വരുന്നത്??? ഞാൻ ഇന്നാണ് ഇങ്ങനെ കാണുന്നത്. അല്ലാതെ സാറിന് കുടി വല്ലപ്പോളും ഒക്കെ അല്ലേ ഉണ്ടായിരുന്നുള്ളു???
ആവോ… എനിക്കറിയില്ല…. എന്തായാലും നീ ഒന്ന് നിൽക്ക് ഞാൻ പറഞ്ഞിട്ട് പോകാം. ഞാൻ ഇപ്പോൾ വരാം. നീ ഇരിക്ക്.
അതും പറഞ്ഞു ഞാൻ മുറിയിലേക്ക് കയറി ഞാൻ രാവിലെ ഇട്ടത് പോലെ ഒരു ടോപ്പും മറ്റൊരു ടോപ്പും എടുത്തു. ഞാൻ വാങ്ങിയതിൽ പിന്നെ ഉപയോഗിക്കാത്ത രണ്ടെണ്ണം ആയിരുന്നു അത്. ഗീതു രാവിലെ ഞാൻ ഇട്ട ടോപ് അവൾക്ക് ഇഷ്ടം ആയെന്ന് പറഞ്ഞിരുന്നു. എന്റെ കൈയിൽ ഇതൊക്കെ വെറുതെ ഇരിക്കുകയാണ്. ഞാൻ ഇട്ട ടോപ് അവൾക്കു കൊടുക്കുന്നത് ശെരിയല്ലല്ലോ?? ഇതാകുമ്പോൾ വാങ്ങി വന്നു കവർ പോലും പൊട്ടിച്ചിട്ടില്ല ഇത് അവൾക്ക് കൊടുത്തേക്കാം. അങ്ങനെ ടോപ്പും എടുത്തു ഞാൻ ഹാളിലേക്ക് ചെന്നു. എന്നെ കണ്ടതും സുധി എഴുന്നേറ്റു.
ദാ സുധി.. ഇത് ഗീതുവിന് കൊടുത്തേക്ക്. ഞാൻ അവൾക്ക് വേണ്ടി മാറ്റി വെച്ചതാ.
അയ്യോ ടീച്ചറെ ഞാൻ വേറൊരു വഴിക്ക് പോകുവാ… ഇനി ഇപ്പോൾ വീട്ടിൽ ചെല്ലാൻ താമസിക്കും. ഒരു കാര്യം ചെയ്യാം.നാളെ രാവിലെ വരുമ്പോൾ തന്നാൽ മതി.
ഞാൻ രാവിലെ പോകും സുധി… അതല്ലേ???
എന്നാൽ ചേച്ചി അമ്മയെ ഏൽപ്പിച്ചേക്ക് ഞാൻ മറക്കാതെ വാങ്ങിക്കോളാം നാളെതന്നെ.
എന്നാൽ അത് മതി സുധി.
അപ്പോൾ ഞാൻ ഇറങ്ങുവാ ചേച്ചി… അടുത്തയാഴ്ച കാണാം.
ശെരി സുധി..
അവന്റെ പുറകെ ഞാനും ഗേറ്റിന്റെ താക്കോൽ എടുത്തു ഞങ്ങൾ ഒന്നിച്ചു നടന്നു.
ഗേറ്റിന്റെ അടുത്തെത്തിയതും ഞാൻ അവനോടു ഒന്ന് നിൽക്കാൻ പറഞ്ഞു. അവൻ ചോദ്യ ഭാവത്തിൽ എന്നെ നോക്കി.
സുധിയോട് എനിക്ക് ഒരു കാര്യം ചോദിക്കാൻ ഉണ്ട്. നിന്റെ ചേച്ചി ചോദിക്കുന്നതാണെന്ന് വിചാരിച്ചാൽ മതി.
അതിനെന്താ ചേച്ചിക്ക് ചോദിക്കാമല്ലോ???
ഗീതു ഒരു പാവം കുട്ടി അല്ലേ സുധി?? അവളെ ഇങ്ങനെ വിഷമിപ്പിക്കാമോ??? നമ്മളെ മാത്രം സ്നേഹിച്ചും വിശ്വസിച്ചും നിൽക്കുന്ന ഒരാളെ ചതിക്കുന്നത് തെറ്റല്ലേ??? അല്ല നിന്റെ കാര്യങ്ങൾ ഒന്നും നോക്കാത്ത നിന്നെ സ്നേഹിക്കാത്ത ഒരു പെണ്ണ് ആയിരുന്നു അവൾ എങ്കിൽ ഞാൻ ഇത് പറയില്ലായിരുന്നു. എന്റെ ജീവിതം കൂടി ഓർത്തു കണ്ണിൽ ഒരല്പം നനവോടെ ഞാൻ അവനോടു ചോദിച്ചു.
ഓ അവൾ ഇന്ന് ഇങ്ങോട്ട് വന്നപ്പോളെ എനിക്ക് തോന്നിയിരുന്നു എന്തെങ്കിലും കുഴപ്പം ഉണ്ടാക്കും എന്ന്. ഇന്ന് ഞാൻ ശെരിയാക്കുന്നുണ്ട്.
ഒന്ന് വെറുതെ ഇരിക്ക് സുധി. അവൾ എന്നോടൊന്നും പറഞ്ഞിട്ടില്ല. ഇന്നലെ ഞാൻ വന്നപ്പോൾ അമ്മ പറഞ്ഞതാ. പിന്നെ നീയും സുനിതയും തമ്മിൽ ഉള്ള ബന്ധം എനിക്ക് പണ്ടേ അറിയാമല്ലോ?? അത് പറഞ്ഞത് നിന്റെ ഗോപി സാറും. അല്ലാതെ ഗീതു ഇതിൽ ഒരു തെറ്റും ചെയ്തിട്ടില്ല സുധി… നീ ഞാൻ ചോദിച്ചതിന് ഒരു മറുപടി താ…ഞാൻ ശബ്ദം ഒന്ന് ഉയർത്തി.
പെട്ടെന്ന് സുധിയുടെ കണ്ണുകൾ നിറഞ്ഞു. ചേച്ചിക്കറിയാമോ പണ്ട് ഞാൻ സുനിതയെ എന്റെ ജീവനെപ്പോലെ സ്നേഹിച്ചതാ. നാട്ടുകാർ എല്ലാം അവളെ പറ്റി മോശം പറഞ്ഞാലും എനിക്ക് പറയാൻ
The Author
