നീ ഒരു കാര്യം ചെയ്യ്…ഒരു വെള്ളപേപ്പറിൽ എഴുതി താ…എന്റെ മരണത്തിനുത്തരവാദി എന്റെ ഭാര്യ ആണെന്ന്….. എനിക്കൊരു ഉറപ്പ് വേണ്ടേ…. ജീവിത നൈരാശ്യം മൂലവും എന്റെ ഭാര്യക്ക് അവിഹിത ബന്ധമുണ്ടായിരുന്നതിനാലും ഞാൻ മരിക്കുന്നു എന്നെഴുതി താ….ബാക്കി നാളെ നമുക്ക് തീരുമാനിക്കാം…..പോരെ….
നൗഷാദിനെ ഒഴിവാക്കിയിട്ടു നാളെ അനിതയുടെ അടുക്കൽ പോയി എല്ലാത്തിനും മാപ്പ് പറഞ്ഞു അവളെ കൂട്ടികൊണ്ടു വരണം….പിന്നെ സാഹചര്യമൊത്തു വരുമ്പോൾ അനിതയെ നൗഷാദിക്കയിക്കു ഒന്ന് മുട്ടിച്ചു കൊടുക്കാം….അപ്പോൾ തന്റെ പ്രശ്നങ്ങൾ കഴിയും….ഇതും കണക്കു കൂട്ടി അശോകൻ നൗഷാദ് പറഞ്ഞത് പോലെ എഴുതി…..
ആ എഴുത് അശോകാ….ഞാൻ പറഞ്ഞു തരാം….എന്നിട്ടു നീ നാളെ വൈകിട്ടൊരു തീരുമാനം അറിയിച്ചാൽ മതി….
അശോകൻ പേപ്പറും പേനയും എടുത്തു കൊണ്ട് വന്നു….
ഞാൻ യാത്രയാകുകയാണ്….ആരോരുമില്ലാത്ത ഈ ലോകത്തു നിന്നും എന്നന്നേക്കുമായി ഞാൻ യാത്രയാകുന്നു…..എന്റെ ഭാര്യ അനിതയുടെയും ആ അന്ന് ആ ഒരുപാട് ചാടിക്കടിക്കാൻ വന്ന ആ നായിന്റെ മോന്റെ പേരെന്താടാ അശോകാ….
ശ്രീകുമാർ…..ആ ശ്രീകുമാർ….ശ്രീകുമാറിന്റെയും വഴിവിട്ട ബന്ധം എന്റെ കണ്ണാലെ എനിക്ക് കാണുവാൻ കഴിഞ്ഞു….അതിൽ മനം നൊന്ത് ഞാൻ ഒരുപാട് ശകാരിച്ചപ്പോൾ അനിത അവളുടെ സഹോദരീ ഭർത്താവായ ശ്രീകുമാർ എന്ന കാമുകനോടൊപ്പം എന്നെ തല്ലിച്ചതച്ചു വീട് വിട്ടിറങ്ങി…..എനിക്കിയാളോടൊപ്പം ജീവിക്കാൻ കഴിയില്ല…എനിക്ക് ശ്രീകുമാർ മതിയെന്ന് പറഞ്ഞു….എനിക്കെന്റെ കുഞ്ഞിനെ പോലും കാണുവാനുള്ള അവകാശം നിഷേധിച്ചു…..ഞാൻ പോകുന്നു…എനിക്കെല്ലാവരെയും അങ്ങ് ആകാശത്തിരുന്നു കാണാമല്ലോ…..ആ അവകാശം ആരും നിഷേദിക്കുകയല്ലല്ലോ…..ഞാൻ മരിച്ചാൽ അതിന്റെ പൂർണ്ണ ഉത്തരവാദി ശ്രീകുമാറും അനിതയുമാണെന്നു ഒരിക്കൽ കൂടി സൂചിപ്പിച്ചു കൊണ്ട് ഞാൻ യാത്രയാകുന്നു……
ഒപ്പ്….
അശോകൻ ഒപ്പിട്ടു പേപ്പറും നൗഷാദിന്റെ കയ്യിൽ കൊടുത്തു…..ഇനി നീ ഒരു കാര്യം ചെയ്യ്…..ഈ ഫോമിൽ എല്ലാം ഒപ്പിട്…എന്നിട്ടു വീടിന്റെ ആധാരം കൂടി ഇങ്ങെടുക്ക്….
എനിക്കൊരു ഉറപ്പിനാ….ഞാൻ ഇത് സൊസൈറ്റിയിൽ ഒന്നും വക്കില്ല….നീ നാളെ വൈകിട്ട് ഇതിനൊരു തീരുമാനം ആക്കുന്നത് വരെ…..
അത് ഇക്കാ….
