അവൾ അവനെ പിടിച്ചു ഡ്രസ് ചെയ്യാൻ പറഞ്ഞിട്ട് അവളും കുളിക്കാൻ പോയി.
അവൾ കുളിച്ചു വന്നപ്പോൾ അവൻ ഡ്രസ് ഒക്കെ ചെയ്ത് നിന്നിരുന്നു
” അമ്മു എന്താ നീ ഉദ്ദേശിക്കുന്നത്??”
“ഏട്ടൻ നിക്ക് ഞാൻ ഡ്രസ് ഒന്ന് മാറട്ടെ”
അവൾ അതും പറഞ്ഞ് ഡ്രസ് ഒക്കെ മാറി റെഡി ആയി.
“വ നമുക്ക് പോവാം ”
അവൾ പെട്ടി എടുത്തു വലിച്ചു കൊണ്ട് പുറത്തേക് നടന്നു. പുറകെ അവനും.
അവർ ഇറങ്ങി വരുമ്പോ തന്നെ എല്ലാവരും അവരെ കാത്ത് നില്പുണ്ട് . എന്നാൽ അവൾ ആരെയും മൈൻഡ് ചെയ്തില്ല.
“ചേച്ചി… എവിടെ പോവാ…. പോവല്ലേ…”
ശ്രീദേവി ഓടി വന്നു അവളെ കെട്ടി പിടിച്ചു.
” ഞാൻ പോയിട്ട് വരാം ടി … നീ നന്നായി പഠിക്കണം നിനക്ക് എന്ത് ആവശ്യം ഉണ്ടേലും എന്നെ വിളി കേട്ടോ”
“ചേച്ചി പോവണ്ട ”
അവൾ ചിണുങ്ങി
“ഉടനെ വരുമെടി ഇങ്ങോട്ട് തന്നെ നീ വിഷമിക്കണ്ട”
അവൾ എല്ലാരേം നോക്കി കൊണ്ട് അവളോട് പറഞ്ഞു.
“അച്ചുവേട്ട… പോവല്ലേ”
അവൾ അവന്റെ നേരെയും ചെന്നു.
“ഞങ്ങൾ പോയിട്ട് വരാം മോളെ…എത്രയും പെട്ടെന്ന് വരാം…നീ കരയാതെ ”
അവൻ അവളുടെ കണ്ണുനീർത്തുടച്ചു
അമ്മു വെളിയിലേക്ക് ഇറങ്ങി കാർ ഡിക്കി തുറന്നു പെട്ടി അതിൽ വച്ചു.
“അച്ചുവേട്ട… വാ”
അവൾ വിളിച്ചപ്പോൾ അവൻ ശ്രീദേവിയെ വിട്ട് കാറിലേക്ക് നടന്നു
“അപ്പോ… ഞങ്ങൾ പോകുവാ… ആർക്കും ഇപ്പേരിൽ ഇനി ഒരു പ്രശ്നവും ഉണ്ടാവണ്ടാ … പിന്നെ തിരിച്ചു ഇങ്ങോട്ട് തന്നെ വരും അത് മറക്കണ്ട ആരും ”
അവൾ ആരോട് എന്നില്ലാതെ എല്ലാരെംനോക്കി പറഞ്ഞിട്ട് കാറിലേക്ക് കയറി. കൂടെ അവനും… കാർ പൊടി പറത്തി പടിപ്പുര വിട്ട് പോയി.
