വില്ലൻ 9

അവളെ ജാക്കറ്റിനുള്ളിലാക്കിയിട്ട് ഞാൻ പതിയെ ആ ജാക്കറ്റിന്റെ സിബ്‌ പൂട്ടി…………..

അവൾ എന്റെ ശ്വാസത്തിന്റെ താളവും ശ്രദ്ധിച്ചുകൊണ്ട് എന്റെ നെഞ്ചിൽ കിടന്നു…………..

ഞാൻ അവളുടെ മുടിയിഴകളിൽ തലോടി………..

നനവാർന്ന ആ മുടിയിഴകളിൽ കൂടി എന്റെ വിരലുകൾ പാഞ്ഞു………….

ഒരു കൈ ഞാൻ അവളുടെ പിൻകഴുത്തിൽ വെച്ചു…………..അവളുടെ മുടികളിൽ നിന്ന് കിട്ടിയ വെള്ളത്തുള്ളികൾ എന്റെ കൈ അവിടെ നിക്ഷേപിച്ചു…………അവൾ പെട്ടെന്ന് ഒന്ന് കുറുകിയിട്ട് പഴയത് പോലെ തന്നെ കിടന്നു…………..

ആ ശക്തമായ മഴയിലും അവളുടെ ഹൃദയത്തിന്റെ താളം ഞാൻ അറിഞ്ഞു…………

അവളുടെ ശരീരത്തിന്റെ തണുപ്പ് ഞാൻ നുകർന്നു………..

പഞ്ഞി പോലുള്ള അവളുടെ ശരീരത്തിന്റെ മാർദ്ദവം ഞാൻ അറിഞ്ഞു…………..

അവളുടെ ശരീരത്തിന്റെ മണം ഞാൻ നുകർന്നു………. അതെന്നിൽ ഒരായിരം പൂക്കൾ വിടർത്തി……….അല്ലാ ഒരായിരം പൂക്കൾ വിടർന്നതിനേക്കാൾ മനം മയക്കുന്ന സുഗന്ധമായിരുന്നു അവളുടെ ശരീരത്തിന്………….

ഞാൻ ഭൂമിയിൽ അല്ലാ എന്ന് പോലും എനിക്ക് തോന്നിപോയി…………….

സർവചരാചരങ്ങളും അവരുടെ സംഗമത്തിൽ ആശ്ചര്യപ്പെട്ടു…………..

ചിലർ അതിൽ അസൂയ പൂണ്ടു…………..

പ്രണയം ഏതൊരു ചെകുത്താനെയും മനുഷ്യനാക്കും………….

അവർ ആ മഴ തോരുന്നത് വരെ അങ്ങനെ നിന്നു………..

മഴ തോർന്നിട്ടും വിട്ടുമാറാനാകാത്ത ഇണക്കുരുവികളെ പോലെ അവർ കുറച്ചുനേരം കൂടി അങ്ങനെ കെട്ടിപ്പിടിച്ചു നിന്നു…………..

കുറച്ചുകഴിഞ്ഞ് ഷാഹി അവന്റെ മുഖത്തേക്ക് തലയുയർത്തി നോക്കി………….

സമർ ജാക്കറ്റിന്റെ സിബ് അഴിച്ചു…………

അവൾ അവനിൽ നിന്നും വിട്ടുമാറി…………

സമർ വണ്ടിയുടെ അടുത്തേക്ക് നടന്ന് സീറ്റിലെ വെള്ളം കളഞ്ഞു…………..

എന്നിട്ട് വണ്ടി സ്റ്റാർട്ടാക്കി……….ഷാഹി കയറി………….അവർ തിരിച്ചു വീട്ടിലേക്ക് പോയി……………

ദിനങ്ങൾ പിന്നെയും കടന്നു പോയി…………വലിയ മാറ്റങ്ങളൊന്നും വരുത്താതെ……………..

ഇതിനോടകം തന്നെ സമറും ആനിയും കാർത്തിയും ജോണിയും എന്റെയും അനുവിന്റെയും ഗായുവിന്റെയും ബെസ്റ്റ് ഫ്രണ്ട്സ് ആയി കഴിഞ്ഞിരുന്നു…………..

അതിനിടയിൽ അനുവിന്റെ ബർത്ത് ഡേ കടന്നുവന്നു………….