എന്താ മോന്‍റെ ഉദ്ദേശം…. ചിന്നു ചോദിച്ചു….
വേറുതെ എന്‍റെ ഭാര്യയോടൊപ്പം ഇങ്ങനെ നില്‍ക്കാലോ….
അയ്യടാ…. കണ്ണേട്ടാ…. ഇത് കോളേജാ…. പാര്‍ക്കോ ബിച്ചോ അല്ല…. നിന്ന് കൊഞ്ചാതെ പോവാന്‍ നോക്കിക്കേ….
ചിന്നു ഇത്രേയും പറഞ്ഞ് തിരിഞ്ഞ് നടക്കാന്‍ തുടങ്ങി… കണ്ണന്‍ അവളുടെ പിറകെ നടന്നു ഒപ്പമെത്തി….
എന്താ മനുഷ്യാ…. ദേ കുട്ടികളൊക്കെ നോക്കുന്നുണ്ട്….
നോക്കിക്കോട്ടെ…. അതിനെന്താ…. വേറെയാരും അല്ലല്ലോ…. ഭര്‍ത്താവല്ലേ….
അത് അവര്‍ക്കറിയില്ലലോ…. നിന്ന് പുഷ്പിക്കാതെ പോവാന്‍ നോക്ക്….
ഇല്ല…. ഇനി ഞാന്‍ എന്നും ഇവിടെയുണ്ടാവും നിന്റെ കുടെ…..
അയ്യടാ…. എന്തൊരു സ്നേഹം….. ഇത് കോളേജാ…. വീടല്ല….
അതിനെന്താ….
ഒന്നു പോയിതരുമോ…. എന്നെ നാണം കെടുത്താതെ…. ചിന്നു അല്‍പം ദേഷ്യത്തോടെ പറഞ്ഞു…
അതേയ് ഇത് നിങ്ങളുടെ ബെഡ്റൂമല്ല…. കോളേജാണ്…. പിറകില്‍ നിന്നൊരു പരിചിതമായ ശബ്ദം….
ചിന്നുവും കണ്ണനും തിരിഞ്ഞ് നോക്കി…. രമ്യയാണ്….. ഇരുവരും ഒരു ചമ്മിയ ചിരി സമ്മാനിച്ചു…
എന്താ വധുവരന്മാര്‍ക്ക് കോളേജില്‍ ഒരു ചുറ്റിക്കളി…. രമ്യ ചോദിച്ചു….
അല്ല…. ഞങ്ങള്‍ വെറുതെ….. കണ്ണന്‍ തല ചൊറിഞ്ഞുകൊണ്ട് പറഞ്ഞു….
മ്….മ്…. മതി… മതി…. അല്ല… എന്താ കണ്ണേട്ടന്‍റെ ഉദ്ദേശം…. രമ്യ ചോദിച്ചു….
കോളേജിലെന്തിനാ വരുന്നേ…. പഠിക്കാനല്ലേ…. കണ്ണന്‍ രമ്യയോട് ചോദിച്ചു…
അതേ… അതിന് കണ്ണേട്ടന്‍റെ ഡിഗ്രിയോക്കെ കഴിഞ്ഞില്ലേ….
അതെന്താ…. ഡിഗ്രിക്കാര് മാത്രമേ ഈ കോളേജിലുള്ളു…. പിജിക്കാരും ഇല്ലേ….
ങേ…. അപ്പോ… കണ്ണേട്ടന്‍ ഇവിടെ പിജിക്ക് ചേര്‍ന്നോ…. അത്ഭുതതോടെ രമ്യ ചോദിച്ചു…. ചിന്നുവിന്‍റെ അവസ്ഥയും മറ്റൊന്നുമായിരുന്നില്ല…. അവളും അത് കേട്ട് അന്താളിച്ച് നില്‍പ്പാണ്….
ഹാ…. ഇവളില്ലാതെ വളരെ ബോറാണ് വിട്ടില്‍…. അപ്പോ ഞാന്‍ ഇങ്ങ് പോന്നു…. കണ്ണന്‍ ചിന്നുവിനെ ചുണ്ടി പറഞ്ഞു….
രമ്യ ചിന്നുവിനെ നോക്കി…. അവളിപ്പോഴും നേരേത്തെ കേട്ടതിന്‍റെ ഹങോവറിലാണ്….
ഇവളെന്താ ഇങ്ങനെ നോക്കുന്നേ…. ഇവള്‍ക്കറിയില്ലായിരുന്നോ… രമ്യ കണ്ണനോട് ചോദിച്ചു….
ഇല്ല… ഒരു സസ്പെന്‍സിട്ടതാണ്….
ഹാ അതാണ്… പെണ്ണിന്‍റെ കിളി പോയി എന്ന് തോന്നുന്നു… ഹലോ മാഡാം…. രമ്യ ചിന്നുവിനെ തട്ടി വിളിച്ചു….
ചിന്നു സ്വബോധത്തിലേക്ക് തിരിച്ചു വന്നു. അവള്‍ കണ്ണനെ നോക്കി….
ഹലോ മുത്തേ…. ഒരു നോട്ട് ബുക്ക് തരുമോ…. ആദ്യം ദിവസം തന്നെ വെറും കയ്യൊടെ പോവാന്‍ പറ്റുമോ…. കണ്ണന്‍ ചിന്നുവിനോട് ചോദിച്ചു….
അയ്യടാ… പിന്നെന്ത് കണ്ടിട്ടാ ഉടുത്തുരുങ്ങി പോന്നത്…. ഞാനെങ്ങും തരില്ല…. ചിന്നു കട്ടായം പറഞ്ഞു….
അങ്ങനെ പറഞ്ഞ ശരിയാവില്ലലോ…. ഇത്രയും പറഞ്ഞ് കണ്ണന്‍ ചിന്നുവിന്‍റെ ബാഗ് തട്ടിപറിച്ച് വാങ്ങി സിബ് തുറന്ന് ഒരു നോട്ട്ബുക്കെടുത്തു…. പിന്നെ ബാഗ് തിരിച്ചുകൊടുത്തു…
