ഇങ്ങനെ ചിന്തിച്ചുകൊണ്ടു ഫാക്ടറിയിൽ വച്ചു തലക്ക് പിറകിൽ കിട്ടിയ പ്രഹരത്തിലൂടെ സമ്മാനമായി ലഭിച്ച വേദനയെ അവഗണിച്ചുകൊണ്ട് അവൻ ബുള്ളറ്റ് തറവാട് ലക്ഷ്യമാക്കി പറപ്പിച്ചു.
റോഡിലെ ഉരുളൻ കല്ലുകളെ തട്ടിത്തെറിപ്പിച്ചു കൊണ്ടു ഹുങ്കാര ശബ്ദത്തോടെ അവന്റെ പടക്കുതിര മുന്നോട്ടേക്ക് കുതിച്ചു.
••••••••••••
തിരുവമ്പാടി മനയുടെ പിറകിൽ ഉള്ള ഔട്ട്‌ഹൌസിൽ ധ്യാനത്തിൽ ഏർപ്പെട്ടിരിക്കുകയായിരുന്നു ജയശങ്കർ.
ചുവന്ന ലങ്കോട്ടിയുമുടുത്ത് ദീർഘമായ ധ്യാനത്തിൽ മുഴുകിയിരുന്ന അയാൾ പതിയെ കണ്ണുകൾ തുറന്നു. അതിനു ശേഷം ചുറ്റുമൊന്നു കണ്ണോടിച്ചു നോക്കി.
ആ സമയം അയാൾക്ക് സമീപം ഉണ്ടായിരുന്ന 3 ദാസിമാർ മന്ദം മന്ദം അയാളിലേക്ക് അടിവച്ചടിവച്ചു നടന്നു വന്നു.
സുന്ദരിമാരായ ആ സ്ത്രീ രത്നങ്ങളെ കണ്ട അയാൾ ആവേശത്തോടെ ധ്യാനത്തിൽ ഇരുന്ന മര ബെഞ്ചിൽ നീണ്ടു നിവർന്നു കിടന്നു.
ഒറ്റ മുണ്ടും ബ്ലൗസും അണിഞ്ഞ നാല്പതു വയസ്സോളം പ്രായമുള്ള അവർ അയാൾ നീണ്ടു നിവർന്നു കിടക്കുന്ന ബെഞ്ചിന് സമീപം വന്നു നിന്നു.
പുറകിൽ തൂങ്ങി കിടക്കുന്ന മുടി മുന്നിലേക്ക് മാറിന് മുകളിലൂടെ മെടഞ്ഞിട്ടുകൊണ്ട് സുന്ദരികളിൽ ഒരുവൾ അയാളുടെ കായമുള്ള ശരീരത്തിലെ വിരിഞ്ഞു നിൽക്കുന്ന പേശികളിലൂടെ പതിയെ വിരലുകൾ ഓടിച്ചു.
മറ്റൊരു സുന്ദരി അയാളുടെ പ്രായാധിക്യം എത്തി നോക്കാത്ത കറുത്ത മുടിയിഴകളിലൂടെ മുല്ലപ്പൂ നിറമുള്ള വിരലുകൾ കൊണ്ട് പതുക്കെ കോതിയൊതുക്കുവാൻ തുടങ്ങി.
ജനൽവിടവിലൂടെ അരിച്ചിറങ്ങിയ സൂര്യ പ്രകാശം അയാളുടെ ശരീരത്തിൽ തട്ടിത്തെറിച്ചു പ്രതിഫലിച്ചു.
വെയിലിന്റെ ഇളം ചൂടും സുന്ദരിമാരുടെ കര ലാളനങ്ങളും അയാളെ സുഖത്തിന്റെ ലാഞ്ഛന പതിയെ കീഴ്പ്പെടുത്താൻ തുടങ്ങി.
മൂന്നാമത്തെ സുന്ദരി അയാൾക്ക് സമീപം വന്നു നിന്ന് അയാളുടെ ബലിഷ്ടമായ കൈകളിലും വയറിലും പതിയെ വിരലുകൾ അമർത്തി ഉഴിയുവാൻ തുടങ്ങി.
മൂന്നുപേരും മത്സരത്തോടെ തങ്ങളുടെ കാമദേവനെ പ്രസാദിപ്പിക്കുവാനായി എന്തിനും പോന്ന പോരാളികളെ പോലെ തയാറായി നിന്നു. മൂന്നാമത്തെ സുന്ദരി മൺപാത്രത്തിൽ നിറച്ചു വച്ചിരിക്കുന്ന വെളിച്ചെണ്ണ പതിയെ ഉള്ളം കയ്യിലേക്ക് ഒഴിച്ചു.
അതിനു ശേഷം അയാളുടെ ഞരമ്പുകൾ വീർത്തുന്തിയ ഭുജങ്ങളിലൂടെ പതിയെ അമർത്തി ഉഴിഞ്ഞു കൊണ്ടിരുന്നു.
അയാളുടെ തലക്കൽ നിന്നിരുന്ന ഒന്നാമത്തെ സ്ത്രീ പതുക്കെ അയാളുടെ കഴുത്തിനു ചുറ്റുമായി വിരലുകൾ അമർത്തിക്കൊണ്ട് മസ്സാജ് ചെയ്തു തുടങ്ങി.
കഴുത്തിൽ നിന്നും തോളിനു ഇരുവശത്തേക്കും ഒരു അഭ്യാസിയെ പോലെ അവൾ വിരലുകൾ കൊണ്ട് ഉഴിഞ്ഞു.
സുഖത്തിന്റെയും ആനന്ദത്തിന്റെയും ഉത്തമ ശൃംഗത്തിലേക്കുള്ള യാത്രയുടെ ആദ്യ പടി എന്ന പോലെ അയാളുടെ കണ്ണുകൾ പതിയെ കൂമ്പിയടഞ്ഞു.
സിഗരറ്റ് പുകച്ചു തീർത്ത അയാളുടെ കറുത്ത ചുണ്ടുകൾ വിറ കൊണ്ടു. ഇതിനോടകം രണ്ടാമത്തെ സുന്ദരി ഉഴിച്ചിൽ പതിയെ അയാളുടെ കാൽവിരലുകളിൽ നിന്നും ആരംഭിച്ചിരുന്നു.
വിരലുകളുടെ ഞൊട്ട പൊട്ടിച്ചുകൊണ്ട് സമർത്ഥമായി അവൾ അയാളുടെ വിരലുകളെ തഴുകി വിട്ടു.ഭുജങ്ങളിലെ ഉഴിച്ചിലിനു പരിസമാപതി വന്നതും അവൾ പതിയെ അവളുടെ പൂപോലെ മൃദുലമായ വിരലുകൾ അയാളുടെ ആകൃതിയൊത്ത വയറിൽ കാളകളെ പോലെ ഉഴുതു മറിച്ചു കൊണ്ടിരുന്നു.
