ആദി : പാവം കൊച്ചോ
അമ്മ : നീ വിളിച്ചപ്പോൾ കൂടെ ഇറങ്ങി വന്ന അതിനെ പാവമെന്നല്ലാതെ പിന്നെന്ത്‌ വിളിക്കാനാടാ
ആദി : അമ്മേ…
അമ്മ : എന്തിനാടാ കിടന്ന് കീറുന്നെ പോയി കിടക്കാൻ നോക്ക് പിന്നെ എന്റെ ഒരു കണ്ണ് എപ്പോഴും ഈ റൂമിലോട്ട് തന്നെ ഉണ്ടാകും എന്റെ മോന് ഞാൻ പറഞ്ഞത് പിടികിട്ടികാണുമല്ലോ അല്ലേ
ആദി : ഓഹ് പിടികിട്ടി ഒരു കണ്ണാക്കുന്നതെന്തിനാ രണ്ട് കണ്ണും വെച്ചോ വേണമെങ്കിൽ ഒരു പൂട്ട് വാങ്ങി പുറത്ത് നിന്ന് പൂട്ടിക്കൊ
അമ്മ : അതൊക്കെ നമുക്ക് ആലോചിക്കാം മോൻ പോയി കിടക്കാൻ നോക്ക്
ഇത് കേട്ട ആദി പതിയെ റൂമിലേക്ക് നടന്നു
പിറ്റേന്ന് രാവിലെ
ആദി : അമ്മേ ഞങ്ങൾ ഇറങ്ങുവാണേ രൂപേ വേഗം വാ..
ആദി തന്റെ ബാഗുഗുമായി വീടിനു പുറത്തേക്കിറങ്ങാൻ തയ്യാറായി
അമ്മ : ടാ നിങ്ങൾ എങ്ങനെയാ പോകുന്നെ
ആദി : ഞങ്ങൾ ബൈക്കിൽ പൊക്കൊളാം അമ്മേ
അമ്മ : അങ്ങനെ ഞങ്ങൾ ഇപ്പോൾ പോകണ്ട നീ ബൈക്കിൽ പൊക്കൊ ഇവള് ബസിൽ വന്നോളും
ആദി : ബസിലോ ഇവൾക്ക് അതൊന്നും ശീലമില്ല
അമ്മ : ആര് പറഞ്ഞു ഇവള് സ്ഥിരമായി ബസിലാ പോകുന്നത് എന്നാണല്ലൊ എന്നോട് പറഞ്ഞത്
ഇത് കേട്ട ആദി പതിയെ രൂപയെ ഒന്ന് നോക്കി
അമ്മ : എന്തിനാടാ അതിനെ നോക്കി പേടിപ്പിക്കുന്നെ ഞാൻ എങ്ങനെയെങ്കിലും പ്രശ്നങ്ങൾ പരിഹരിക്കുവാൻ നോക്കുവാ അതിനിടയിൽ ഒന്നിച്ചു പോയി ആളുകളെ കൊണ്ടു ഓരോന്ന് പറയിക്കണ്ട അതിനൊക്കെ ഒരുപാട് സമയം ബാക്കിയുണ്ട്
ഇത്രയും പറഞ്ഞു അമ്മ രൂപയുടെ കയ്യിൽ കുറച്ചു പൈസ വച്ചു കൊടുത്തു
അമ്മ : ഇത് പിടിക്ക് ബസിന് കൊടുക്കാനാ
രൂപ : എന്റെ കയ്യിൽ ഉണ്ടമ്മേ
അമ്മ : അതവിടെ തന്നെ ഇരിക്കട്ടെ, ടാ ആദി എന്നാൽ നീ വിട്ടോ ഇവള് പുറകേ വന്നോളും
