ജോലി കഴിഞ്ഞു വൈകീട്ട് ഞങ്ങൾ വീട്ടിൽ വന്നു. സരേഷിന്റെ അച്ഛൻ വാഴ വെക്കാൻ കുഴിയെടുക്കുകയായിരുന്നു. അമ്മയും സഹായത്തിനുണ്ട്. ശാരികയെ അവിടെയൊന്നും കണ്ടില്ല. ഞാൻ എന്റെ വീട്ടിൽ പോയി താക്കോലെടുത്ത് തുറന്നു ബാത്‌റൂമിൽ പോയി കുളിച്ചു വന്നു.
വീണ്ടും സരേഷിന്റെ വീട്ടിലേക്ക് വന്നു.
ഞാൻ : “സരേഷ് ഏന്തിയേ?”
സരേഷിന്റെ അച്ഛൻ ശേഖരൻ : “അവൻ ഇപ്പോൾ പോയിട്ടുള്ളൂ കുളിക്കാൻ”
സരേഷിന്റെ അമ്മ രേഖ : “ഹാ… മോൻ കുളിയൊക്കെ കഴിഞ്ഞുവോ?.. ചായ എടുക്കട്ടെ?”
ഞാൻ : “സരേഷും കൂടി വരട്ടെ അമ്മേ… എന്നിട്ടെടുക്കാം…”
രേഖ : “എന്നാൽ മോൻ അകത്തെക്ക് കയറിക്കോ.. അവൻ കുളികഴിഞ്ഞാൽ പറയ്”
ഞാൻ : “ശെരിയമ്മേ..”
ഞാൻ അകത്തെക്ക് കയറി. ഒരു വരാന്ത, ഹാൾ, മൂന്നു റൂമുകൾ, അടുക്കള ഇതാണ് അവന്റെ വീടിനകം. മൂന്ന് റൂമിലും ബാത്റൂം ഉണ്ട്. ചെറിയ വീടാണ്.. ആറു വർഷം കഴിഞ്ഞു ഉണ്ടാക്കിയിട്ട്. അമ്മ രേഖയുടെ തറവാട് വിറ്റപ്പോൾ കിട്ടിയ കാശ് ഉപയോഗിച്ചാണ് വീടുണ്ടാക്കിയത്. അതിനു മുൻപ് ചെറിയൊരു ഷെഡ് വെച്ചാണ് ഇവർ ഇവിടെ താമസിച്ചിരുന്നത്. വരാന്തയിൽ നിന്നും കേറി ചെല്ലുന്നത് ഹാളിലേക്ക് ആണ്. അവിടെ നിന്നാണ് മൂന്നു റൂമിലേക്കും ഉള്ള പ്രവേശനം.
ആദ്യത്തെ റൂം അച്ഛനും അമ്മയും ഉപയോഗിക്കുന്നു. രണ്ടാമത്തെ റൂം അനുജത്തി ശാരികയും മൂന്നാമത്തെ റൂം സരേഷും ശരത്തും പങ്കിടുന്നു. ശാരികയുടെ റൂം മറ്റു രണ്ടു റൂമിനേക്കാൾ ചെറുതാണ്. ഞാൻ സരേഷിന്റെ റൂമിലേക്ക് നടന്നു. ശാരികയെ അവിടെ കണ്ടില്ല. അവളുടെ റൂം അടഞ്ഞു കിടക്കുകയാണ്. ചിലപ്പോൾ ഉറങ്ങുകയാകും എന്ന് ഞാൻ കരുതി. സരേഷിന്റെ റൂമിലും ആരുമില്ല. ശരത് കൂട്ടുകാരന്റെ അവിടെ തന്നെ ആകും. ബാത്‌റൂമിൽ നിന്നും വെള്ളമൊഴുകുന്ന ശബ്ദം. ഞാൻ വാതിൽ മുട്ടി.
സരേഷ് : “എന്താ? ആരാ? അമ്മയാണോ?”
ഞാൻ : “ഇത് ഞാനാടാ..”
സരേഷ് : “ഓഹ്… നീയോ.. എടാ നീ പത്തു മിനിറ്റ് കാത്തിരിക്ക്.. ഞാനിപ്പോൾ കയറിയിട്ടുള്ളൂ..”
ഞാൻ : “അത് കുഴപ്പമില്ല ബ്രോ… നീ സമയം എടുത്ത് കുളിച്ചു വന്നാൽ മതി”
സരേഷ് : “ഒക്കെടാ”
ഞാൻ തിരിച്ചു പുറത്തെക്ക് പോകാൻ അവന്റെ റൂമിൽ നിന്നും ഇറങ്ങി. രാവിലെ പത്രത്തിലെ വാർത്തകൾ ഒന്ന് കണ്ണോടിച്ചു വായിക്കുന്നത് എന്റെ ശീലമാണ്. ഇന്ന് പക്ഷേ നോക്കിയിട്ടില്ല. അവൻ വരുന്നത് വരെ നോക്കാം എന്ന് കരുതി.
