അമ്മയാണെ സത്യം 9
Ammayane Sathyam Part 9
[ Previous Part ]

“കണ്ണാ…നമുക്ക് ഒരു യാത്രപോയാലോ..”

രാവിലെ ചായകുടിക്കുന്നതിനിടയിലാണ് രേവതി ഇത് പറഞ്ഞത്.
കേട്ടപ്പോൾ അവനും ഉത്സാഹമായി.
“പോവാല്ലോ…എവിടേക്കാണമ്മേ ?”
“അമ്മേടെ തറവാട് വരെ…”
“അവിടെന്താ വിശേഷം..?”
“വിശേഷമൊന്നുമില്ല കണ്ണാ…അമ്മയെ കാണണം എന്നൊരു തോന്നൽ..”
കേട്ടത് വിശ്വസിക്കാൻ അവാത്തതുപോലെ അവൻ അമ്മയെ നോക്കി. കാരണം, അമ്മൂമ്മയേയും അപ്പൂപ്പനേയും എപ്പോഴും ശത്രുപക്ഷത്തു മാത്രമേ അമ്മ കണ്ടിട്ടുള്ളൂ. അവരുടെ പേരു പറയുന്നതുപോലും അമ്മയ്ക്ക് ചതുർത്ഥി ആയിരുന്നു .ഇപ്പോഴിത് എന്തത്ഭുതം സംഭവിച്ചോ ആവോ.

അവൾ ഒഴിഞ്ഞ ചായക്കപ്പുകളുമായി അടുക്കളയിലേക്ക് നടന്നു. അരി കഴുകി അടപ്പത്തിട്ടു കറിക്കുള്ള പച്ചക്കറികൾ അരിയുമ്പോൾ അവൾ അമ്മയെക്കുറിച്ചോർത്തു. അച്ഛനെയും തന്റെ തറവാടിനെയും കുറിച്ചോർത്തു.
അച്ഛൻ ഗംഗാധരൻ നായർ. അമ്മ ശാരദ. അച്ഛന്റെ ശാരദക്കുട്ടി. ഒരേയൊരു മകളായ താൻ.

അച്ഛൻ മരിച്ചപ്പോഴായിരുന്നു ഒടുവിൽ പോയത്. അതിപ്പോൾ രണ്ട് കൊല്ലം കഴിഞ്ഞിരിക്കുന്നു. അമ്മ തനിച്ചാണ് തറവാട്ടിൽ. പകൽ ജോലിക്ക് വന്നുപോകുന്ന ഒരു സ്ത്രീയുണ്ട്. രാത്രി ഒറ്റയ്ക്കുതന്നെ. അമ്മയ്ക്ക് 18 വയസ്സുള്ളപ്പോഴാണ് തന്നെ പ്രസവിച്ചത്. അന്ന് തന്റെ തറവാട്ടിൽ ആദ്യത്തെ സിസേറിയൻ ആയിരുന്നു അത്. ആദ്യപ്രസവം സിസേറിയൻ ആയതുകൊണ്ട് ഇനിയും ഒരു പരീക്ഷണം അമ്മയുടെ ആയുസ്സ് വച്ചു കളിക്കുന്നില്ലെന്നു അച്ഛൻ തീരുമാനിച്ചു. അങ്ങനെ ,തന്റെ ജനനത്തോടെ അമ്മയുടെ പ്രസവം നിർത്തി.ഇപ്പോൾ അമ്മയ്ക്ക് വയസ്സ് 56 കഴിഞ്ഞു.

ഒരേയൊരു മകളായതുകൊണ്ട് ഏറെ ലാളിച്ചാണ് തന്നെ വളർത്തിയതും. തന്റെ ജീവിതം ഭദ്രമായിരിക്കണം എന്ന ആഗ്രഹം കൊണ്ടാണ് ഏറെ പണവും പ്രതാപവുമുള്ള ഈ തറവാട്ടിൽ നിന്ന് ഒരു വിവാഹാലോചന വന്നപ്പോൾ ഡിഗ്രി രണ്ടാം വർഷം പഠിച്ചു കൊണ്ടിരുന്ന തന്നെ വിവാഹം കഴിപ്പിച്ച് അയച്ചത് .പത്തൊൻപതാം വയസ്സിൽ ഒരു അമ്മയായി എന്നല്ലാതെ കഴിഞ്ഞ നാലഞ്ചു ദിവസം മുൻപുവരെ തന്റെ ദാമ്പത്യ ജീവിതം കൊണ്ട് എന്തു പ്രയോജനമാണ്