ഒറ്റയ്ക്ക് അല്ലെടാ… റീനയുടെ അനിയത്തി പള്ളിയിൽ ഉണ്ടായിരുന്നു…. അവളും ഞങ്ങളുടെ കൂടെ വന്നു…
ആര്… റാണിമോളോ…..
ബിനീഷാണത് ചോദിച്ചത്…
അതെ….
(എന്റെ മറുപടി കേട്ടപ്പോ അവന്റെ മുഖത്തു വന്നൊരു സന്തോഷമുണ്ടല്ലോ…. അത് എഴുതി അറിയിക്കാൻ പറ്റില്ല….)
ബിനീഷേ… മോനെ…. അപ്പോ ഇന്ന് തന്നെ അവളോട് ആ കാര്യമങ്ങ് പറഞ്ഞേക്കാം അല്ലെടാ…..
ചാർളി ബിനീഷിന്റെ തോളത്തു തട്ടി…
എന്താടാ ചാർളി കാര്യം….. ഞാൻ കാര്യമറിയാനായി ചോദിച്ചു…
ആൽബി… ദേ ഇവന് ചെറുപ്പം തൊട്ടേ റാണിമോളെ ഇഷ്ടമായിരുന്നു….. ഇതുവരെ പറഞ്ഞിട്ടില്ല…. പഠിത്തം കഴിയട്ടെ എന്ന് കരുതി നിന്നതാ…. കഴിഞ്ഞയാഴ്ച ഞങ്ങൾ പോയ്‌ അവളുടെ ചാച്ചനോട് സംസാരിച്ചാരുന്നു… അവർക്ക് ഒക്കെയാ…. ഇനി ഈ കാര്യം റാണിമോളോട് പറയണം…. ഇന്നെന്തായാലും വീട്ടിൽ ഉണ്ടല്ലോ…. പറയാം….
എന്താടാ ആൽബി ഇതു കേട്ടിട്ട് നിനക്ക് ഒരു സന്തോഷം ഇല്ലാത്തെ..?
ഏയ്യ്….ബിനീഷേ നിന്റെ ഭാഗ്യാടാ ഇങ്ങനെയൊരു പെണ്ണിനെ കിട്ടുന്നത്…. എന്താ അടക്കവും ഒതുക്കവും…. ഞാൻ മനസ്സിൽ ചിരിയോടെ പറഞ്ഞു….. ഇതൊക്കെ പറയുമ്പോഴും ബസിലെ കാര്യങ്ങൾ മനസിലോടി വന്നു…..
ആൽബി… എന്താടാ കയ്യിൽ ഒരു പാക്കറ്റ്…..
ഏയ്യ് ഒന്നുല്ലെടാ… അപ്പൻ കൊടുത്ത് വിട്ടതാ….
അളിയാ വല്ല നല്ല സാധനവുമാണേൽ എന്നെ മറക്കല്ലേ… എനിക്കൂടെ തരണേ…
നീ പേടിക്കണ്ട… ഇത് നിനക്ക് മൊത്തം തന്നേക്കാം… പോരെ ….
ഞാനെന്തോ തമാശ പറഞ്ഞ പോലെ അവൻ അത് കേട്ട് ചിരിച്ചു…. പക്ഷേ ഞാൻ കാര്യമായിട്ട് തന്നെ പറഞ്ഞതാ…. ഇതിൽ എന്താണോ ഉള്ളത് അത് അവന് മാത്രം അവകാശപ്പെട്ടതാ….എന്റെ ചിരിയിൽ അടങ്ങിയ ഗൂഢത ആരും കണ്ടില്ല….
അളിയാ എന്നാൽ ഞങ്ങൾ പോയേക്കുവാ… നല്ല മഴ വരുന്നുണ്ട്…. അതിന് മുന്നേ വീട്ടിൽ കേറട്ടെ…..
ശെരി…. എന്നാൽ രണ്ട് പേരും പോയിട്ട് ഇനി എന്നെ കാണുമ്പോൾ ഒരു ഹാപ്പി ന്യൂസ്‌ പറയാൻ റെഡി ആക്കൂ …
അങ്ങനെ വന്നവരെല്ലാം അവരുടെ വഴിക്ക് പോയപ്പോ വീണ്ടും ഞാൻ ആ വീട്ടിൽ ഒറ്റയ്ക്കായി….. കയ്യിൽ ഇരിക്കുന്ന പൊതിയും മുറുക്കെ പിടിച്ചു ഞാൻ വീട് തുറന്ന് അകത്തു കേറി…..
