പക്ഷെ എങ്ങനെ ?
എന്റെ കരിയറിനെക്കുറിച്ച് എനിക്ക് അതിയായ ആഗ്രഹമുണ്ടായിരുന്നില്ലെങ്കിൽ, ഒരു പക്ഷെ ഇതുപോലെയുള്ള ആപത്‌ഘട്ടങ്ങളിൽ രക്ഷപെടാനുള്ള അടിസ്ഥാനകാര്യങ്ങൾ കൈകാര്യം ചെയ്യാൻ എങ്കിലും ഞാൻ ജീവിതത്തിൽ പഠിക്കുമായിരുന്നു. അതുകൊണ്ട് കൂടിയാവാം ഇങ്ങനെ ഒരു അവസ്‌ഥ തരണം ചെയ്യാൻ കഴിയാതെ ഇത്രയ്ക്ക് പാട് പെടുന്നതും.
ഇവിടം വരും മുൻപ് ഞങ്ങൾ ആരാണ്….എന്താണ്…എന്നൊക്കെ ബസിന്റെ മുൻവശത്തേക്ക് ആ മഞ്ഞു മൂടിയ ഇരുട്ടിൽ തന്നെ നോക്കുമ്പോ ആലോചിച്ചു….
ഞാനും എന്റെ ഭാര്യ സ്‌മൃതിയും, രണ്ടുപേരും മുപ്പത് വയസിനോട് അടുക്കുകയാണ്, താമസിക്കുന്നത് ഡൽഹിയിൽ ആണ്. നല്ല ഒരു കോർ ഐഡിയ ഉള്ള ടെക് സ്റ്റാർട്ട് അപ്പിന്റെ രണ്ട് കോ-ഫൗണ്ടർമാരിൽ ഒരാളാണ് ഞാൻ, സ്‌മൃതിയും എന്റെ സ്റ്റാർട്ടപ്പിൽ പങ്കാളിയാണ്.
രണ്ടാളും എം‌ബി‌എ കഴിഞ്ഞതിനു ശേഷമാണു ബഹുരാഷ്ട്ര കമ്പനികളിൽ ജോലിക്ക് കയറിയത് ഞങ്ങളുടെ ആരോഗ്യവും സമയവും അവർ ചുളു വിലക്ക് എടുക്കുകയാണ് എന്ന സത്യം വർഷങ്ങൾക്ക് ശേഷം സ്വാഭിവകമായും എല്ലാവര്‍ക്കും ഉണ്ടാകുന്ന തിരിച്ചറിവിനുശേഷം ഇരുവരും സ്വന്തമായി ഒരു സ്റ്റാർട്ടപ്പ് തുടങ്ങാനായി തീരുമാനിച്ചു, നിലവിൽ കുട്ടികളില്ലാത്തത് കൊണ്ട് മാത്രമാണ് ഞങ്ങൾ ആ റിസ്ക് എടുക്കാൻ തീരുമാനിച്ചത്.
പ്രകാരം ഞങ്ങളുടെ ജോലി ഉപേക്ഷിച്ച് ബി-സ്കൂളിൽ നിന്നുള്ള എന്റെ സഹപാഠികളിലൊരാളുമായി സ്റ്റാർട്ടപ്പ് ലോകത്തേക്ക് പ്രവേശിച്ചു. തുടങ്ങാൻ എളുപ്പമാണ് എങ്കിലും , ഫണ്ടിങ് കിട്ടാത്തത് കൊണ്ട് കാര്യങ്ങൾ അത്ര സ്മൂത്ത് ആയില്ല. അങ്ങനെയിരിക്കെ എന്റെ കോ-ഫൗണ്ടർ ശ്യാം മൈസൂരിൽ തന്റെ തറവാട്ടിൽ വച്ച് വിവാഹം കഴിക്കാൻ തീരുമാനിച്ചിത്. മൈസൂർ എന്ന് പറയുമ്പോ എയര്‍പോര്‍ട്ടിൽ നിന്നും 30km ഉള്ളിലേക്ക് ചെല്ലണം.
ആ വിവാഹത്തിൽ പങ്കെടുക്കാൻ വന്നതാണിപ്പോ. ഈ ക്രിസ്മസ് അവധിക്കാലത്ത് കല്യാണം കഴിച്ചതിന് ഞാൻ അദ്ദേഹത്തെ ശപിച്ചു, കാരണം ഈ വൊക്കേഷന്‍ സമയത്തു എല്ലാവരും യാത്രയിലാണെന്നും ഫ്ലൈറ്റ് ടിക്കറ്റുകൾ വളരെ വിലയേറിയതും ഉയർന്ന ഡിമാൻഡുള്ളതുമാണെന്നും സത്യമാണ്. ഞങ്ങൾ ആണെകിൽ ഈ സ്റ്റാർട്ടപ്പ് തുടങ്ങിയിട്ട് കുറച്ചായതേ ഉള്ളു, അതുകൊണ്ട് അത്തരം അനാവശ്യ ചെലവുകളെക്കുറിച്ച് വളരെ ശ്രദ്ധാലുവായിരുന്നു. പിന്നെ ലോൺ അടക്കാനും ഉണ്ട്. ഞങ്ങളുടെ ഫ്ലാറ്റിനും കാറിനും ഒക്കെ ആയിട്ട്.
അവന്റെ ബന്ധുക്കൾക്കും കുട്ടികളുമായുള്ള സുഹൃത്തുക്കൾക്കും മൈസൂർക്ക് എത്താൻ കഴിയുന്ന ഒരേയൊരു സമയമാണിതെന്ന് അവൻ പറഞ്ഞിരുന്നു. അവന്റെ നിർബന്ധം മനസ്സിലായെങ്കിലും വേറെ വഴിയില്ലാതെ ഞങ്ങൾ രണ്ടുപേരും വരാമെന്നു തീരുമാനിച്ചു.
അങ്ങനെ ഞങ്ങൾ ഡൽഹിയിൽ നിന്നും മൈസൂർക്ക് പറന്നു. കല്യാണ വീട്ടിലേക്ക് ഒരു സ്വകാര്യ കാബ് എടുത്തു. അവന്റെ മൾട്ടി-ഡേ കല്യാണത്തിൽ ഞങ്ങൾ ആശംസകൾ അർപ്പിച്ചും മൈസൂരിലെ പരമ്പരാഗത ഭക്ഷണവും താമസവും എല്ലാം ആസ്വദിച്ചുകൊണ്ട് ഇരിക്കുമ്പോളാണ്.
