ഞാൻ രാത്രിയാവാൻ അക്ഷമയോടെ കാത്തിരുന്നു.
രാത്രിയായി കുളിച്ചു അംഗശുദ്ധി വരുത്തി സുഗന്ധം പൂശി ഞാൻ നിദ്രയെ കാത്തു കിടന്നു, നിദ്ര എന്റെ കൺപോളകളെ തഴുകിയെത്തി.
സപ്ത വർണ പ്രഭയുടെ അകമ്പടിയോട് കൂടി അദ്ദേഹം എനിക്ക് മുന്നിൽ പ്രത്യക്ഷപ്പെട്ടു.
പതിവ് ഗൗരവം നിറഞ്ഞ സ്വരത്തിൽ അദ്ദേഹം സംസാരിച്ചു തുടങ്ങി.
‘രാത്രിയിൽ ഖമർ(ചന്ദ്രൻ)ദബ്റാൻ അഥവാ രോഹിണി നക്ഷത്ര മണ്ടലത്തിലായിരിക്കുന്ന സമയം നീല കാർഡിൽ ഫാർസി (persian) യിലെ മൂന്ന് പുള്ളികളോട് കൂടിയ “” പ””( پ) എന്ന അക്ഷരം ഒരു പ്രത്യേക ക്രമത്തിൽ ആറായിരം തവണ എഴുതി അത്ര തവണ തന്നെ പറയപ്പെട്ട അക്ഷരം ഉരുവിടുക.
ഒരു കാര്യം പ്രത്യേകം ഓർക്കുക ജിന്നുകളുടെ ലോകം ദർശിക്കുന്നതിന്
മാംസാഹാരങ്ങളും മാംസത്തിൽ നിന്ന് ഉൽഭവിച്ചതും നിഷിദ്ധമാണ്!
ഈ കർമ്മം ചെയ്യുന്നത് ആൾതാമസമില്ലാത്ത പ്രദേശത്ത് ആയിരിക്കണം.
സുഗന്ധം ആയി ചുവന്ന ചന്ദനം, കൊട്ടം,സാമ്പ്രാണി, മണിക്കുന്തിരിക്കം എന്നിവ പുകക്കുക എന്റെ ദൗത്യം ഇവിടെ അവസാനിച്ചു എന്ന് പറഞ്ഞു അദ്ദേഹം അപ്രത്യക്ഷമായി.
ഉറങ്ങി എഴുന്നേറ്റ ഉടനേ ഞാൻ സ്വപ്നത്തിൽ കണ്ട കാര്യങ്ങളെല്ലാം എന്റെ ഡയറിയിൽ കുറിച്ചിട്ടു, ഇനിയെങ്ങാനം മറന്നു പോയാലോ!
പിറ്റേ ദിവസം കോളേജിൽ എത്തിയപ്പോൾ ആണ് ഞാൻ ആ ഞെട്ടിക്കുന്ന വാർത്ത കേട്ടത്.
ടാ ഇന്ന് റിസൾട്ട് വരും എന്ന് പറഞ്ഞു കൊണ്ട് വൈശാഖ് എന്റെ പുറത്ത് തട്ടി
അപ്പോഴാണ് ഞാൻ ശെരിക്കും ഞെട്ടിയത്.
കാരണം മറ്റൊന്നുമല്ല ഞാൻ സെക്കന്റ് സെമസ്റ്റർ എക്സാമിന്റെ ടൈമിൽ പ്രണയ നൈരാശ്യത്തിന്റെ വേദനയിൽ ആയിരുന്നു.
>>>>>>>>>>>>>>>>>>>>>>>>>>>><<<<<<<<<<<<
നമുക്ക് അന്നത്തെ ദിവസത്തിലേക്ക് ഒന്ന് പോകാം
ഷേർചാറ്റ് എന്ന ആപിലൂടെയാണ് ഞാൻ അവളെ പരിജയപ്പെടുന്നത് നോർത്ത് ഇന്ത്യക്കാരി അനിഖ തിവാരി.
മലയാളം ഷേർചാറ്റ് ഓപ്പൺ ചെയ്ത് ഷേക്ക് ആണ്ട് ചാറ്റ് ചെയ്യുന്നത് എന്റെ ഹോബി ആയി കൂടുതൽ ആണുങ്ങൾ ആകും ചാറ്റാൻ വരുക .
ഭൂരിഭാഗം പേരും ഇങ്ങനെ ചോദിക്കും boy or girl ബോയ് എന്ന് പറഞ്ഞാൽ നല്ല പച്ച മലയാളത്തിൽ തെറി പറയും.
അങ്ങനെയാണ് അൽപം വ്യത്യസ്തമായി ഒരു പരീക്ഷണം നടത്തിയാൽ എന്താ എന്ന തോന്നലിൽ ഷേർചാറ്റ് ഹിന്ദിയിലോട്ട് മാറ്റിയത്.
പതിവ് പോലെ ഷേർചാറ്റിൽ ഷേക്ക് ആണ്ട് ചാറ്റ് ഓപ്പൺ ചെയ്തു
“”” ഹായ് “””
മറുപടി വന്നു!
“””ലഡ്കാ യാ ലഡ്കീ”””
മറുപടി നൽകാൻ നിൽക്കാതെ ഞാൻ ചാറ്റ് അവസാനിപ്പിച്ചു.
