ജയശങ്കർ ഇത് കേട്ട് രൂക്ഷമായി സ്വന്തം ഭാര്യയെ നോക്കിയ ശേഷം അസ്സഹ്യതയോടെ വസ്ത്രങ്ങളിഞ്ഞു പുറത്തേക്കിറങ്ങി.
സിന്ധു ശരീരത്തിനും മനസിനുമേറ്റ മുറിവിന്റെ ആഘാതത്തിൽ തളർച്ചയോടെ നിലത്തു കിടന്നു.
യോനിയിൽ നീറ്റൽ അനുഭവപ്പെട്ടതും അവൾ കൈകൾ കൊണ്ട് അവിടെ ഇറുകി പിടിച്ചു ഒരു ഗർഭസ്ഥ ശിശുവിനെ പോലെ ചുരുണ്ടു കിടന്നു
ചുണ്ടുകൾ കടിച്ചു പിടിച്ചു അവൾ വിതുമ്പിക്കൊണ്ടിരുന്നു.കണ്ണുനീർ ചാലുപോലെ കവിളിലൂടെ ഒഴുകി.ഇങ്ങനൊരു ജീവിതം കിട്ടിയതിനു വിധിയെ പഴിച്ചുകൊണ്ട് സിന്ധു പതിയെ അബോധാവസ്ഥയിലേക്ക് വീണു.
•••••••••••
മനയുടെ മുറ്റത്തേക്ക് എത്തിച്ചേർന്നതും തണലുള്ള ഭാഗം നോക്കി അനന്തു ബുള്ളറ്റ് കൊണ്ടു വച്ചു.
വണ്ടി ഓഫ് ആക്കി അവൻ അതിൽ നിന്നും പതുക്കെയിറങ്ങി.ചുറ്റുപാടും ഒന്ന് നോക്കികൊണ്ട് അവൻ മനയിലേക്ക് കേറി ചെന്നു.
ദ്രുത ഗതിയിൽ അവൻ സ്വന്തം മുറിയിലേക്ക് എത്തിച്ചേർന്നു.ബാത്‌റൂമിൽ കേറി വിശാലമായ കുളിക്ക് ശേഷം അനന്തു ക്ഷീണത്തോടെ മുറിയിലേക്ക് എത്തി.
ശരീരമാകെ വല്ലാത്ത മടുപ്പും തളർച്ചയുമാണെന്നു അവന് തോന്നി.എങ്കിലും അത് വകവെക്കാതെ നനഞ്ഞ തോർത്ത്‌ സമീപമുള്ള കസേരയിലേക്ക് വലിച്ചെറിഞ്ഞു കിടക്കാനുള്ള വ്യഗ്രതയിൽ അവൻ കട്ടിലിലേക്ക് ആടിയാടി വന്നു.
അപ്പോഴാണ് ബെഡിൽ ദേവൻ അമ്മാവന്റെ ഡയറി അവൻ കണ്ടത്. ഉറക്ക ക്ഷീണം അവന്റെ കൺ പോളകളിൽ ഭാരമായി അനുഭവപെട്ടതും അത് താങ്ങാനാവാതെ അവ പതിയെ അടഞ്ഞു തുടങ്ങി.
എന്നാൽ അനന്തു കണ്ണുകൾ ബലമായി വലിച്ചു തുറന്ന് ഡയറി എടുത്തു കയ്യിൽ പിടിച്ചു. അതിനു ശേഷം അവൻ ബെഡിലേക്ക് നീണ്ടു നിവർന്നു കിടന്നു.
ഡയറിയുടെ താളുകൾ മറിച്ചതും അതിൽ ആലേഖനം ചെയ്തിട്ടുള്ള അരുണിമയുടെ ചിത്രം കണ്ടു അനന്തു ഞെട്ടി ത്തരിച്ചിരുന്നു.
അവൻ ആ ചിത്രത്തിലേക്ക് തന്നെ കണ്ണും നട്ടിരുന്നു.ഒന്നും മനസിലാകാതെ അരുണിമയുടെ ചിത്രത്തിലേക്ക് തന്നെ നോക്കികൊണ്ട് അവൻ സമയം കഴിച്ചു.
സാവധാനം അനന്തു ഒരു കാര്യം മനസിലാക്കി. ഈ ഡയറിയിൽ കാണുന്നത് അരുണിമ അല്ലെന്നും അത് ദേവൻ അമ്മാവന്റെ കാമുകി ആയിരുന്ന കല്യാണിയും ആണെന്ന്..
പക്ഷെ എന്തുകൊണ്ട് ആരും കല്യാണിയെ കുറിച്ച് പറഞ്ഞു തന്നിട്ടില്ലാത്തത് എന്നോർത്ത് അവൻ തല പുകച്ചു.
ദേവൻ അമ്മാവനെ ഒരുപാട് സ്നേഹിക്കുന്ന ലക്ഷ്മിയാന്റിയെ കുറിച്ച് മാത്രേ എല്ലാവർക്കും ഒരുപാട് പറയാനുള്ളൂ..
എന്ത്കൊണ്ട് ആരും കല്യാണിയെ കുറിച്ച് പറയുന്നില്ല? ആർക്കും അവളെ കുറിച്ച് അറിയില്ലേ? ഇനി അങ്ങനെ അഭിനയിക്കുന്നതാണോ?
അങ്ങനെ ഒരുപാട് ചോദ്യങ്ങൾ അവന്റെ മനസിലൂടെ കടന്നു പോയി.എല്ലാറ്റിലുമുപരി ദേവൻ അമ്മാവന്റെ മുഖം തനിക്കും കല്യാണിയുടെ മുഖം അരുണിമയ്ക്കും എങ്ങനെ കിട്ടിയെന്നു ഓർത്ത് അവൻ അതിശയത്തോടെ തലക്ക് കൈ വച്ചു.
പണ്ടത്തെ നാടോടി കഥകളിൽ കേട്ട പോലത്തെ നിഗൂഢതയാണ് തന്റെ ജീവിതത്തിൽ സംഭവിച്ചുകൊണ്ടിരിക്കുന്നതെന്നു അവൻ ചിന്തിച്ചു.
ഡയറിയിൽ ദേവൻ കുറിച്ചിട്ട മുത്തുമണിയെ കാണുന്നത് വരെയുള്ള രംഗം വായിച്ചു മനസിൽ കാണുകയായിരുന്നു അനന്തു.
എല്ലാം കഴിഞ്ഞതും അവൻ സ്തബ്ധനായി നിന്നു. ഈ രംഗങ്ങളൊക്കെ കഴിഞ്ഞ ദിവസങ്ങളിൽ വായിച്ചിരുന്നത് അവന്റെ ഓർമയിൽ വന്നു.
അതുപോലെ ആദ്യമായി ഈ ഡയറിൽ ആ ചിത്രം കാണുമ്പോൾ അത്
