ആണ് അവളെ വിടുന്നതും തിരികെ കൊണ്ടുവരുന്നതും. ദീപ ചേച്ചിക്ക് ഇപ്പോൾ ഒരു 45 വയസ്സ് ഉണ്ടാവും. അങ്കിളിന് ചേച്ചിയെക്കാൾ ഒരു പത്തിരുപതു വയസ്സ് എങ്കിലും കൂടുതൽ ഉണ്ട് . ശരിക്കും ഇത്‌ അങ്കിളിന്റെ രണ്ടാം വിവാഹം ആണ്. പാരമ്പര്യ സ്വത്തിന് പുറമേ തിരുപ്പൂരിലും അമേരിക്കയിലുമായി അങ്കിൾ ബിസിനസ് ചെയ്തുണ്ടാക്കിയ കോടികൾ സ്വന്തമായി ഉണ്ടെങ്കിലും അങ്കിളിൻറെ ആദ്യത്തെ ഭാര്യ വളരെക്കാലം ഒരു കിടപ്പ് രോഗി ആയിരുന്നു. ഒരുപാട് കാലം ചികിൽസിച്ചെങ്കിലും പരസഹായം കൂടാതെ നടക്കാൻ പോലും കഴിയാത്ത അവരെ നോക്കാൻ വന്ന ഹോം നേഴ്സ് ആയിരുന്നു ദീപ ചേച്ചി. ചേച്ചി ജോലിക്ക് വന്നു കുറച്ച് കാലം കഴിഞ്ഞപ്പോൾ തന്നെ അങ്കിളിന്റെ ആദ്യ ഭാര്യ മരിച്ചു. അങ്ങനെ 55 കാരനായ അങ്കിൾ അന്ന് 34 കാരിയായ ചേച്ചിയെ പറഞ്ഞയക്കാതെ കല്യാണം കഴിച്ചു തന്റെ രണ്ടാം ഭാര്യയായി ആ വീട്ടിൽ തന്നെ നിർത്തി.തന്റെ കാലം കഴിഞ്ഞാൽ മകൻ ഒറ്റയ്ക്കാകും എന്നോർത്തു സങ്കടപ്പെട്ട അങ്കിളിന്റെ അമ്മയുടെ നിർബന്ധം കൊണ്ട് ആണെന്നും അല്ല ദീപചേച്ചിയുടെ മനം മയക്കുന്ന മുഖ സൗന്ദര്യത്തിലും ശരീര സൗന്ദര്യത്തിലും മയങ്ങിയിട്ടാണെന്നും ഒക്കെ പലരും പല അഭിപ്രായം പറയുന്നു. എന്തായാലും ദീപചേച്ചിക്ക് അതൊരു ലോട്ടറി ആയിരുന്നു. കാരണം വീട്ടിലെ കഷ്ടപ്പാട് കാരണം പ്രായം മുപ്പത്തഞ്ചിനോടടുത്ത അവർ കല്യാണം കഴിക്കാതെ പ്രായമായ അച്ഛനമ്മമാരെയും പഠിച്ചു കൊണ്ടിരിക്കുന്ന കൂടെപ്പിറപ്പുകളെയും നോക്കാനായി ആയിരുന്നു അവിടെ ജോലിക്ക് നിന്നത്. കല്യാണം ആലോചിച്ചു വരുന്നവർ സാമ്പത്തികം കൂടി നോക്കിയപ്പോൾ ചേച്ചി അങ്ങനെ അങ്ങ് നിന്നു പോയി.വീട്ടുകാർ പട്ടിണിയാകാതിരിക്കാനും അനിയന്റെയും അനിയത്തിയുടെയും ഒക്കെ പഠിത്തം മുടങ്ങാതെ ഇരിക്കാനും ആയിരുന്നു ചേച്ചി തല്ക്കാലം വിവാഹം വേണ്ട എന്തെങ്കിലും ജോലി ചെയ്തു കുടുംബം ഒന്ന് കരപറ്റിക്കാം എന്ന് കരുതിയത്. അതിനാൽ തന്നെ അങ്കിളിന്റെ ഭാര്യ മരിച്ചതോടെ ആകെയുള്ള ജോലി കൂടി നഷ്ടമായി വീണ്ടും കഷ്ടപ്പാടിലേക്ക് തിരിച്ചു പോകണമല്ലോ എന്ന് വിഷമിച്ചിരുന്നപ്പോൾ കിട്ടിയ കച്ചിതുരുമ്പായിരുന്നു ഈ വിവാഹാലോചന.പക്ഷേ രണ്ട് പേരും തമ്മിൽ ഉള്ള പ്രായ വ്യത്യാസം കാരണം ചേച്ചിക്ക് അങ്ങനെ പെട്ടെന്ന് സമ്മതിക്കാൻ കഴിയുമായിരുന്നില്ല. അങ്ങനെ ചേച്ചി അതെപ്പറ്റി ആലോചിച്ചു ഒരു തീരുമാനം എടുക്കാൻ കഴിയാതെ വിഷമിച്ചിരുന്ന സമയത്ത് അങ്കിൾ അങ്കിളിന്റെ അമ്മയെയും കൂട്ടി ചേച്ചിയുടെ വീട്ടിൽ ചെന്നു വയ്യാതെ കിടക്കുന്ന അച്ഛനെ ചികിൽസിക്കാനും അനിയത്തിയുടെ പഠിത്തം മുഴുവനാക്കാനും അനിയന്റെ പഠിപ്പിനുള്ളതും പിന്നെ ആകെ കല്യാണ ചിലവും വീട് മോടിപിടിപ്പിക്കാനും വേണ്ടതെല്ലാം കൊടുക്കാം എന്ന് പറഞ്ഞതോടെ അവരും ചേച്ചിയെ ഈ കല്യാണത്തിന് നിർബന്ധിച്ചു. അവസാനം എല്ലാവർക്കും വേണ്ടി ത്യാഗം ചെയ്യാൻ സ്വന്തം ജീവിതം ബലികൊടുക്കാൻ ചേച്ചി തീരുമാനിച്ചു. പക്ഷേ ചേച്ചിക്ക് ഒരു നിബന്ധന ഉണ്ടായിരുന്നു.അങ്കിൾ പുതുക്കി പണിത ഈ തറവാട് വീടിരിക്കുന്ന ഒരേക്കർ പറമ്പും അതിനോട് ചേർന്നുള്ള ഒന്നരയേക്കർ തെങ്ങിൻ തോപ്പും ചേച്ചിയുടെ പേരിൽ എഴുതി വെച്ചാൽ കല്യാണത്തിന് സമ്മതം ആണെന്ന്. ഒരു പക്ഷേ ചേച്ചി രക്ഷപെടാൻ പറഞ്ഞതാകും.പക്ഷേ എന്തായാലും അങ്കിളിന്റെ അമ്മയുടെ പേരിൽ കിടന്ന തറവാടും അങ്കിളിന്റെ പേരിൽ കിടന്ന തെങ്ങിൻ തോപ്പും ദീപചേച്ചിയുടെ പേരിൽ ആയി. അതോടെ ചേച്ചിയുടെ മനസ്സിൽ ഉണ്ടായിരുന്ന എല്ലാ എതിർപ്പുകളും മാറി തന്നെക്കാൾ 20 വയസ്സ് മൂത്ത ഒരാളിന്റെ രണ്ടാം ഭാര്യ
The Author
