
“സമയം 2:30 കഴിഞ്ഞു സമയം ആകുന്നതേ ഉള്ളു പോലും. നീ ഒരു കാര്യം ചെയ്യ് എന്റെ കൂടെ വാ എന്നിട്ട് കാറ്റീനിൽ നിന്നും ഫുഡ്‌ പാർസൽ വാങ്ങിച്ച് ഇവിടെ കൊണ്ട് വന്ന് തിന്നാൽ മതി. എന്നിട്ട് ഞാൻ അത് വഴി പോയി നിന്റ ഡ്രസ്സും വൈകിട്ടുള്ള ഫുഡും കൊണ്ട് വരാം”
“മ്മം ശരി! ഞാൻ പോയിട്ട് വരമേ!” അങ്ങനെ അവര് രണ്ടും യാത്ര പറഞ്ഞ് പോയി. ഞാൻ റൂമിൽ ഒറ്റക്കായി. റൂമിൽ ഫാനും നോക്കി വെറുതെ കിടക്കുമ്പോഴാണ് കതക് തുറക്കുന്ന ശബ്ദം കേട്ടത്. ഐഷു ഇത്ര പെട്ടെന്ന് വന്നോ? അതിന് ചാൻസ് ഇല്ല ഇത് വേറെ ആരോ ആണ്. വന്നത് വേറാരുമല്ല വിഷ്ണുവാണ്.
“നീയോ? നീ എങ്ങനെ കണ്ടു പിടിച്ചു ഞാൻ ഇവിടെ ഉണ്ടെന്ന്.”
“അതൊക്ക നോം അറിയും മോനെ”
“ഓഹ് ഐഷു പറഞ്ഞു കാണും”
“എന്ത് പറഞ്ഞാലും നിന്റെ ഒരു ഐഷു അവളൊന്നുമല്ല. എന്റെ ഒരു റിലേറ്റീവ് ഇവിടെ ഉണ്ട് കണ്ടപ്പോൾ നിന്നെപ്പോലെ തോന്നി എന്ന്പറഞ്ഞ് ഉറപ്പിക്കാൻ വേണ്ടി എന്നെ വിളിച്ചതാണ്”
“അതിനെന്തിനാ നീ ചൂടാകുന്നത്”
“പിന്നെ ചൂടാകാതെ. ആ സഗാറാണല്ലേ നിനക്കിട്ട് പണിതത്.”
“അതേടാ ആ മൈരൻ ഞാൻ ആവിശ്യത്തിന് കൊടുത്തിട്ടുണ്ട്”
“മ്മ്മം ഡാ നീ ഇനിയെങ്കിലും ഒരു കാര്യം മനസ്സിലാക്കണം”
“എന്ത്…?”
“ഡാ സാഗർ നിനക്കിട്ടു പണി തന്നിട്ടുണ്ടെങ്കിൽ അതില് ഐശ്വര്യക്കും പങ്കുണ്ട്”
“ഡാ ഒരുമാതിരി ഊമ്പിയ വർത്താനം പറയല്ലേ”
“ഡാ നീ കിടന്ന് തിളക്കാതെ…! ഞാൻ ഒന്ന് പറഞ്ഞ് തീർത്തോട്ടെ. അവൻ അവൾക്ക് വേണ്ടി അല്ലതെ നിന്നോട് ഇത് ചെയ്യാൻ നിങ്ങൾ തമ്മിൽ പൂർവ്വ വൈരാഗ്യം ഒന്നുമില്ലല്ലോ? ഇന്നലെ കോളേജിൽ വെച്ചുള്ള അവളുടെ ഓവർ ഷോ കണ്ടപ്പോഴേ എനിക്ക് സംശയമുണ്ടായിരുന്നു. സാമല്ല ചെയ്തത് എനിക്കതറിയാം…! അതെ അവൾക്ക് അറിയാം അവളും അവളുടെ മാറ്റവനും ചേർന്നല്ലേ ചെയ്തത്.” അവന്റെ നാവിൽ നിന്നും ഐഷുവിനെകുറിച്ച് ഇത്രയും കേട്ടപ്പോൾ എന്റെ കണ്ട്രോൾ മൊത്തം പോയി. ഞാൻ എന്റെ ഇടത് കൈ കൊണ്ട് അവന്റെ കഴുത്തിനു കുത്തി പിടിച്ചു.
“നിന്റെ നാക്ക് ഇനി മേലാൽ ഐഷുവിനെകുറിച്ച് എന്തെങ്കിലും കുറ്റം പറയാൻ പൊങ്ങിയാൽ ഞാൻ അത് അറുത്തെടുക്കും. മൈരൻ നിനക്ക് എന്താറിയാമേടാ അവളെക്കുറിച്ചു. അവൻ ഉണ്ടാക്കാൻ വന്നേക്കുന്നു. ഇനി സാമേ കോമേ വിളിച്ച് എന്റെ ഏഴയലത്ത് പോലും നീ വന്ന് പോകരുത്”
“സാമേ…!” റൂമിലേക്ക് വന്ന ഐഷു കാണുന്നത് വിഷ്ണുവിന്റെ കഴിത്തിന് കുത്തി പിടിച്ചു വെച്ചിരിക്കുന്ന എന്നെയാണ്.
അവളുടെ വിളി കേട്ടപ്പോൾ ഞാൻ പതിയെ എന്റെ കൈ അവന്റെ കഴുത്തിൽ നിന്നുമെടുത്തു.
“സാമേ എന്താടാ പ്രശനം എന്തിനാ നീ അവനെ കഴുത്തിൽ പിടിച്ചത്?” ഐഷു എന്നോട് ചോദിച്ചു. അതിന് എന്റെ കയ്യിൽ ഉത്തരമില്ലായിരുന്നു.
“വിഷ്ണു നീയെങ്കിലും പറ എന്താ പ്രശ്നം” എന്നിൽ നിന്നും മറുപടി കിട്ടാതെ വന്നപ്പോൾ അവൾ വിഷ്ണുവിനോട് ചോദിച്ചു. അവൻ അതിന് അവളെ ദഹിപ്പിക്കുന്ന ഒരു നോട്ടം നോക്കിയിട്ട് ഇറങ്ങി പോയി.
“സാമേ…” അവൾ വീണ്ടും എന്നെ വിളിച്ചു.
“മ്മം” ഞാൻ ഒന്ന് മൂളി.
“എന്ത് അവനുമായിട്ട് പ്രശ്നം”
“ഏയ്‌ ഒന്നുമില്ല”
“ഒന്നുമില്ലാഞ്ഞിട്ടാണോ നീ അവന്റെ കഴുത്തിൽ കയറി പിടിച്ചത്”
