“ഇവിടെ ആണെങ്കിൽ വായനോക്കി നാട്ടുകാരെ സഹിക്കാൻ പറ്റുന്നില്ല.സ്കൂളിൽ ആണെങ്കിൽ പിള്ളേരെ നോട്ടം സഹിക്കാൻ വയ്യാ.. എന്തൊരു കഷ്ടമാ ഇത്.”
ചായ ഉണ്ടാക്കി ബെഡ്‌റൂമിൽ കൊണ്ടുപോയി ഉറങ്ങുന്ന ഭർത്താവിനെ എണീപ്പിച്ച് ചായ കൊടുത്ത് അടുത്ത മുറിയിൽ കിടക്കുന്ന അവരുടെ മകനെ എണീപ്പിച്ച് ബാത്ത്റൂമിൽ പോയി കുളിപ്പിച്ച് യൂണിഫോം ഇട്ട് മൂടിയൊക്കെ ചീകി കുട്ടപ്പൻ ആക്കി നിർത്തി.
“ദിവ്യാ…. ദിവ്യാ… എന്റെ തോർത്ത്‌ എടുത്ത് ത്താ…”
വേഗം പോയി റൂമിൽ നിന്ന് തോർത്ത്‌ എടുത്ത് വാതിൽ തുറന്ന് കൈ നീട്ടിയ രമേഷിന് കൊടുത്തു.
“കുളിക്കാൻ പോവുമ്പോൾ ഇതൊക്കെ എടുത്ത് കൊണ്ടെക്കൂടെ ഇവിടെ നൂറ് കൂട്ടം പണിയുള്ളപ്പോഴാ..”
“പിന്നെ ഒരു പണിക്കാരത്തി ”
രമേശ് ശരീരം തോർത്തി പുറത്തു വന്നപ്പോൾ ദിവ്യ സാരീ ഉടുക്കുകയാണ്.വേഗം തന്നെ ദിവ്യ ഇസ്തിരി ഇട്ട് വച്ചിരിരുന്ന തന്റെ ഷർട്ടും പാന്റും ധരിച്ച് ബെഡ്‌റൂമിനുള്ളിൽ നിന്ന് ഇറങ്ങി ഭക്ഷണം കഴിച്ചു കഴിഞ്ഞപ്പോൾ തന്റെ ഭാര്യയെ നോക്കി.
“എടീ… കഴിഞ്ഞില്ലേ.. ലേറ്റ് ആയി വേഗം ഇറങ്ങാം”
കുറച്ചു സമയം കഴിഞ്ഞിട്ടും വരാറായാപ്പോൾ അവളെ വിളിക്കാൻ റൂമിനുള്ളിൽ ചെന്നു.
“എന്തോന്നാടീ ഇത് ഇതു വരെ കഴിഞ്ഞില്ലേ.. ”
“ദേ… കഴിഞ്ഞു ഏട്ടാ.. ഞാനീ സൂചിയൊക്കെ ഒക്കെ കുത്തട്ടെ…”
“എടീ.. എന്തോരം സൂചിയാ നീ ഈ കുത്തുന്നെ ഇതിനൊക്കെ ഒരു പരിധി ഇല്ലെടി”
“ഉമ്മ്… ഏട്ടന് അങ്ങനെ പറഞ്ഞാൽ മതി.പിള്ളേര് ഒരു ചെറിയ ഗാപ്‌ കിട്ടിയാൽ മതി അതിനുള്ളിൽ കൂടി നോക്കി വെള്ളം ഇറക്കി ഇരിക്കാൻ അങ്ങനെ ഇപ്പൊ എന്റെ ഒന്നും കാണണ്ട. അതിനാ ഇങ്ങനെ പുതച്ചു മൂടി സൂചി കുത്തി വക്കുന്നെ ”
“ഓഹ്.പിന്നെ… നിന്നെ ഇപ്പൊ ആരാ ഇങ്ങനെ നോക്കാൻ”
“പിന്നെ… പണ്ട് ഇങ്ങനെ ഒന്നും ആയിരുന്നില്ലല്ലോ…? എന്നെ കാണാൻ കാവ്യമാധവനെ പോലെ ഉണ്ടെന്നൊക്കെ പറഞ്ഞു തള്ളി വിട്ടിരുന്നതാണല്ലോ..”
“അതു പണ്ടല്ലേ….. ഹഹഹഹഹ”
“ഒന്ന് പോ എന്റെ ഏട്ടാ…രാവിലെ തന്നെ ചൊറിയാൻ നിൽക്കാതെ”
“ആ.. ശരി നീ വേഗം വാ… സമയായി”
രമേശ് മോനെയും കൊണ്ട് പുറത്തിറങ്ങി കാറിനുള്ളിൽ കയറി ദിവ്യയെ കാത്തിരുന്നു. അധികം വൈകാതെ അവളും വീട്ടിൽ നിന്നും ഇറങ്ങി വന്ന് കാറിൽ കയറി ഇരുന്നു.കാർ സ്കൂളിലേക്ക് വച്ചു പിടിച്ചു.
