പിറ്റേന്ന് പതിവ് പോലെ എഴുന്നേറ്റ് ഓഫീസിലേക്ക് പുറപ്പെട്ടു..
പ്രോജക്ട് തീർന്നത് കൊണ്ട് ഇപ്പൊ പണിയൊന്നും ഇല്ല…
വെറുതെ കഥകൾ ഒക്കെ പറഞ്ഞ് ഇരിപ്പാണ് മെയിൻ പരിപാടി…
പലർക്കും പരദൂഷണം പറയാൻ നല്ല അവസരം ആണ് കിട്ടിയിരിക്കുന്നത്…
ഉച്ചക്ക് ലഞ്ച് കഴിച്ചു കഴിഞ്ഞ് കാൻ്റീനിൽ വെറുതെ ജനൽ വഴി പുറത്തേക്ക് നോക്കി നിൽക്കുമ്പോൾ ആണ് പുറത്ത് ആരോ തട്ടി വിളിച്ചത്…
“വിനോദ്…”
നോക്കിയപ്പോൾ കെവിൻ ആയിരുന്നു…
“ഹായ് കെവിൻ..”
“എന്താ ഇവിടെ ഒറ്റക്ക് നിൽക്കുന്നത്.??”
“ഏയ്… വെറുതെ…”
“എന്തേലും പ്രശ്നം ഉണ്ടോ..??”
“പ്രശ്നമോ ഇല്ലല്ലോ.. എന്താ അങ്ങനെ ചോദിച്ചത്…??”
“നത്തിങ്.. വിനോദിനെ കണ്ടപ്പോ എനിക്ക് അങ്ങനെ തോന്നി…”
“ഏയ്… കുഴപ്പം ഒന്നും ഇല്ല..”
“നമുക്ക് അങ്ങോട്ട് ഇരുന്നാലോ..??”
“അതിനെന്താ ഇരിക്കാം..”
ഞങ്ങൾ ഒരുമിച്ച് കസേരകളിൽ ഇരുന്നു…
“പ്രോജക്ട് എല്ലാം ഭംഗിയായി തന്നെ അവസാനിച്ചു അല്ലേ വിനോദ്..”
“അതെ.. അതിൻ്റെ മെയിൻ രീസൺ കെവിൻ തന്നെ ആണ്..”
