” ആഹാ എന്നിട്ടാണോ ഈ പെണ്ണ് എന്നോട് പരാതി പറഞ്ഞത്….? ഇത് നല്ല കൂത്ത്… ”
ഇനിയും ഇവിടെ നിന്നാൽ എല്ലാം കൂടെ എന്നെ നാണം കെടുത്തുമെന്നു എനിക്ക് നല്ല ബോധ്യം ഉണ്ടായിരുന്നത് കൊണ്ട് ഞാൻ അവരെ തട്ടി മാറ്റി പുറത്തേക്കു നടക്കാൻ തുനിഞ്ഞു..” നീ ഇതെവിടെ പോകുവാ? . ”
കുഞ്ഞേച്ചി എന്റെ കയ്യിൽ പിടിച്ചു നിർത്തി ചോദിച്ചു..
” എനിക്ക് അപ്പുറത് പണി ഉണ്ട്.. നിങ്ങളെല്ലാവരും വർത്തമാനം പറഞ്ഞിരിക്കു….ഞാൻ പോകുവാ . ”
കുഞ്ഞേച്ചിയുടെ പിടി വിട്ടു ഞാൻ മുറിയുടെ പുറത്തേക്കു നടന്നു…
” ഹും . അയാളുടെ ഒരു ചിരിയും കളിയും…അതും കൊണ്ട് .ഇങ്ങു വരട്ടെ കാട്ടികൊടുക്കുന്നുണ്ട് ഈ അനുശ്രീ ആരാന്ന്… ”
പകുതി നടന്നു എത്തി തിരിഞ്ഞു നോക്കിയിട്ടും അവരെ ആരെയും പുറത്തേക്കു കണ്ടില്ല. ഇനി എന്റെ കുറ്റം വല്ലതും പറയുന്നതാണോ? ശബ്ദം ഉണ്ടാക്കാതെ ഞാൻ ആ മുറിയുടെ മുന്നിലേക്ക് നടന്നു വാതിലിനോട് ചേർന്ന് നിന്നു കാത് കൂർപ്പിച്ചു.
“കുഞ്ഞേച്ചി ഏട്ടൻ എവിടെ? ”
കിച്ചുവേട്ടന്റെ ശബ്ദം.
” അപ്പുറത്ത് ഉണ്ടെടാ…. രാവിലെ മുതൽ ഏട്ടൻ നിന്നെ അന്ന്വേഷിക്കുന്നുണ്ടായിരുന്നു… ”
” പിന്നെ നിങ്ങടെ കെട്ട്യോൻ അന്ന്വേക്ഷിക്കുന്നത് സ്നേഹം കൊണ്ടൊന്നും അല്ലല്ലോ… വെള്ളമടിക്കാൻ കമ്പനിക്ക് അല്ലെ… ”
കുഞ്ഞേച്ചിക്കുള്ള മറപടിയായി ഞാൻ മനസ്സിൽ പറഞ്ഞു പഴിച്ചു. …
” ഏതായാലും ആ മീശയും താടിയും ഒക്കെ കളഞ്ഞപ്പോൾ സുന്ദരൻ ആയിട്ടുണ്ട്..അല്ലെ ചിന്നു….? … ”
വീണ്ടും കുഞ്ഞേച്ചിയുടെ ശബ്ദം.
” ഈ കുഞ്ഞേച്ചിക്കെന്ന…കുഞ്ഞേച്ചിക്ക് കുഞ്ഞേച്ചിടെ കെട്ട്യോന്റെ സൗന്ദര്യം നോക്കിയാൽ പോരെ. കിച്ചുവേട്ടനെ നോക്കാൻ ഇവിടെ ഞാനില്ലേ… ? “അവർക്ക് മറുപടി കൊടുത്തില്ലെങ്കിൽ മനസ്സമാധാനം കിട്ടില്ല….. ഒരുതരം തരിപ്പ് ദേഹമാസകലം ഇരച്ചു കയറുന്ന പോലെ…
” അതെ എന്റെ കഴിവാണ്…. താടീം മുടീം ഒക്കെ വടിച്ചല്ലാതെ ഇങ്ങോട്ടു വന്നാൽ കല്യാണത്തിന് കൂട്ടില്ലെന്ന് ഞാൻ പറഞ്ഞു…അതാണ്‌… . ”
അതും പറഞ്ഞു ചിന്നു ഒന്ന് ചിരിച്ചു. അപ്പോൾ ആണ് എനിക്ക് ഒന്ന് സമാദാനം ആയതു.. വേറെ പെണ്ണിന് വേണ്ടി അല്ലല്ലോ ചിന്നു പറഞ്ഞിട്ടല്ലേ…. ” ആശ്വാസം ആയി… ”
അറിയതെ കൈകൾ നെഞ്ചിൽ വച്ചു ഞാൻ പറഞ്ഞു.
” ഏതായാലും ചുള്ളൻ ആയിട്ടുണ്ടല്ലേ കുഞ്ഞേച്ചി…. പുള്ളിക്കാരിക്കും അങ്ങ് പിടിച്ചു.. ആ നോട്ടം കണ്ടില്ലായിരുന്നോ? പിന്നെ അഭിമാനം സമ്മതിക്കാതൊണ്ട ഇറങ്ങി പോയതാണ്….. ”
ചിന്നുവിന്റെ തമാശക്ക് എല്ലാവരും ആർത്തു ചിരിച്ചു…. എനിക്കതിനത്ര ചിരിയൊന്നും വന്നില്ല….
” ഞ ഞ ഞ ….. ”
അവളുടെ തമാശ ഏറ്റു വാങ്ങിയെന്ന വണ്ണം ഒന്നു കൊഞ്ഞനം കുത്തി കാട്ടി…
“ഏയ്… പതിയെ… പറയാൻ പറ്റില്ല. ചിലപ്പോൾ പുറത്തു നിന്നു എല്ലാം ഒളിഞ്ഞു കേൾക്കുന്നുണ്ടാകും കക്ഷി….. ”
ചിരി നിർത്തി കിച്ചുവേട്ടൻ ഗൗരവത്തിൽ പറഞ്ഞു… ” അയ്യോ..കണ്ടുപിടിച്ചു . ” ഏതായാലും പിടിക്കപ്പെടുന്നതിനു മുൻപ് തന്നെ ഞാൻ അവിടെ നിന്നോടീ അടുക്കളയിലേക്കു കയറി…
അവിടെത്തെ തിരക്ക് കഴിഞ്ഞിറങ്ങിയപ്പോൾ അല്പം തമാസിച്ചു .. വീടിന്റെ പരിസരങ്ങളിൽ ഒക്കെ അങ്ങേരുടെ മുഖം ഒന്ന് ഓടിച്ചു നോക്കി .. പക്ഷെ കണ്ടില്ല. എവിടെ പോയോ എന്തോ?
