ആദി വേഗം അവളുടെ അടുത്തേക്ക് എത്തി
ആദി : നിന്റെ മുഖത്ത്‌ ഇതെന്താടി പറ്റിയത്
രൂപ : ഞാൻ ഇന്നലെ പറഞ്ഞല്ലോ ഒന്ന് വീണു
ആദി : കോപ്പ് ഇതാണോ നീ വലുതായി ഒന്നും പറ്റിയില്ല എന്ന് പറഞ്ഞത് അവിടെ മുഴുവൻ നീര് വെച്ച് ഇരിക്കുവാണല്ലോടി നീ ഹോസ്പിറ്റലിൽ വല്ലതും പോയോ
രൂപ : അതൊക്കെ പോയി അല്ല നീ എന്തിനാ ഇങ്ങനെ കിടന്ന് പിടക്കുന്നത്
ആദി : പിടക്കാതെ പിന്നെ ആദ്യമേ കാണാൻ കൊള്ളില്ല ഇത് കൂടിയായപ്പോൾ പൂർത്തിയായി എല്ലാവരുടേയും മുന്നിൽ നീ എന്റെ കാമുകി അല്ലേ ഈ കോലത്തിൽ നിന്നെ കാമുകിയാണെന്ന് പറയാൻ എനിക്കിത്തിരി ബുദ്ധിമുട്ട് ഉണ്ട്
രൂപ : എന്റെ കയ്യിൽ നിന്ന് എന്തെങ്കിലും വാങ്ങിച്ചു കൂട്ടാതെ പോകാൻ നോക്ക് ആദി അവന്റെ ഒരു അളിഞ്ഞ കോമഡി
ആദി : അതിന് ആര് കോമഡി പറഞ്ഞു ഞാൻ സത്യമാ പറഞ്ഞത്
പെട്ടെന്നാണ് ഒരു ബസ് അവിടെ കൊണ്ട് നിർത്തിയത് രൂപ ബസിൽ കയറാതെ അവിടെ തന്നെ നിന്നു രൂപയെ ഒന്ന് നോക്കിയ ശേഷം ആദിയും
ബസ് പതിയെ അവിടെ നിന്ന് മുന്നോട്ട് എടുത്തു
രൂപ : നീ എന്താ ബസിൽ കയറാത്തത്
ആദി : നീ എന്താ കയറാത്തത്
രൂപ : നീ അതിലെ തിരക്ക് കണ്ടില്ലേ ഈ നീരും വെച്ച് ചെന്ന് കേറികൊടുത്താൽ നന്നായിരിക്കും ഞാൻ സീറ്റ്‌ ഉള്ള ബസ് നോക്കി നിക്കുവാ നിനക്ക് പ്രശ്നം ഒന്നും ഇല്ലായിരുന്നല്ലോ നിനക്കതിൽ കയറി കൂടായിരുന്നോ
ആദി :കയറാമായിരുന്നു പക്ഷെ എനിക്കും ഇന്നെന്തോ നിന്ന് യാത്ര ചെയ്യാൻ ഒട്ടും താല്പര്യം തോന്നുന്നില്ല സീറ്റ്‌ ഉള്ള ബസ് വരട്ടെ എന്നിട്ട് കയറാം
ഇത് കേട്ട രൂപ പതിയെ ചിരിച്ചു
പിന്നെയും ഒന്ന് രണ്ട് ബസുകൾ കൂടി കടന്നു പോയി എല്ലാത്തിലും നല്ല തിരക്കും ഉണ്ടായിരുന്നു
രൂപ : ദൈവമേ എല്ലാത്തിലും നല്ല ആളാണല്ലോ ടാ നീ ഏതിലെങ്കിലും കയറി പോ സമയം ഒരുപാടായി
ആദി : ഉപദേശം ഒന്നും വേണ്ട എനിക്കറിയാം ഏതിൽ പോകണമെന്ന് നീ നിന്റെ കാര്യം നോക്ക് 😏
