ആയിരുന്നതുകൊണ്ട് നല്ല തണുപ്പും ഉണ്ടായിരുന്നു . അതുകൊണ്ട് പിള്ളേർക്ക് മങ്കി കാപ് ഒക്കെ ഇട്ടുകൊടുത്തിരുന്നു . ഏതായാലും വല്യ തിരക്കൊന്നും ഇല്ലാതെ ഞങ്ങള് ദർശനം നടത്തി . തിരിച്ചു ഇറങ്ങുമ്പോ റോപ് കാർ വഴിയാണ് ഇറങ്ങിയത് .
പിന്നെ താഴെയെത്തി ഫുഡ് ഒകെ കഴിച്ച ശേഷം അല്ലറ ചില്ലറ ഷോപ്പിംഗ് ഒകെ നടത്തി . പഞ്ചാമൃതവും പഴനിയിലെ പ്രസാദങ്ങളുമൊക്കെ കുറെ വാങ്ങിക്കൂട്ടി . കോളേജിലെ സഹ അധ്യാപകർക്ക് കൊടുക്കാൻ വേണ്ടി മഞ്ജുസ് കുറെയെണ്ണം വാങ്ങിച്ചു കൂട്ടി . പിന്നെ പിള്ളേർക്ക് കുറെ കളിപ്പാട്ടങ്ങളും വാങ്ങി .
ഒടുക്കത്തെ ഒരു ഒൻപതു , ഒൻപതര ഒക്കെ ആയപ്പോൾ ഞങ്ങള് അവിടെ നിന്നും തിരിച്ചു . ഉച്ചയോടെ ഞങ്ങള് മഞ്ജുസിന്റെ വീട്ടിൽ മടങ്ങി എത്തി . അന്നത്തെ ദിവസം പിന്നെ അവിടെ തന്നെ ആയിരുന്നു . മുൻപ് വന്നപ്പോൾ ഞാനും മഞ്ജുസും ഉടക്കിയ കാരണം അവളുടെ ചെറിയച്ഛന്മാരുടെ വീട്ടിൽ ഒന്നും പോകാൻ കഴിഞ്ഞിരുന്നില്ല . അതുകൊണ്ട് വൈകീട്ട് അവളുടെ രണ്ടു ചെറിയച്ഛന്മാരുടെയും വീട്ടിലൊക്കെ പോയി . എന്റെ അച്ഛനും അമ്മയും അഞ്ജുവും ഒക്കെ ഞങ്ങളുടെ കൂടെ തന്നെ ഉണ്ടായിരുന്നു . അതുകൊണ്ട് കുറെ നാളുകൾക്കു ശേഷമുള്ള ഒരു കുടുംബ സംഗമം തന്നെ ആയിരുന്നു അത് .
അഞ്ജുവിനെ എല്ലാവര്ക്കും പെട്ടെന്ന് ഇഷ്ടമായി എന്നുള്ളതാണ് മെയിൻ സംഭവം . അവളുടെ ചിരിച്ചു കളിച്ചുള്ള സംസാരവും , ഉരുളക്കുപ്പേരി പോലുള്ള മറുപടികളുമൊക്കെ മഞ്ജുസിന്റെ അച്ഛനും ചെറിയച്ഛന്മാർക്കും ഒകെ ശരിക്ക് പിടിച്ചു . തിരിച്ചു മഞ്ജുസിന്റെ വീട്ടിൽ വന്നതോടെ അവളുടെ കല്യാണ കാര്യത്തെ കുറിച്ചും സംസാരങ്ങൾ ഉണ്ടായി .
“അഞ്ജുവിനു പറ്റിയ ആരെയെങ്കിലും നോക്കണ്ടേ ? ആലോചന ഒക്കെ വരുന്നുണ്ടോ ?”
ഞങ്ങൾ ഉമ്മറത്തിരുന്നു സംസാരിക്കവെ മഞ്ജുസിന്റെ അച്ഛൻ എന്റെ അച്ഛനോടായി തിരക്കി .
“ആലോചന ഒന്നു അങ്ങനെ വന്നിട്ടില്ല….പിന്നെ അവള് പഠിക്കുവല്ലേ..അതൊക്കെ കഴിഞ്ഞിട്ട് മതിയെന്നാ മോളും പറയുന്നത് ”
എന്റെ അച്ഛൻ പയ്യെ തട്ടിവിട്ടു .
അവർ സംസാരിക്കുന്നതിനടുത്തായി ഞാനും ആദിയെ മടിയിൽ വെച്ചു ഇരിക്കുന്നുണ്ട് . എന്റെ മൊബൈലും കയ്യിൽ പിടിച്ചാണ് ആദിയുടെ ഇരിപ്പു .
“ഹ്മ്മ്…എന്തായാലും അവള് നല്ല കുട്ടിയാ..സ്മാർട്ട് ആണ് ”
മഞ്ജുസിന്റെ അച്ഛൻ അവളെ പുകഴ്ത്തികൊണ്ട് പയ്യെ തട്ടിവിട്ടു . ഇതൊക്കെ കക്ഷി വാതിൽക്കൽ നിന്ന് കേൾക്കുന്നുമുണ്ട് .
ഞാൻ ആ സമയത്തു അവളെ ഒന്നും നോക്കിയതും അവള് ഗമയിൽ എന്നെ നോക്കി ചിരിച്ചു .
“അയ്യാ…”
ഞാൻ അത് കണ്ടു മുഖം വക്രിച്ചു .
“അത്രക്കൊന്നും ഇല്ല ..തരക്കേടില്ല .”
മഞ്ജുസിന്റെ അച്ഛൻ പറഞ്ഞത് കേട്ടു ഞാൻ ആരോടെന്നില്ലാതെ പറഞ്ഞു . പിന്നെ ഒരു പുച്ഛ ഭാവത്തിൽ അഞ്ജുവിനെ നോക്കി .
“നിന്നോടിപ്പോ ആരേലും ചോദിച്ചോടാ ?”
