🏝️ സ്വർഗ്ഗ ദ്വീപ് 8🏝️

“നീ മാറി കൊണ്ട് ഇരിക്കുവാണ്, ശരീരം മാത്രം അല്ല.” ആ പെപ്സി ക്യാൻ ഇപ്പോഴും നെറ്റിയിൽ തന്നെ വച്ച് ഉരുട്ടി കൊണ്ട് പ്രിയ പറഞ്ഞു.

“എങ്ങനെ മാറി കൊണ്ട് ഇരിക്കുവാണ് എന്നാ നീ പറയുന്നത്?.” ആദിത്യൻ സംശയത്തോടെ ചോദിച്ചു.

“നിന്റെ ആത്മവിശ്വാസം ഇപ്പോൾ നല്ലോണം കൂടിയിട്ടുണ്ട്. നീ കൂടുതൽ കാര്യങ്ങൾക്ക് സ്വയം തീരുമാനം എടുക്കാൻ തുടങ്ങി. നിനക്ക് ഞാൻ പറയുന്നത് മനസ്സിലാവുന്നുണ്ടോ?.”

“ശെരിക്ക് പറഞ്ഞാൽ ഇല്ല.” ആദിത്യൻ നെറ്റി ചുളിച്ച് കൊണ്ട് പറഞ്ഞു.

“കുറച്ച് ദിവസങ്ങൾക്ക് മുൻപ് നിനക്ക് പെണ്ണുങ്ങളോട് സംസാരിക്കാൻ ധൈര്യം ഇല്ലായിരുന്നു. നിന്റെ പെങ്ങമ്മാരെ കാണുന്നത് ഓർത്ത് നിന്റെ മട്ട് കൂട്ടി ഇടിക്കുക ആയിരുന്നു. നിന്റെ ജീവിതത്തിൽ സംഭവിച്ച് കൊണ്ട് ഇരിക്കുന്ന കാര്യങ്ങളെ ഓർത്ത് നീ അസ്വസ്ഥൻ ആയിരുന്നു. ഇന്ന് നീ ഒരുപറ്റം ആളുകളുടെ മുൻപിൽ നിന്ന് നീ തന്നെ എഴുതി ഉണ്ടാക്കിയ പ്രസംഗം പ്രസംഗിച്ച് കൈയടി വാങ്ങി. പ്രശസ്തരായ ആളുകളുടെ കൂടെ ഒരു കുറച്ചിലും തോന്നാതെ വളരെ തന്മയത്വത്തോടെ സംസാരിച്ചു. നിന്റെ ആത്മവിശ്വാസം വളരെ അധികം കൂടി.”

“ഞാൻ കാര്യങ്ങളോട് പൊരുത്തപ്പെട്ട് കൊണ്ട് ഇരിക്കുവാണ്. ഞാൻ ഇപ്പോഴും പഴയ ആദിത്യൻ തന്നെ ആണ്.” ആദിത്യൻ മുരണ്ട്‍ കൊണ്ട് പറഞ്ഞു.

“ആളുകൾക്ക് വെറുപ്പ് തോന്നുന്നത് പോലെ ഉള്ള ഒരു ശതകോടീശ്വരൻ ഒരിക്കലും ആകാതെ നോക്കുക. അഹങ്കാരം ഒന്നും വരാതെ നോക്കുക ആദിത്യ.” പെപ്സി ക്യാൻ അവസാനം തുറന്ന് കൊണ്ട് പ്രിയ പറഞ്ഞു.

“ഞാൻ ബുദ്ധിമുട്ട് അറിഞ്ഞ് വളർന്നവൻ ആണ് എന്തായാലും അങ്ങനെ ആവില്ല.” ആദിത്യൻ ചിരിച്ച് കൊണ്ട് പറഞ്ഞു.

“ഹലോ?. നിങ്ങൾ അവിടെ ഉണ്ടോ?.”

ലക്ഷ്മിയുടെ ഒച്ച കേട്ടപ്പോൾ ആദിത്യൻ വേഗം ഷവറിന്റെ വാതിൽ അടച്ച് ഉള്ളിൽ കാണാൻ പറ്റാത്ത രീതിൽ ആക്കി മാറ്റി.

“ഞാൻ ഷവറിലാണ്.” ആദിത്യൻ ബാത്‌റൂമിൽ നിന്ന് വിളിച്ച് പറഞ്ഞു.

“അകത്തെ വരൂ ലക്ഷ്മി.” പ്രിയ ലക്ഷ്മിയോട് വിളിച്ച് പറഞ്ഞു. കുറച്ച് നിമിഷങ്ങൾക്ക് ശേഷം ലക്ഷ്മിയുടെ പൊട്ടിച്ചിരി ആദിത്യൻ കേട്ടു.

“ചില കാര്യങ്ങൾ ഒരിക്കലും മാറില്ലല്ലോ പ്രിയ.” ലക്ഷിമി പറഞ്ഞു. “എങ്ങനെ ഉണ്ട് നിന്റെ അവസ്ഥ?.”

“നമ്മൾ പണ്ട് ആസ്പെനിൽ ഉണ്ടാക്കിയിരുന്ന സമയം നിനക്ക് ഓർമ്മ ഉണ്ടോ?.” പ്രിയ പതുക്കെ പറഞ്ഞു.

“ശെരിക്കും?. അത്രക്ക് മോശമാണോ?. നീ ഇന്നലെ ശെരിക്കും ഹിറ്റായിരുന്നു.”

“എനിക്ക് എല്ലാം നല്ല ഓർമയുണ്ട് പിന്നെ എങ്ങനെ ആണ് കാര്യങ്ങൾ ഒക്കെ?.”

“ആദിത്യനെ താഴെ ചാർലീസ് തിരക്കുന്നുണ്ട്.” ലക്ഷ്മി പറഞ്ഞു.

“ശെരിക്കും?.” ആദിത്യൻ ഷവറിൽ നിന്ന് വിളിച്ച് ചോദിച്ചു.

“നിന്നെ പിന്നെയും പാട്ടിലാക്കാൻ നോക്കാനായിരിക്കും.” പ്രിയ പറഞ്ഞു.

“അസൂയക്കും കുശുമ്പിനും മരുന്നില്ല.” ലക്ഷ്മി പ്രിയയോട് പറഞ്ഞു.