“പറയ് കുട്ടീ…നീ ചോദിച്ചാൽ ഞാനെന്തും തരും.അത്രക്കിഷ്ടമാണ് മോളേ എനിക്ക് നിന്നെ.നിൻറെ സ്വർണ്ണത്തിന്റെ നിറവും,താരുണ്യവും,മാദകത്വവും എന്നെ എത്രത്തോളം മോഹിപ്പിക്കുന്നുണ്ടെന്നറിയാമോ ..?!ലോകത്തെ ഒരുപാട് രാജ്യങ്ങളിൽ പോയിട്ടുണ്ട് ഞാൻ.അവിടങ്ങളിലുള്ള സ്ത്രീകളുടെ കൂടെ അന്തിയുറങ്ങിയിട്ടുമുണ്ട്.ഞാൻ അൻപത് വയസ്സിനിടെ മൂവായിരത്തിലധികം പെണ്ണുങ്ങളുമായി രമിച്ചിട്ടുമുണ്ട്.എന്നാൽ നിൻറെ അത്രയും ലാവണ്യവും അംഗസംയോഗചാരുതയുമുള്ള ഒരു പെണ്ണിനേയും ഞാനിന്നോളം കണ്ടിട്ടില്ല.അതുകൊണ്ടാണ് നിന്നെ കണ്ട അന്ന് മുതൽ കഴിഞ്ഞ കുറേ വർഷങ്ങളായി ഞാൻ നിനക്ക് പിന്നാലെ യാചനയുമായി നടക്കുന്നത്….!എൻറെ പൊന്ന് മോള് പറയ്..ഞാനെന്താണ് മോൾക്ക് വേണ്ടി ചെയ്യേണ്ടത് ?”
“എൻറെ ബ്രാഞ്ചിൽ മുതലാളി രണ്ടരക്കോടിയുടെ ഒരു ഫിക്സഡ് ഡെപ്പോസിറ്റ് തുടങ്ങിയാൽ വലിയ ഉപകാരമാകുമായിരുന്നു.എനിക്കെൻറെ ജോലി പോവാതിരിക്കുകയും ചെയ്യും.”
“ഇത്രയേ ഉള്ളൂ…അക്കാര്യം ഞാനേറ്റു.വേറെ വല്ലതുമുണ്ടോ ?”
“ഇല്ല.വേറെ ഒന്നുമില്ല.”
“ശരി.എന്നാൽ മോള് ഒരു കാര്യം ചെയ്യ്.അക്കൗണ്ട് തുടങ്ങാനും മറ്റുമുള്ള പേപ്പറുകളുമായി സുൽത്താൻ ബത്തേരിക്ക് വാ.പേപ്പറുകളിലെല്ലാം സൈനും വാങ്ങി,ചെക്കുകളും വാങ്ങി നാളെ രാവിലെ മടങ്ങിപ്പോകാം.എന്ത് പറയുന്നു?”
“ഇന്ന് തന്നെ വരണോ മുതലാളീ..ഇവിടെ ഓണം സെലിബ്രേഷനാണിന്ന്.ഞാൻ ഞായറാഴ്ച വരാം.”
“നാളെ ഉച്ചയോടെ ഞാൻ ദുബായിക്ക് പോകും മോളേ.കോഴിക്കോട് എയർപോർട്ടിൽ നിന്നാണ് ഫ്‌ളൈറ്റ് .പോയാൽ പിന്നെ രണ്ടു മാസം കഴിഞ്ഞേ വരൂ. അതുകൊണ്ടാണ് ഇന്ന് തന്നെ വരാൻ പറഞ്ഞത്.ഇപ്പോൾ സമയം പന്ത്രണ്ട് മണി.മോള് കോഴിക്കോടല്ലേ ഉള്ളത് ?”
“അതെ.”
“അവിടെ നിന്നും ഇപ്പോൾ വിട്ടാൽ മൂന്ന് മണിക്ക് മുൻപ് ഇങ്ങെത്താം.ഊണ് നമുക്കൊരുമിച്ചാവാം.മോൾക്കായി പ്രത്യേക ഓണം സദ്യയും,പായസവുമൊക്കെ ഞാൻ ഏർപ്പാടാക്കാം.ബ്രാഞ്ചിലുള്ളവർ അവിടെ ആഘോഷിക്കട്ടെ.നമുക്ക് ഇവിടെ ആഘോഷിക്കാം.ഇവിടെ എന്ന് പറഞ്ഞാൽ എൻറെ വീട്ടിലല്ല കേട്ടോ.തോട്ടത്തിന് നടുക്കുള്ള ആ പഴയ ആയുർവേദകേന്ദ്രമുണ്ടല്ലോ…”
