വല്യമ്മാവൻ : തുടങ്ങീട്ടുണ്ടെങ്കി അത് തീർക്കാനും ഞങ്ങക്ക് അറിയാം
സച്ചു എന്നെ ചൂണ്ടി : ഞങ്ങൾ ഇന്നലെ അവിടെ നിന്നപ്പോ അവൻ ആണ് ചൊറിഞ്ഞു വന്നത്
ഞാൻ : ഡാ ഡാ അവിടെ ഉണ്ടായിരുന്നവര് മുഴുവൻ കണ്ടതാ എന്താ ഉണ്ടായത് എന്ന്. ആവശ്യമില്ലാത്തത് പറയാൻ നിക്കല്ലേ വാങ്ങിക്കും നീ
സച്ചു : എന്നാ വാടാ തായോ നീ
എവിടെ നിന്നോ കേറി വന്ന ഷിബു അവന്റെ മുഖത്ത് നോക്കി ഒരെണ്ണം കൊടുത്തു അതോടെ അവിടെ ഉന്തും തള്ളുമായി
അപ്പോഴേക്കും പോലീസുകാർ വന്നു പിടിച്ചു മാറ്റി
എസ് ഐ : എന്താടാ നിനക്കൊക്കെ ഒറ്റ ഒന്ന് പൂരം കാണില്ലാ പറഞ്ഞില്ല എന്ന് വേണ്ട.
എല്ലാവരും ശാന്തരായി അവരുടെ ഇരിപ്പിടത്തിലേക്ക് പോയി കുറച്ച് നേരം ശാന്തരായ ശേഷം എസ് ഐ ചർച്ചയിലേക്ക് കടന്നു ആദ്യം അവരുടെ ഭാഗം പറയാൻ പറഞ്ഞു
സച്ചു വീണ്ടും ഞാൻ ആണ് തുടങ്ങിയത് എന്ന് പറഞ്ഞു.
അപ്പോൾ ഇന്നലെ ഉണ്ടായിരുന്ന പോലീസുകാരൻ : ടാ അവിടെ ഉണ്ടായിരുന്നതാ ഞാനും നീ ഉണ്ടാക്കിയതാ ഇതെല്ലാം ഇനി നീ നുണ പറഞ്ഞാൽ ചന്തി ഞാൻ അടിച്ചു പൊട്ടിക്കും
അതോടെ അവൻ അവിടെ ഇരുന്നു
ഞങ്ങളുടെ സൈഡിൽ നിന്ന് ബാബു ചേട്ടൻ എണീക്കാൻ പോയപ്പോൾ ഞാൻ തടഞ്ഞു
ഞാൻ എസ് ഐയോട് ആയി പറഞ്ഞു : ഇവർക്ക് രണ്ട് പേർക്കും ഇത് വ്യക്തിപരമാണ് അത് അനുവദിച്ചു കൊടുക്കാൻ ആ ദേശക്കാർ ഒഴികെ ആരും തയ്യാറല്ല. കഴിഞ്ഞ കൊല്ലാം ആയാലും ഈ കൊല്ലം ആയാലും തുടങ്ങി വക്കുന്നത് ഇവരാണ് അതിന് വ്യക്തമായ തെളിവുകൾ കഴിഞ്ഞ പ്രാവശ്യം ഞങ്ങൾ ഹാജരാകിട്ടുണ്ട്. ഈ പ്രാവശ്യം നിങ്ങൾ തന്നെ കണ്ടു. ഇനി ഇവർ പ്രശ്നമുണ്ടാക്കിയാൽ. ഇവരുടെ ദേശത്തെ ഉത്സവത്തിൽ പ്രവേശിപ്പിക്കാൻ ഞങ്ങൾക്ക് താല്പര്യമില്ല
