“വരൂ മാർക്.” ഞാൻ പുറകിലേക്ക് നോക്കി വിളിച്ചു
“നിങ്ങളെ ശല്യപ്പെടുത്തിയതിൽ എന്നോട് മുഷിവ് തോന്നരുത്. നിങ്ങളുടെ ഡിന്നർ റെഡി ആണ്. നിങ്ങൾക്ക് ഓക്കേ ആണെങ്കിൽ ഞാൻ ഭക്ഷണം വിളമ്പാം.” അങ്ങോട്ടേയ്ക്ക് കയറി വന്ന മാർക് പറഞ്ഞു.
“മിഷേൽ എന്ത് പറയുന്നു? നമുക്ക് കഴിച്ചാലോ?” മിഷേലിനെ നോക്കി ഞാൻ ചോദിച്ചു.
“യെസ്…”
ഞങ്ങൾ വീണ്ടും പുറകിലെ ഡെക്കിലേയ്ക്ക് ചെന്ന്. ഞങ്ങൾ കുറച്ചു മുൻപിരുന്ന ലൗഞ്ച് ഇപ്പൊ റോസ് ഡിന്നർ ടേബിൾ ആയി അറേഞ്ച് ചെയ്തിരുന്നു. ക്യാൻഡിൽ ലൈറ്റിന്റെ വെട്ടത്തിൽ ഒരു ഡിന്നർ.
“ഇത് വളരെ മനോഹരമായിരിക്കുന്നു. മാർക് നിങ്ങൾ ഞങ്ങളുടെ ഈവെനിംഗ് ശരിക്കും സ്വർഗ്ഗതുല്യമാക്കി.” മിഷേൽ മാർക്കിന്റെ തോളിൽ പിടിച്ചു കൊണ്ട് പറഞ്ഞു.
“നിങ്ങൾക്ക് ഇഷ്ടപ്പെട്ടു എന്നറിഞ്ഞതിൽ വളരെ സന്തോഷം. മിഷേൽ പ്ലീസ് ഇരിക്കൂ…” മാർക് മിഷേലിനുള്ള കസേര വലിച്ചിട്ടു കൊണ്ട് പറഞ്ഞു. വളരെ സ്വാദിഷ്ടമായ ഒരു ഫോർ കോഴ്സ് മെനു ഞങ്ങൾക്ക് വിളമ്പി കൊണ്ട് മാർക് ഞങ്ങളെ അമ്പരപ്പിച്ചു. ഭക്ഷണത്തിന്റെ കൂടെ രണ്ടു റെഡ് വൈൻ കാലിയായത് അറിഞ്ഞില്ല.
ഭക്ഷണം കഴിഞ്ഞപ്പോ മാർക് ഞങ്ങളെ വീണ്ടും മുൻപിലെ ടെക്കിലേയ്ക്ക് അയച്ചു. ആ ലൗഞ്ച് വീണ്ടും പഴയപടി ആക്കുവാൻ വേണ്ടി. അതിനു ശേഷം ഞങ്ങളെയും കൊണ്ട് ആ യോട്ട് ആ ലെയ്ക്കിന് ഒരു വലം വെച്ച്. ഒരു മണിക്കൂർ ഞങ്ങൾ ഡെക്കിൽ നക്ഷത്രങ്ങളെയും നോക്കി പലതും സംസാരിച്ചു കിടന്നു. ഒരു സ്ഥലത്തു കൊണ്ട് ചെന്ന് യോട്ട് നിറുത്തിയിട്ട് മാർക് ഞങ്ങളുടെ അടുത്തേയ്ക്ക് വന്നു.
“നമ്മൾ ഇവിടെ ആണ് ഇനി നിറുത്തുന്നത്. നിങ്ങൾക്ക് എപ്പോൾ തിരിച്ചു പോണം എന്ന് പറയുന്നോ അപ്പോ നമ്മുക്ക് പോവാം. അത് വരെ നിങ്ങൾ എന്ജോയ് ചെയ്യൂ. ദാ ഇതാണെന്റെ നമ്പർ. എന്നെ വിളിച്ചാൽ മതി. നിങ്ങളുടെ കാൾ കണ്ടില്ലെങ്കിൽ ഞാൻ നാളെ രാവിലെ 7 മണിക്ക് നിങ്ങളെ വിളിച്ചോളാം. ഓക്കേ?” ഒരു കാർഡ് എന്റെ നേരെ നീട്ടിക്കൊണ്ട് മാർക് പറഞ്ഞു.
“താങ്ക്യൂ മാർക്. ഞങ്ങൾ വിളിക്കാം” കാർഡ് കയ്യിൽ വാങ്ങി ഞാൻ പറഞ്ഞു. മാർക് ഞങ്ങളോട് ബൈ പറഞ്ഞിട്ട് സൈഡിൽ കിടന്ന ഒരു കൊച്ചു ബോട്ടിൽ കയറി പോയി.
“മിഷേൽ നിനക്കെന്താ കുടിക്കാൻ വേണ്ടത്? ഇനി ഇവിടെ നമ്മൾ മാത്രമേ ഉള്ളു. ഞാനാണ് ഇനി ഇതിന്റെ ക്യാപ്റ്റൻ. നിനക്കെന്തു വേണമെങ്കിലും എന്നോട് പറഞ്ഞാൽ മതി.” മാർക്കിനെ അനുകരിച്ചു കൊണ്ട് ഞാൻ മിഷേലിനോട് പറഞ്ഞു.
മിഷേലിന് ചിരിക്കാതിരിക്കാൻ കഴിഞ്ഞില്ല. അവൾ എന്റെ അരികിൽ വന്നു എന്റെ തോളിൽ കൂടി കൈ കോർത്ത് ഒരു ശ്വാസപ്പാടിന്റെ അകലത്ത് നിന്ന് കൊണ്ട് പറഞ്ഞു. “നിന്നെ ഞാൻ എന്ത് ചെയ്യും…”
ഞങ്ങളുടെ കണ്ണുകളിൽ ജ്വലിച്ച വികാരത്തിന് പ്രണയത്തിന്റെ ഒരായിരം കഥകൾ പറയാനുള്ളത് പോലെ തോന്നി. അവളെ ഞാനെന്റെ കൈകളിൽ കോരിയെടുത്തുകൊണ്ടു താഴേയ്ക്കുള്ള നടയിറങ്ങി. ഞങ്ങളുടെ കണ്ണുകൾ കഥകൾ പറഞ്ഞുകൊണ്ടേ ഇരുന്നു. അവളെയും കൊണ്ട് ഞാൻ ബെഡ്‌റൂമിൽ കയറി ആ കട്ടിലിൽ അവളെ കിടത്തി. ഒരു മത്സ്യകന്യകയെ പോലെ അവൾ ആ ബെഡിൽ ഒന്ന് തിരിഞ്ഞു. ഞാൻ ബെഡിലേയ്ക്ക് കയറി അവളുടെ മുകളിലായി കാലു കവച്ചു വെച്ച് ഇരുവശത്തും കൈകൾ കുത്തി കിടന്നു.
“ഞാൻ എന്റെ പ്രണയം നിനക്ക് തരട്ടെ?” അവളുടെ കണ്ണുകളിലെ ആഴങ്ങളിലേക്ക് നോക്കികൊണ്ട്‌ അവളോട് ചോദിച്ചു.
“ഞാൻ നിന്റേതാണ് ജിത്തു. നിന്റേത് മാത്രം. എല്ലാ അർത്ഥത്തിലും.”
