മഞ്ജു ദേഷ്യപ്പെട്ടു. ഞാൻ മടിച്ചു മടിച്ചു എല്ലാം വാങ്ങി .അവൾ ബാഗ് എന്റെ തോളിലേക്കിട്ടു തന്നു . കവറുകളെല്ലാം എടുത്തു കയ്യിൽ പിടിപ്പിച്ചു .
“മ്മ്..നടക്ക്”
മഞ്ജു ചിരിയോടെ പറഞ്ഞു എന്റെ പുറത്തു രണ്ടു കയ്യും പിടിച്ചു മുന്നോട്ട് ഉന്തി .
“അതെ..വെറുതെ അല്ല മറ്റവൻ കളഞ്ഞിട്ട് പോയത് …പോർട്ടറിന്റെ പണി എടുക്കാൻ വേറെ ആളെ നോക്കണം “
ഞാൻ തമാശ ആയി പറഞ്ഞു അവളെ നോക്കി .
“ആഹ്…നിന്നെക്കൊണ്ട് എനിക്ക് അങ്ങനെ കുറെ ആവശ്യം ഉണ്ട്…”
മഞ്ജു ചിരിയോടെ പറഞ്ഞു..
“അതെ…ഞാൻ ഇട്ടേച്ചു പോകും കേട്ടോ ..”
ഞാൻ സ്വല്പം ദേഷ്യത്തോടെ പറഞ്ഞു..
“ആഹാ…അങ്ങനെ പോയ നീ വിവരം അറിയും ‘
മഞ്ജു എന്റെ പുറത്തു നുള്ളികൊണ്ട് പറഞ്ഞു .
“ആഹ്…ഹു ഹു ..”
ഞാൻ വേദന എടുത്തു ഒന്ന് പുളഞ്ഞു..
“എന്തൊരു കഷ്ടമാ ഇത്…”
ഞാൻ പെട്ടെന്ന് ഒന്ന് കുതറികൊണ്ട് പറഞ്ഞു .മഞ്ജു എന്നെ നോക്കി ചിരിച്ചു .
“ഇളിക്കല്ലേ ..നല്ല വേദന ഉണ്ട് ..ഇന്നലെ മാന്തി പൊളിച്ച സ്ഥലത്തു തന്നെ വീണ്ടും വീണ്ടും “
ഞാൻ പല്ലിറുമ്മി..
“സോറി ..”
മഞ്ജു കണ്ണിറുക്കി കൊണ്ട് പറഞ്ഞു..
“ഒരു സോറി ..ഞാൻ വല്ലോം ചെയ്തിരുന്നേ ഇപ്പൊ കാണരുന്നു ..കവിൻ…കവിൻ …ന്നു വിളിച്ചു കണ്ണുരുട്ടുന്നത് “
ഞാൻ അവളെ നോക്കി ദേഷ്യപ്പെട്ടപ്പോൾ മഞ്ജു ഒന്നും മിണ്ടിയില്ല.
“കഴിഞ്ഞോ ?”
എല്ലാം കേട്ട് മഞ്ജു ഒന്നും സംഭവിക്കാത്ത മട്ടിൽ എന്നെ നോക്കി .
“ആ കഴിഞ്ഞു “
ഞാൻ മുഖം വെട്ടിച്ചു കൊണ്ട് പറഞ്ഞു.
“അതെ കൂടുതൽ ഷോ കാണിക്കണ്ട …അത്രക്കൊന്നും ഉണ്ടായിട്ടില്ല ..”
മഞ്ജു എന്റെ മുഖം പിടിച്ചുയർത്തികൊണ്ട് പറഞ്ഞു .
