അവളുടെ അച്ഛൻ ബാലകൃഷ്ണനും തൻ്റെ മകളുടെ സന്തോഷത്തിന് മുകളിൽ ഒന്നും ആലോചിക്കാൻ ഇല്ലായിരുന്നു. ഇതിനകം തന്നെ അരുൺ സ്വന്തമായി പ്രാക്ടീസ് തുടങ്ങുകയും ജോണിൻ്റെ കമ്പനി വക്കീൽ ആവുകയും ചെയ്തിരുന്നു.
ഒരു ദിവസം അരുൺ ആരതിയും ആയി ഒരു ട്രിപ്പ് പോകുവാൻ തീരുമാനിച്ചു. അർജുൻ വരുന്നുണ്ടോ എന്ന് ചോദിച്ചിരുന്നു എങ്കിലും അവൻ എന്തോ ജോലി തിരക്ക് കാരണം എത്താൻ പറ്റിയിരുന്നില്ല.
പക്ഷേ ആ യാത്ര അവരുടെ ജീവിതം തന്നെ നശിപ്പിക്കും എന്ന് അപ്പൊൾ അവർ അറിഞ്ഞിരുന്നില്ല.
കമ്പം തേനി കറങ്ങി തിരിച്ചുവരാൻ ആയിരുന്നു അവരുടെ പ്ലാൻ . അങ്ങനെ അവർ യാത്ര ആരംഭിച്ചു ആദ്യ ദിവസം നേരെ ഇടുക്കി പോയി അവിടെ സ്റ്റേ ചെയ്തു. അവരുടേതായ സ്വകാര്യ നിമിഷങ്ങൾ നല്ലപോലെ എൻജോയ് ചെയ്യുവാൻ അവർക്ക് സാധിച്ചു എന്ന് വേണം എങ്കിൽ പറയാം. പിറ്റെ ദിവസം രാവിലെ ആണ് അവർ നേരെ തേനിക്ക് പുറപ്പെട്ടത്. പോവുന്ന വഴിക്ക് ഒരു വനമേഖലയിൽ വെച്ച് ഒരു പെൺകുട്ടി എന്തോ കണ്ട് പേടിച്ച പോലെ അവരുടെ വണ്ടിക്ക് വട്ടം ചാടിയത്. ആ കുട്ടിയുടെ അപ്പോഴത്തെ അവസ്ഥ മനസ്സിലായ അരുൺ അവളെ തങ്ങളുടെ വണ്ടിയിൽ കയറ്റി യാത്ര തുടർന്നു.
പോവും വഴിയിൽ എന്താണ് സംഭവിച്ചത് എന്നും അവൻ അവളോട് ചോദിച്ചു മനസിലാക്കി
ദൂരേ എവിടെയോ ഉള്ള ഒരു സ്ഥലത്തിൻ്റെ പേര് അവള് തമിഴിൽ പറഞ്ഞു.അവളുടെ വീട് അവിടെ ആണെന്നും ആരൊക്കെയോ അവളെ തട്ടിക്കൊണ്ട് വന്ന് നശിപ്പിക്കാൻ ശ്രമിച്ചു എന്നും അവർ പിന്നാലെ ഉണ്ട് എന്നും ആണ് അവള് പറഞ്ഞത് എന്നാല് അവള് അത് പറഞ്ഞു തീരും മുൻപ് തന്നെ തങ്ങളുടെ വണ്ടിയിൽ വേറെ ഒരു വണ്ടി വന്ന് ഇടിക്കുകയും ഞങ്ങളുടെ വണ്ടി മറിയുകയും ചെയ്തു. ഇടിയുടെ ആഘാതത്തിൽ ബോധം പോയ അരുൺ കണ്ണ് തുറക്കുമ്പോൾ കാണുന്നത് ജോണിനെ ആയിരുന്നു. എന്നാല് കൈകൾ രണ്ടും കെട്ട പ്പെട്ട അവസ്ഥയിൽ ആയിരുന്നു അവൻ അപ്പൊൾ.
ജോൺ: അരുൺ നിന്നോട് എനിക്ക് യാതൊരു വിധ വിരോധവും ഇല്ല പക്ഷെ നിൻ്റെ കൂടെ ഉണ്ടായിരുന്ന അവള് അവളെ എനിക്ക് വേണം. അവള് എവിടെ?
