ഫോണിൽ കൂടിയുള്ള സംസാരം കേട്ട് അവൻ കിടുങ്ങിപ്പോയി… വീട്ടിൽ പറഞ്ഞാൽ അമ്മ BP കൂടി മരിച്ചുപോകാൻ വരെ സാധ്യതയുണ്ട്…
അച്ഛന്റെ കാര്യവും അങ്ങനെ ഒക്കെ തന്നെ…
അവർ ആരാണ്.. എന്തിനാണ് ചേച്ചിയെ കടത്തി വെച്ചിരിക്കുന്നത്.. പണത്തിനു വേണ്ടി അല്ല എന്നുറപ്പാണ്… വിളിച്ച ആൾ പണത്തെ പറ്റി സൂചിപ്പിച്ചു പോലും ഇല്ല…
അവന് ഒരെത്തും പിടിയും കിട്ടുന്നില്ല.. സുഹൃത്തുക്കൾ ആരോടേലും പറഞ്ഞാലോ…
വേണ്ട.. പോലീസിൽ പറഞ്ഞാൽ പോലും പേടിയില്ല എന്നല്ലേ പറഞ്ഞത്… പെട്ടന്ന് തന്നെ എന്തെങ്കിലും ചെയ്യണം
ചേച്ചി സാധാരണ വീട്ടിലേക്ക് വരുന്ന സമയം ആകുന്നതേയുള്ളു..
അവൻ അമ്മയോട് പറഞ്ഞു… അമ്മേ ചേച്ചി വിളിച്ചിരുന്നു.. കൂട്ടുകാരുടെ ആരുടെയോ കല്യാണം നാളെ നടക്കുന്നുണ്ട്.. എന്നോട് കൂടെ വരാമോ എന്ന് ചോദിച്ചു… ബാങ്കിന്റെ അടുത്തേക്ക് ചെല്ലാനാണ് പറഞ്ഞത്…
ഞാൻ അവളെയും കൂട്ടിയെ വരികയുള്ളു അച്ഛനോട് അമ്മ പറഞ്ഞാൽ മതി…
കൂടുതൽ ഒന്നും വിശദീകരിക്കാൻ നിൽക്കാതെ ഒരു ഓട്ടോ പിടിച്ചു പരുന്തും പാറ അങ്ങാടിയിൽ എത്തി..
അവിടെ ഒരു ജീപ്പ് കാണും.. അതിൽ കയറിയാൽ മതി എന്നാണ് വിളിച്ച ആൾ പറഞ്ഞത്…
ബോസ്സ് ഓട്ടോയിൽ വന്നിറങ്ങുന്നത് ജീപ്പിൽ ഇരുന്ന് കടുക്കൻ ദാമു കാണുന്നുണ്ടായിരുന്നു…
ജീപ്പിന്റെ അടുത്തേക്ക് വന്ന ബോസ്സിനോട് കടുക്കൻ പറഞ്ഞു… കയറടാ…
നിങ്ങൾ ആരാണ്.. നിങ്ങൾ ആണോ എന്നെ വിളിച്ചത്.. എന്റെ ചേച്ചി എവിടെ… എന്തിനാണ് ചേച്ചിയെ പിടിച്ചു വെച്ചിരിക്കുന്നത്…
ഗിയർ ചേയ്ഞ്ചു ചെയ്തു വണ്ടി മുന്നോട്ടു പായിച്ചു കൊണ്ട് കടുക്കൻ പറഞ്ഞു…
ഇങ്ങനെ പുറകെ പുറകെ ചോദ്യങ്ങൾ ചോദിച്ചാൽ എങ്ങിനെ ഉത്തരം പറയാൻ പറ്റും സാറെ.. ഓരോന്നായി ചോദിക്ക്.. എന്നാലല്ലേ പറയാൻ പറ്റൂ..
അന്ന് രാവിലെ ഹേമ ബാങ്കിലേക്ക് പോകാൻ ബസ് സ്റ്റോപ്പിലേക്ക് നടക്കുമ്പോൾ ആണ് ഒരു വാൻ മിന്നൽ പോലെ അടുത്തു വന്നു നിന്നത്.. ഒരു നിമിഷം കൊണ്ട് അവൾ വാനിന്റെ ഉള്ളിലായി..
വിജനമായ നാട്ടു വഴിയിൽ അത് ആരും കണ്ടില്ല.. അവൾ ബഹളം വെയ്ക്കാതിരിക്കാൻ അവളുടെ തന്നെ ചുരിദാറിന്റെ ഷാൾ ചുരുട്ടി വായിൽ തിരുകി വെച്ചു…
