🌷 വിധുമുഖി 🌹

അവിടെ നിന്നും നേരെ ഞാൻ സണ്ണിയുടെ വീട്ടിലേക്ക് ചെന്നു. അവനെ അവന്റെ വീട്ടിലേക്ക് ഡ്രോപ്പ് ചെയ്തപ്പോ അവന്റെ പെങ്ങളൂട്ടി ശില്പ എന്നോട് ഹായ് പറഞ്ഞു. ഞാൻ അവളോട് കുറച്ചു നേരം സംസാരിച്ചിട്ട് വീട്ടിലേക്ക് തന്നെ ഇറങ്ങി.

ഇനി 4 ദിവസം മാത്രം! വീട്ടിലെത്തിയതും, സെക്‌യൂരിറ്റി ശാന്തൻ ചേട്ടൻ എനിക്കൊരു കത്തുനീട്ടികൊണ്ട് കള്ള ചിരി ചിരിച്ചു.

“പിള്ളേരാണോ തന്നത്..?!” ഞാൻ അത് വാങ്ങിക്കൊണ്ട് ചോദിച്ചു.

“ഉഹും, ഇന്ന് രണ്ടു പെൺകുട്ടികളാണ് വന്നത് മോനെ…”

“എഹ്??!!!! എപ്പോ എത്രമണിക്ക്?” ഞാൻ എക്സൈയ്റ്റ്മെന്റ് കൊണ്ട് ശ്വാസം വിടാതെ ചോദിച്ചു.

“10 മിനിറ്റ് മുന്പാണെന്നു തോന്നുന്നു. ഞാൻ ചായ കുടിച്ചിട്ട് ഗേറ്റിൽ വന്നിരിക്കുമ്പോ അവർ ഗേറ്റിൽ വെച്ചിട്ട് പോകാൻ തുടങ്ങുകയായിരുന്നു…!”

“ചേട്ടൻ ആ കുട്ടിയെ കണ്ടോ.?!”

“കണ്ടു..!” ശാന്തൻ ചേട്ടന്റെ മുഖത്തെ ചിരി മതിയായിരുന്നു അവളെ കാണാൻ എങ്ങനെയുണ്ടായിരുന്നു എന്നെനിക്ക് ചോദിക്കേണ്ടി വണ്ടില്ല.! ശാന്തൻ ചേട്ടനും അറിയാം ഇതിന്റെ അകതെന്താണ് എന്ന്.!

വീട്ടിലേക്ക് വേഗം നടന്നു, മുൻവശത്തെ ഹാളിലേക്കു കയറുന്നേരം വസുധമ്മ എന്റെ കൈയിലെ കത്ത് കണ്ടപ്പോൾ പറഞ്ഞു.

“കഴിഞ്ഞ മാസം ഒരൂസവും ഈ കുട്ടി തന്നെയാണ് വന്നത്.”

“എന്നിട്ടെന്നതാ വസുധാ നേരത്തെയത് പറയാഞ്ഞേ…!!!”

“ഓഹ് നല്ല സ്നേഹം ആണല്ലോ, വസുധ എന്നൊക്കെ!!!”

“പറ അമ്മക്കുട്ടി” ഞാൻ അമ്മയുടെ കവിളിൽ കൈകൊണ്ടു അമർത്തിപ്പിച്ചി.

“നോവുന്നു ചെക്കാ…..!!”

“നോവട്ടെ… പറ സുന്ദരിക്കുട്ടി…”

“നിനക്കാദ്യം ഈ കത്തുകൊണ്ട് വരുമ്പോഴേ കലി ആയിരുന്നല്ലോ.. പിന്നെ ഞാനെന്തിനാ വെറുതെ… അതുകൊണ്ട് പറഞ്ഞില്ല…”

ഞാനതിനു മറുപടിയായി തല താഴ്ത്തിയപ്പോൾ……

“ഡാ മാത്തൂ പക്ഷെ…. നിനക്കിഷ്ടപെടുന്ന ടൈപ്പ് പെൺകുട്ടി ഒന്നും അല്ലാലോ… ഇച്ചിരി നിറമൊക്കെ കുറവാണല്ലോ…”

പക്ഷെ അത് കേട്ടിട്ടും എന്റെ നെഞ്ച് ഒരിഞ്ചു പോലും കുലുങ്ങിയില്ല!! കാരണം അത്രമേൽ അവളുടെ പ്രണയമെന്നെ കീഴടക്കിയിരുന്നു….

“ഹെഹെ ചുമ്മാ പറഞ്ഞതാ മാത്തൂ…കൊച്ചു നല്ല ക്യൂട് ആയിരുന്നു, ഞാൻ അവളെ അന്ന് അകത്തേക്ക് വിളിച്ചപ്പോ അവൾ വേഗം ഇതും തന്നിട്ട് ഓടിക്കളഞ്ഞു. അവളുടെ കൂടെ മറ്റേ പെൺകുട്ടി സ്‌കൂട്ടിയിൽ ഇരിപ്പായിരുന്നു….”

പ്രസവിച്ച മകനല്ലെങ്കിൽ കൂടി, മകനൊരു പ്രണയം ഉണ്ടായി കാണാൻ ആഗ്രഹിക്കുന്ന അമ്മയെലോകത്തെവിടെയെങ്കിലും കണ്ടിട്ടുണ്ടോ !?? എന്ന് ഞാനാലോചിച്ചുകൊണ്ട് അമ്മയുടെ തോളിൽ കയ്യിട്ടുകൊണ്ട് അമ്മയുടെ ഒപ്പം സോഫയിലേക്കിരുന്നു.