ആദി : ആദ്യം നീ ഇത് പറ ഇവിടെയെന്താ പരുപാടി
രൂപ : നിനക്ക് കണ്ടൂടെ മനുഷ്യനായാൽ അല്പം വൃത്തി വേണം എല്ലാം കാട് പോലെ ഇട്ടിരിക്കുകയാ
ആദി : നിന്നെക്കൊണ്ട് തോറ്റല്ലൊടി ഇവിടെയിരുന്ന എന്റെ പ്ലേയറും ഡ്രില്ലുമെല്ലാം എവിടെ
രൂപ : എല്ലാം ആ ബോക്സിലോട്ട് മാറ്റിയിട്ടുണ്ട് എന്താ തമസിച്ചത് അത് പറ
ആദി : കുറച്ചുപേരെ കാണാൻ ഉണ്ടായിരുന്നു
രൂപ : നീ വൈകിയപ്പോൾ ഞാൻ ആകെ പേടിച്ചു
ആദി : എന്തിന്
രൂപ : നീ മാമന്റെ വീട്ടിലെങ്ങാൻ പോയോ വീണ്ടും പ്രശ്നം വല്ലതുമായോ ഇതൊക്കെയായിരുന്നു എന്റെ മനസ്സിൽ
ആദി : ഞാൻ കൂട്ടുകാരെയൊക്കെ ഒന്ന് കാണാൻ പോയതാടി അല്ലാതെ ഒന്നുമില്ല പിന്നെ ദാ പിടിക്ക്
ഇത്രയും പറഞ്ഞു ആദി മറച്ചു പിടിച്ചിരുന്ന പൊതി രൂപക്ക് നേരെ നീട്ടി
ആദി : പിന്നെ പറയുമ്പോൾ എല്ലാം വ്യക്തമായി പറയണം ഏത് കമ്പനി ഏത് സൈസ് ഇതൊക്കെ ഞാൻ എങ്ങനെ അറിയാനാ അവസാനം(പാഡ് )റെഗുലർ വാങ്ങി ഇത് മതിയോ
രൂപ : ഉം മതി രൂപ പതിയെ പൊതി കയ്യിലേക്ക് വാങ്ങി
പിറ്റേന്ന് രാവിലെ
ആദി : അമ്മേ ഇന്നിവളെ ഞാൻ കൊണ്ട് പൊക്കൊട്ടെ വെറുതെ എന്തിനാ ബസിന് പൈസ കളയുന്നത്
അമ്മ : ടാ ആരെങ്കിലും കണ്ടാൽ
ആദി : ആരെങ്കിലും കണ്ടാൽ എന്താ മാമൻ അറിയും എന്നായിരുന്നല്ലേ പേടി അതെന്തായാലും കഴിഞ്ഞില്ലേ
രൂപ : ഞാൻ ബസിൽ വന്നോളാം ആദി
ആദി : നീ മിണ്ടാതിരുന്നേ… അമ്മേ ബസിലൊക്കെ നല്ല തിരക്കാ പിന്നെ ചിലവമ്മാർ നിർത്തുകയുമില്ല
അമ്മ : ഇവനെക്കൊണ്ട് ശെരി കൊണ്ട് പൊക്കൊ പക്ഷെ അതികം സ്പീഡ് ഒന്നും വേണ്ട
ആദി : ഇല്ലമ്മേ പയ്യേ പോകു രൂപേ വന്ന് കയറ്
