എന്റെ മുഖത്തിന്റെ ഒരു ഭാഗം മരവിച്ചു പോയി…ആ ഭാഗത്തു നല്ല മൂളൽ ഒണ്ട്…
………
അടുത്ത നിമിഷം മറ്റൊരു കൈ എന്റെ മുഖത്തിന്റെ നേരെ വന്നു… എന്റെ മുഖത്തിന്റെ അടുത്ത് എത്തിയപ്പോൾ അത് നിന്നു …അതിന്റെ കാരണം എന്റെ കാൽമുട്ട് ആയിരുന്നു… അത് ആ കൈയുടെ ഉടമസ്ഥന്റെ വയറ്റിൽ തറച്ചിരുന്നു …
അവൻ പുറകോട്ടു മറിഞ്ഞു…
പിന്നീട് അവിടെ എന്നാ ഉണ്ടായതെന്നു എനിക്ക് കൃത്യമായി ഓർമയില്ല
അവര് എന്നെ നിലത്തിട്ടു ചവിട്ടി കൂട്ടി …
പിറ്റേന്ന് പ്രിൻസിപ്പാലിന്റെ മുറിയിൽ വെച്ച് എന്തിനാ തല്ലു ഉണ്ടാക്കിയത് എന്ന് ചോദിച്ചപ്പോൾ പറയാൻ എന്റെകൈയിൽ ഉത്തരം ഇല്ലായിരുന്നു.
എന്നെ റാഗ് ചെയ്തതിനാ…
അതിനു ഞങ്ങൾ എന്നാ പറഞ്ഞെ. തീപ്പെട്ടിക്കൊള്ളൂ അളക്കാൻ അല്ലെ…
അല്ലാതെ നിന്റെ വായിൽ ഹാർപിക് ഒന്നും ഒഴിച്ചില്ലലോ…
സൈലെൻസ്..
…….
പിന്നെ കൂടിയിരുന്ന സാറുമാരും സീനിയർസും പ്രിൻസിപിലും എല്ലാരും ഭയങ്കര ബഹളവായിരുന്നു…
അവിടെ കുറച്ചു ടീച്ചർമാരും ഉണ്ടായിരുന്നു.
അവരുടെ കൂട്ടത്തിൽ ഞാൻ ക്രിസ്റ്റിന മിസ്സിനെ കണ്ടു… അവര് എന്നെയും കണ്ടു… അവരുടെ മുഖത്ത് ദുഃഖവും ദേഷ്യവുമായിരുന്നു…
ഒടുവിൽ ഞാൻ കുറ്റം ഏറ്റു..
അത്…. എന്റെ ഭാഗത്താണ് തെറ്റ്… അവര് എന്നെകൊണ്ട് വലുതായിട്ട് ഒന്നും ചെയ്യിപ്പിച്ചില്ല… കമ്പുകൊണ്ട് അളക്കാൻ പറഞ്ഞതെ ഒള്ളു…ഞാൻ ആണ് ആവശ്യമില്ലാതെ കിരണിനെ തല്ലിയത്… അത് പറയുമ്പിൽ അവന്റെ മൂക്കിൽ ഒരു ബാൻഡ് എയ്ഡ് ഉണ്ടായിരുന്നു….
അതെ അന്ന് ആദ്യം കടന്നു പോയ “ഒരു നിമിഷം” ഇല്ലേ ആ നിമിഷത്തിൽ ഞാൻ അവനെ ഇടിച്ചു…
….
എന്റെ ഭാഗത്താണ് തെറ്റ്.
സോറി കിരൺ
സോറി സർ..
ഇനി ഇങ്ങനൊന്നും ഉണ്ടാവില്ല…
എല്ലാവരും ഒരു നിമിഷം എന്റെ മുഖത്തേക്ക് നോക്കി…
ഞാൻ മുഖം താഴേക്കു താഴ്ത്തി…
…….
ഞാൻ ക്ലാസ്സിലേക്ക് പോവായിരുന്നു…
എന്നെ പുറകിൽ നിന്ന് ജോഹാൻ എന്ന് വിളിച്ചു…
ഞാൻ തിരിഞ്ഞു നോക്കി ക്രിസ്റ്റിന മിസ്സ്‌ ആണ്…
എന്താടാ ഇതൊക്കെ…
അത് ഒന്നുല്ല…
നീ എന്തിനാ അവരുവായിട്ടു വഴക്ക് ഉണ്ടാക്കിയേ… നിനക്ക് എന്തെകിലും പറ്റിയോ…
