“മ്മ് “അവൾ തലയാട്ടി “ഇച്ചായൻ വരുന്നില്ലേ? ”
“ഞാൻ വന്നോളാം… പക്ഷെ അതിന് മുന്നേ ഇച്ചായന്‌ കുറച്ച് കണക്ക് തീർക്കാനുണ്ട് ”
“വേഗം വരണേ ”
“മോള് പേടിക്കണ്ട… സമാധാനമായി പൊയ്ക്കോ “ജെസ്‌നയെ പറഞ്ഞയച്ചതും ഞാൻ നജീബിന്റെ വീട്ടിലേക്കു വീണ്ടും കയറി. അപ്പോൾ തന്നെ ജഹാൻകിർ അണ്ണന്റെ മറ്റു ശിങ്കിടിമാർ നജീബിന്റെ ഭാര്യ ഷഹലയുമായി അവിടെ എത്തിയിരുന്നു.
ജഹാൻകിർ അണ്ണന്റെ ഇടിയും കിട്ടി മൂലയ്ക്ക് കിടക്കുന്ന നജീബിനെ കണ്ടതും ഷഹല എന്നെയും അണ്ണനെയും മാറി മാറി നോക്കി.
“എന്താ… എന്താ വീണ്ടും പ്രശ്നം… അന്ന് എല്ലാം പറഞ്ഞ് തീർത്തതല്ലേ പിന്നെ എന്തിനാ നിങ്ങൾ എന്റെ കെട്ടിയോനെ തല്ലി കൂട്ടി ഇട്ടേക്കുന്നത്? ”
“അന്ന് എല്ലാം പറഞ്ഞ് തീർത്തിട്ടും ഈ നായിന്റെ മോന്റെ അസുഖം മാറിയില്ല… വീണ്ടും എന്റെ പെങ്ങളെ ഇവൻ ഈ വീട്ടിൽ വച്ച് തന്നെ ഉപദ്രവിക്കാൻ നോക്കി”
“സത്യമാണോ ഇക്കാ ഞാൻ ഈ കേൾക്കണേ? “ഞാൻ പറഞ്ഞത് കേട്ടു വിശ്വസിക്കാനാവാതെ ഷഹല നജീബിന്റെ അടുത്ത് പോയി ചോദിച്ചു. നജീബ് ഒന്നും മിണ്ടാതെ തല കുനിച്ചു നിന്നതേയുള്ളൂ.
“ഇതിനാണോ നിങ്ങൾ എന്നേം മക്കളേം ഷോപ്പിംങ്ങിനു പോവാൻ ഉത്സാഹിച്ചതു? നിങ്ങള്ക്ക് നാണമില്ലേ മനുഷ്യാ “എന്നും പറഞ്ഞ് ഷഹല പൊട്ടി കരഞ്ഞു.
“കരയാനുള്ളതൊക്കെ ഇപ്പൊ കരഞ്ഞു തീർക്കണ്ട .. നാളെ ഈ നായിന്റെ മോന്റെ കബറ് അടക്കുമ്പോൾ ബാക്കി കരയാം “ജഹാൻകിർ അണ്ണൻ ഷഹലയോടു പറഞ്ഞു. “ഈ ജഹാൻകിർ ഒരു തവണ ഈ നായിന് അവസരം കൊടുത്തതാ… അതുമല്ല ഞാൻ ഏറ്റ കേസ് സോൾവ് ആയില്ല എന്ന് പറഞ്ഞാൽ അത് ഈ ജഹാൻകിർനു നാണക്കേടാ…അതുകൊണ്ട് ഈ പന്നിയെ ഞാൻ ഇന്ന് തീരത്തേക്കുവാ ” എന്നും പറഞ്ഞ് നജീബിനെ പൊക്കി എടുത്ത് അണ്ണൻ രണ്ടെണ്ണംകൂടി പൊട്ടിച്ചു.
“ഇത്തവണ കൂടി നിങ്ങൾ ഒന്ന് ക്ഷമിക്ക്… പ്ലീസ്… എന്റെ പിള്ളേർക്ക് ബാപ്പ ഇല്ലാതാവും “ഷഹല എന്റെ കൈയ്യിൽ പിടിച്ച് അപേക്ഷിച്ചു.
“ഇടിക്കല്ലേ അണ്ണാ… ഇനി ഇടിക്കല്ലേ… വേറെ നിവർത്തി ഇല്ലാഞ്ഞിട്ടാ “നജീബ് അണ്ണന്റെ തല്ല് താങ്ങാനാവാതെ പറഞ്ഞു.
“എനിക്ക് വേണ്ടിയല്ല ജിസ്നയെ ഇവിടെ കൊണ്ട് വന്നത് “നജീബ് വിക്കി വിക്കി പറഞ്ഞൊപ്പിച്ചു.
“പിന്നെ ആർക്ക് വേണ്ടിയാടാ നാറി? “അണ്ണൻ കൈ ചുരുട്ടി പിടിച്ച് നജീബിന് നേരെ ചീറി.
“അവറാച്ചൻ മുതലാളിക്ക് വേണ്ടിയിട്ടാ ”
“അവറാച്ചന് വേണ്ടിയിട്ടൊ? കള്ളം പറഞ്ഞാൽ നിന്നെ ഞാൻ കൊല്ലും നാറി ”
