ഉപ്പാക്ക് എന്താ പറ്റിയെ..അത് അറിഞ്ഞപ്പോ എനിക്ക് എന്തോ മനസിന് ”
ഞാൻ എന്റെ വിഷമം അവനോട് പറഞ്ഞു..
” ഉപ്പാക്ക് ഒന്നും ഇല്ല.. ചെറുതായി ഒന്ന് തല ചുറ്റി വീണു അത്രെ ഉള്ളു.. ടെൻഷൻ ആകാൻ ഒന്നും ഇല്ല ” അവനും എന്നെ സമാധാനിപ്പിക്കാൻ നോക്കി പക്ഷെ ഉപ്പാനെ കാണാതെ ഞാൻ സമാധാനം ആകില്ല…
“ഞാൻ അങ്ങ് വന്നിട്ട് ബാക്കി സംസാരിക്കാം.. ഞാൻ കട്ട്‌ ചെയ്യുവാണേ ” എന്ന് പറഞ്ഞു ഞാൻ ഫോൺ കട്ട്‌ ചെയ്തു… അപ്പോഴേക്ക് ഞാൻ എയർപോർട്ടിൽ എത്തിയിരുന്നു.. ചെക്ക് ഇൻ ചെയ്തു..
5.30 മണിക്കൂർ യാത്ര കൊണ്ട് ഞാൻ നാട്ടിലേക്ക് തിരിച്ചു എത്തിയിരിക്കുന്നു.. പുറത്തിറങ്ങിയപ്പോ അവൻ അവിടെ ഉണ്ടായിരുന്നു.. എന്നെ കണ്ടപ്പോ തന്നെ അവൻ എന്നെ വന്നു കെട്ടി പിടിച്ചു..
” മ്മ് തടി ഒക്കെ കൂടിയിട്ടുണ്ട് ” അവൻ ചിരിച്ചുകൊണ്ട് അത് പറഞ്ഞപ്പോ എനിക്കും കുറച്ചു ആശ്വാസം ആയി…
” പോടാ.. സംസാരിച്ചോണ്ട് നോക്കണ്ട് വേഗം വീട്ടിൽ പോകാൻ നോക്കാം ” ഞാൻ അവന്റെ തോളിൽ തട്ടിക്കൊണ്ടു പറഞ്ഞു…
അവൻ എന്റെ കയ്യിൽ നിന്ന് ബാഗ് വാങ്ങി എന്നിട്ട് നടന്നു.. കാറിൽ കയറി… ഞങ്ങൾ പതിയെ വീട്ടിലേക്ക് യാത്ര തുടങ്ങി.. നല്ല മെലഡി സോങ്‌സ് ഇട്ടിരുന്നു കാറിൽ ഞാൻ പതിയെ കണ്ണ് അടച്ചു…
” മതി ഉറങ്ങിയേ പെട്ടന്ന് വീട് എത്തണം എന്ന് പറഞ്ഞിട്ട്.. കിടന്ന് ഉറങ്ങുന്നോ… വീട് എത്തി ഇറങ്ങാൻ നോക്ക് ” അവൻ എന്നെ ഉറക്കത്തിൽ നിന്നെ കുലുക്കി വിളിച്ചോണ്ട് പറഞ്ഞു.. അവൻ മുഖത്ത് എപ്പോഴും ഒരു ചെറു ചിരി ഉണ്ടാകാറുണ്ട്… അത് കാണാൻ തന്നെ ഒരു ഭംഗി ആണു..
അവൻ ഡോർ തുറന്ന് പുറത്തേക്ക് ഇറങ്ങി….. രണ്ടര വർഷങ്ങൾക്ക് ശേഷം ഞാൻ തിരികെ എന്റെ വീട്ടിലേക്ക് കയറാൻ പോകുകയാണ്… വണ്ടി വന്നു നിക്കുന്ന സൗണ്ട് കേട്ട് അപ്പോഴേ ഉമ്മ പുറത്തേക്ക് വന്നു.. ഞാൻ ഡോർ തുറക്കേണ്ട താമസം ഉമ്മ എന്നെ കെട്ടി പിടിച്ചു കവിളിൽ ഒരു ഉമ്മ തന്നു… ഞാൻ ഉമ്മയെ ചേർത്ത് പിടിച്ചു അകത്തേക്ക് നടന്നു…
