“അപ്പോ ആ പ്രശ്നം അങ്ങ് സോൾവ് ആയി അല്ലേ..”
“അതെ ചേച്ചി.. ഇനി ആ ചാപ്റ്റർ തുറക്കില്ല…”
“ഹും.. നീ ചാപ്റ്ററിൻ്റെ കാര്യം പറഞ്ഞപ്പോൾ ആണ് ഓർത്തത്..”
“എന്ത് ഓർത്തത്..??”
“അത് ഞാൻ പറയുന്നില്ല.. ഇവിടെ ഒരാള് നിന്നോട് സംസാരിക്കാൻ വേണ്ടി കാത്ത് നിൽക്കുവാ.. ഞാൻ ഫോൺ കൊടുക്കാം..”
നീതു ചേച്ചി അത് പറഞ്ഞപ്പോൾ തന്നെ ആ ഒരാള് അതിഥി ആയിരിക്കും എന്ന് എനിക്ക് മനസ്സിലായി…
ആതിര പറഞ്ഞ കാര്യങ്ങള് വീണ്ടും എൻ്റെ മനസ്സിലേക്ക് വന്നു…
അല്പം ആശങ്കയോടെ ആണ് ഞാൻ അതിഥിയുടെ സ്വരത്തിന് വേണ്ടി കാതോർത്തത്…
“ഹലോ വിനു…”
“അതിഥി…”
“ഫോൺ സ്പീക്കറിൽ ആയിരുന്നു.. പറഞ്ഞതെല്ലാം ഞാൻ കേട്ടു.. എന്തായാലും ആ പ്രശ്നം അങ്ങ് തീർന്നല്ലോ സമാധാനം…”
“ഫോൺ ഇപ്പോഴും സ്പീക്കറിൽ ആണോ..??”
“അല്ല.. ആൻ്റി അകത്തേക്ക് പോയി..”
“ഹും.. എന്തോ പറയാൻ ഉണ്ട് എന്നാണല്ലോ നീതു ചേച്ചി പറഞ്ഞത്…”
“പറയാൻ ഉള്ളത് ഒരു വലിയ കാര്യം ആണ്.. പക്ഷേ അതിൻ്റെ മുന്നേ എനിക്ക് വിനുവിനോട് ഒരു വലിയ താങ്ക്സ് പറയണം…”
“എന്തിന്..??”
