“മ്മ്..ശരി ശരി..”
അതും പറഞ്ഞു അമ്മ ഗ്രീൻ സിഗ്നൽ തന്നു . അമ്മയെ കെട്ടിപ്പിടിച്ച ഒരുമ്മ കൊടുക്കാൻ തോന്നിയ സമയം . പണ്ടും ടൂർ ഒകെ പെട്ടെന്ന് പ്ലാൻ ആകുമ്പോ അമ്മ മുടക്കു പറയില്ല. അച്ഛൻ ഉള്ളപ്പോ ഒന്ന് ചോദിച്ചിട്ടു പൊക്കോളാൻ പറയും എന്നതൊഴിച്ചാൽ !
ഞാൻ ഫോണിൽ സംസാരിച്ചു കഴിഞ്ഞപ്പോഴേക്കും മഞ്ജു അകത്തുനിന്നും ഒരു ചെറിയ ലഗേജ് ബാഗും കയ്യിൽ തൂക്കി പിടിച്ചുകൊണ്ട് വന്നു . അതിൽ എന്തൊക്കെയോ കുത്തിനിറച്ചിട്ടുണ്ട്.
ആ ബാഗ് അവൾ എന്റെ കയ്യിൽ തന്നു . ഞാനതു പിടിച്ചുകൊണ്ട് അവളെ നോക്കി.
“‘അമ്മ സമ്മതിച്ചോ ?”
മഞ്ജു പതിയെ ചോദിച്ചു.
ഞാൻ തലയാട്ടി സമ്മതിച്ചെന്നു ഭാവിച്ചു .
“മ്മ്…അമ്മ നമ്മുടെ കാര്യം അറിയുമ്പോ കൂടി സമ്മതിക്കുമോ ?”
മഞ്ജു സ്വല്പം നിരാശയോടെ ചോദിച്ചു .
“അറിയില്ല…അമ്മ പാവം ആണ് ഞാൻ ..ഞാൻ കാര്യം ഒകെ പറഞ്ഞാ ചിലപ്പോ ഒച്ചയും വിളിയും ഒകെ ഉണ്ടാക്കും ..എന്നാലും സമ്മതിക്കും എന്ന് എന്റെ മനസു പറയുന്നു .”
ഞാൻ എന്റെ ഒരു പ്രതീക്ഷ പങ്കു വെച്ചു.
“മ്മ്…സമ്മതിച്ചില്ലെങ്കി “
മഞ്ജു ചിരിയോടെ തിരക്കി..
“നമുക്കിത് പോലെ വേറെ എങ്ങോട്ടേലും ലോങ്ങ് ഡ്രൈവ് പോകാന്നെ . തിരിച്ചു വരാത്ത ഒരിടത്തേക്ക് “
ഞാൻ പതിയെ പറഞ്ഞപ്പോൾ മഞ്ജു ചിരിച്ചു .
“ഹ ഹ ..നീ ആള് മിടുക്കൻ ആണല്ലോ …അതൊന്നും വേണ്ടി വരില്ലെടാ ..എല്ലാം ശരി ആവും…ഉടനെ ഒന്നും പറയണ്ട ..നീ കുറച്ചൂടെ മെച്വർ ആവട്ടെ “
മഞ്ജു എന്റെ മൂക്കിൽ പിടിച്ചു ചിണുങ്ങിക്കൊണ്ട് പറഞ്ഞു..
“മ്മ്….”
