മഞ്ജു പെട്ടെന്ന് മിസ്സിന്റെ ശബ്ദ ഭാവങ്ങൾ വീണ്ടെടുത്ത് കൊണ്ട് ചോദിച്ചു.
“ഇല്ല ..ആഫ്‌റ്റർനൂൺ ക്‌ളാസ് കട്ടാക്കി ..”
ഞാൻ പതിയെ പറഞ്ഞു.
“എന്ത് കാര്യത്തിന് ? “
അവൾ ഗൗരവത്തിൽ തിരക്കി.
“ചുമ്മാ..ഒരു സുഖം ഇല്ല..മഞ്ജുസും ഇല്ല ..ശ്യാമും ഇല്ല..ആകെ ബോറടി “
ഞാൻ തമാശ പോലെ പറഞ്ഞെങ്കിലും മഞ്ജുവിന് അതത്ര പിടിച്ചില്ല .
“നീ ബോറടി മാറ്റാൻ ആണ് കോളേജിൽ വരുന്നെന്നു ഞാനറിഞ്ഞില്ല ..നോക്ക് കവിൻ ഞാൻ കോമഡി പറയാൻ വേണ്ടി ചോദിച്ചതല്ല..എപ്പോഴും ഒരുപോലെ കാണരുത് “
മഞ്ജു ചൂടായി .
“സോറി മിസ് “
ഞാൻ അറിയാതെ എരിവ് വലിച്ചുകൊണ്ട് പറഞ്ഞു പോയി. മഞ്ജുസ് വേറെ ടീച്ചർ വേറെ എന്നെനിക്കു അതോടെ മനസിലായി .
“എന്നോട് എന്തിനാ സോറി പറയുന്നേ..നിന്നെ ഒകെ പഠിക്കാൻ വിടുന്നവരോട് പറ ..നിനക്കു ഫസ്റ്റ് ഇയർ 85 പെർസെന്റജ് മാർക്ക് ഉണ്ടായിരുന്നല്ലോ ..ഇപ്പൊ കഴിഞ്ഞ സെമെസ്റ്ററിൽ എത്രയാ ?”
മഞ്ജു ഗൗരവത്തിൽ ചോദിച്ചു.
പുല്ലു ..വിളിക്കേണ്ടി ഇരുന്നില്ല .
“സെവെൻറ്റി ഫൈവ് “
ഞാൻ പതിയെ പറഞ്ഞു.
“മ്മ്…ഉഴപ്പി നടന്നിട്ടല്ലേ ..അല്ലാതെ ബുദ്ധി ഇല്ലാഞ്ഞിട്ടല്ലലോ ..”
മഞ്ജു വീണ്ടും തിരക്കി.
“മഞ്ജുസേ..അത്…”
ഞാൻ നിരാശയോടെ പറഞ്ഞു തുടങ്ങിയപ്പോൾ അവൾ ഇടയിൽ കയറി .
“മഞ്ജുസും കുഞ്ചുസും ഒന്നുമില്ല…ബെൽ അടിക്കാൻ ഇനീം ടൈം ഉണ്ട്..നീ ക്‌ളാസിൽ പോകാൻ നോക്ക് “
അവൾ ഗൗരവം വിടാതെ പറഞ്ഞു.
“എനിക്ക് വയ്യ ..അതൊന്നും ശരി ആവില്ല “
