രേഖ സ്കൂളിൽ പഠിപ്പിക്കാൻ പോകുന്നത് ഒരു പുതുതലമുറയെ വാർത്ത് എടുക്കാൻ ഉള്ള വെമ്പൽ കൊണ്ട് ഒന്നും അല്ലായിരുന്നു, അവൾക്കു സൊറ പറഞ്ഞ് ഇരിക്കാൻ കൂടെ ജോലി ചെയ്തിരുന്ന കുറച്ച് ടീചെര്മാരെ കിട്ടുമല്ലോ എന്ന ഉദ്ദേശത്തോട് കൂടി തന്നെ ആണ്.കുക്കിംഗ്‌ വീഡിയോസ് ഒക്കെ കാണുമെങ്കിലും രേഖ പ്രഭാത ഭക്ഷണമാത്രമേ ഉണ്ടാക്കിയിരുന്നുള്ളു, ഉച്ചക്കും രാത്രിയും ഉള്ള ഭക്ഷണം അവൾ സ്കൂളിൽ നിന്നു എടുക്കുമാർന്നു. അവധി ദിനങ്ങൾ മാത്രം തന്റെ പരീക്ഷണങ്ങൾ അവൾ നടുത്തുമായിരുന്നുള്ളു.
അങ്ങനെ ഒരു പതിവ് വർക്കിംഗ്‌ ഡേ.
അപ്പു രാവിലെ എഴുന്നേറ്റ് ബ്രെഷും ഫോണും എടുത്ത് സ്വിച്ച് ഓൺ ആക്കി മെല്ലേ ഹാളിൽ ഇരുന്ന് തന്റെ സ്റ്റോറി എത്രപേർ കണ്ട് എന്ന ഒരു വെമ്പലിൽ അവൻ അതിലേക്കു മിഴിച്ചിരുന്നു.
രേഖ കാപ്പി ഉണ്ടാക്കി, മേശപ്പുറത്തു വച്ചശേഷം എന്നത്തേയും പോലെ അവനെ അത് ഓർമിപ്പിച്ചു. ശേഷം തന്റെ തന്റെ അടുക്കള ജോലിയും തൂപ്പും തുടപ്പും കുളിയും കഴിഞ്ഞ് മെല്ലേ തന്റെ റൂമിലേക്ക്‌ പോയി, അതേ സമയം തന്റെ മകൻ ആ കാപ്പി കുടിക്കാൻ എത്തിയോ എന്നും അവൾ ശ്രെദ്ധിച്ചിരുന്നു.
സമയം അധികം അതിക്രമിച്ചു അപ്പു അപ്പോഴാണ് അത് ശ്രദ്ധിച്ചത് സമയം 8.30 ആയിരിക്കുന്നു സാധാരണ ഈ സമയം അവൻ ഡ്രസ്സ്‌ ഇട്ട് ഇറങ്ങേണ്ട സമയം ആണ് പക്ഷേ ഇപ്പോൾ താൻ തന്റെ പ്ലേറ്റ് ന് മുമ്പിൽ തന്നെ ആണ്. അവൻ വേഗം തന്റെ പ്രഭാത കർമ്മങ്ങൾ ചെയ്തു എല്ലാം വേഗം തട്ടി കൂട്ടി കോളേജിലേക്ക് പോയി. കോളേജിൽ എത്തിയ അവൻ അപ്പോഴാണ് അത് ഓർത്തത്‌ താൻ വൈഫൈ ഓഫ്‌ ചെയ്തിട്ടില്ലാരുന്നു.
രേഖ അപ്പോഴേക്കും സ്കൂളിൽ എത്തിയിരുന്നു.അവൾ ജോലിയിൽ ഏർപ്പെട്ടു.പതിവ് തെറ്റിച്ച് അന്ന് നല്ല മഴ പെയ്തു പോരാത്തതിന് നല്ല ഇടിയും. മഴ ഇടക്ക് ഒന്ന്‌ തോർന്നപ്പോ തന്നെ കുട്ടികളെ വിട്ടു. പക്ഷെ മഴ പിന്നെയും ശക്തമായി, വൈദുതി നിലച്ചു. പതിവിലും നേരത്തെ അവൾ വീട്ടിൽ എത്തി, അപ്പോഴാണ് അവൾ ഒരു കാര്യം ശ്രദ്ധിച്ചത് അപ്പുവിന്റെ മുറിയിൽ നിന്നു വെള്ളം ഒഴുകുന്നു, അവിടെ കേറി നോക്കിയ അവൾ ഞെട്ടി അവൻ ആ ജനലുകൾ അടച്ചിരുന്നില്ല അതേ തുടർന്നു ആ മഴവെള്ളം അവന്റെ ബെഡിലും അവിടുത്തെ ടേബിളിലും തറയിലും മുഴുവൻ നിറഞ്ഞിരുന്നു.
