“വേണ്ട..നീ ഇവിടിരുന്ന മതി..”
മഞ്ജു അതും പറഞ്ഞു സീറ്റ് ബെൽറ്റ് വേർപെടുത്തി. പുറത്തേക്കിറങ്ങി. ഡോറിന്റെ സൈഡിലുള്ള ഗ്യാപ്പിൽ ലിസ്റ്റും പേഴ്സും അവൾ വെച്ചത് എടുത്തുകൊണ്ട് ആണ് പോയത്.
പെട്ടെന്ന് തന്നെ എല്ലാം വാങ്ങി അവൾ തിരിച്ചെത്തി. പാഡ് ഉം കൂട്ടത്തിൽ ഉണ്ടായിരുന്നു . അത് പൊതിഞ്ഞു കെട്ടിയതു കാരണം എനിക്ക് മനസിലായില്ല .
“ഇതെന്താ ഇത്ര വല്യ മരുന്ന് “
ഞാൻ അവളുടെ കയ്യിലെ പൊതിയുടെ വലിപ്പം കണ്ടു തിരക്കി.
“ഇത് മരുന്നല്ല പൊട്ടാ ..”
അവൾ ചിരിയോടെ പറഞ്ഞുകൊണ്ട് സീറ്റിലേക്ക് കയറി ഇരുന്നു .എന്നിട്ട് ആ പൊതിയും ലിസ്റ്റും പേഴ്സും എല്ലാം കൂടി ഡാഷ് ബോർഡ് തുറന്നു ഉള്ളിലേക്ക് തിരുകി വെച്ചു.
പിന്നെ സീറ്റിലേക്ക് ചാരി ഇരുന്നുകൊണ്ട് വണ്ടി മുന്നോട്ടെടുത്തുകൊണ്ട് ഇടം കൈകൊണ്ട് അടിവയറ്റിൽ അമർത്തി ..
“എന്താ മഞ്ജുസേ ?”
ഞാൻ ചോദിച്ചു..
“ഒന്നുമില്ല..ചെറിയ വയറു വേദന “
അവൾ ഡ്രൈവിങ്ങിൽ ശ്രദ്ധിച്ചുകൊണ്ട് പറഞ്ഞു.പിന്നെ കൈ വയറ്റിൽ നിന്നും മാറ്റി ഗിയർ ഷിഫ്റ്റ് ചെയ്തു .
“അതൂടെ പറയാരുന്നില്ലേ?”
ഞാൻ തിരക്കി..
“ഇത് ഡോക്ടറെ കാണിക്കാനുള്ള വയറു വേദന അല്ല പൊട്ടാ ..ഇടക്കിടക്ക് ഉണ്ടാവുന്നതാ”
അവൾ എന്നെ നോക്കി കണ്ണുരുട്ടി പറഞ്ഞപ്പോഴാണ് എനിക്ക് കാര്യം കത്തിയത്.
“ഓ ഓഹോ ..അങ്ങനെ “
ഞാൻ തലയാട്ടി ചിരിച്ചു .
മഞ്ജുവും ചിരിച്ചു .
“ഈ ടൈമില് നല്ല ദേഷ്യം വരും ..നീ കൂടുതൽ ഒലിപ്പിക്കാൻ നിക്കണ്ട “
മഞ്ജു ഒരു വാണിങ് പോലെ പറഞ്ഞു .
